ရုၚ်အုပ်ဓုပ်ကာနာနာကျံက်ကျဳ ကေုာံ ဗဒိုပ်ဗၠာဲသၟိၚ် ဒးဒုၚ်ဗ္တိုက်၊ သ္ကိုပ်က္ဍိုက်က္ဍိုပ်ချိုတ်တုဲ (၄)တၠက္လိဂွံဝပ်

ကျံက်ကျဳ၊ ဂျောန်(၁၀)

ဗ္ဒိုပ်ဗၠာဲသၟိၚ်ၝောံဍုၚ်ကေုာံ ရုၚ်သ္ကိုပ်အုပ်ဓုပ်ကာနာနာပွိုၚ်ဍုၚ် မၞုံဍုၚ်ကျံက်ကျဳ၊ ရးဗဂေါဂှ် ပ္ဍဲဂိတုဂျောန် (၉) အခိၚ်နူဂယးဂှ် ဟိုတ်နူဒးဒုၚ်ဗ္တိုက်ကဵုဒရုၚ်တုဲ သၞာဲဒဴနူဌာနဆေၚ်စပ်ကံၚ်ဇြဳပၞာန်တံ ဇီုကပိုက်ချိုတ် အာတံ နွံလဝ်ဂှ် ညးဒေသတံ ဟီုကဵုဌာန်ပရိုၚ်သြၚ်လောန်တိုၚ်မ်ရ။

ပ္ဍဲတ္ၚဲဂှ် အခိၚ်နူဂယး ၜိုတ်(၁၀)နာဍဳဂှ် ဒပ်ပၞာန်ဗၠးၜးကောန်ဂကူကရေၚ် KNLA ကဵု ကကောံဒပ်ပံၚ်ကောံ PDF တံ ဗတိုက်ထောံလဝ်ဗမ် ကုရုၚ်သ္ကိုပ်အုပ်ဓုပ်ကာနာနာ ကေုာံ ဗ္ဒိုပ်ဗၠာဲသၟိၚ်ၝောံဍုၚ်ဂှ် နကဵုဒရုၚ်ရ။

ရုၚ်အုပ်ဓုပ်ကာနာနာကျံက်ကျဳ ကေုာံ ဗဒိုပ်ဗၠာဲသၟိၚ် ဒးဒုၚ်ဗ္တိုက်၊ သ္ကိုပ်က္ဍိုက်က္ဍိုပ်ချိုတ်တုဲ (၄)တၠက္လိဂွံဝပ်
ရုၚ်အုပ်ဓုပ်ကာနာနာကျံက်ကျဳ ကေုာံ ဗဒိုပ်ဗၠာဲသၟိၚ် ဒးဒုၚ်ဗ္တိုက်၊ သ္ကိုပ်က္ဍိုက်က္ဍိုပ်ချိုတ်တုဲ (၄)တၠက္လိဂွံဝပ်

ဟိုတ်နူဒးဒုၚ်ဗ္တိုက်ထောံလဝ်ဗမ် နကဵုဒရုၚ်ဂှ်ရ စမြိုၚ်ရုၚ်သ္ကိုပ်အုပ်ဓုပ်ကာနာနာ ကေုာံ ဗ္ဒိုပ်ဗၠာဲသၟိၚ် လ္ၚဵုတံ ဇီုကပိုက်လီုလာ်အာလဝ်တုဲ ပွဇီုကပိုက်ချိုတ်ဂျိုၚ်တံလေဝ် က္တဵုဒှ်လဝ်ရ။

ပ္ဍဲပရေၚ်ဗ္တိုက်ဏံဂှ် သ္ကိုပ်က္ဍိုက်က္ဍိုပ်ပရေၚ်တဵုလွဳပွိုၚ်ဍုၚ်မွဲတၠချိုတ်အာတုဲ သ္ကိုပ်က္ဍိုက် က္ဍိုပ်ဂကောံ သြိုဟ်ပၠိုတ်ပၟတ်ပွိုၚ်ဍုၚ်၊ ကောန်ဒပ်ကံၚ်ဇြဳပၞာန်မွဲတၠ ကေုာံ ညးယိုက်ဝန်ရုၚ်သ္ကိုပ်အုပ်ဓုပ်မွဲတၠကဵု ကောန်သ္ၚိကၟိန်ဗၠာဲသၟိၚ်မွဲတၠ ဇီုကပိုက်ကလိဂွံလဝ်ဝပ်ရ။

အတိုၚ်ဂလာန်ညးဒေသတံဂှ်မ္ဂး ပွဗ္တိုက်ထောံဗမ်နကဵုဒရုၚ်ဂှ် ဗ္တိုက်လဝ် အဃောကၠောန် သ္ပမံၚ်ကောံဓရီု ကဆံၚ်ပွိုၚ်ဍုၚ် ပ္ဍဲရုၚ်သ္ကိုပ်အုပ်ဓုပ်ကာနာနာ ပွိုၚ်ဍုၚ်ကျောက်ကျဳဂှ်ရောၚ်ဂှ် သ္ဂးအိုတ်ရ။

ကြဴနူဒးဒုၚ်ဗ္တိုက်ကဵုဒရုၚ်တုဲဂှ် ကောန်ဒပ်ကံၚ်ဇြဳပၞာန်တံ ပ္ဍဲကဵု အပ္ဍဲဍုၚ်မ္ၚးဍုၚ်တံဂှ် ကၠောန်သ္ပလဝ် ပွကၟာတ်ဆိုအ်ဗ ဂၠိုက်ဂၠာဲစၟဳတ်တံတုဲ ပ္ဍဲအခိၚ်လ္ဒေါဝ်တ္ၚဲဂှ် အာကၠုၚ်တိုန်အတိုၚ်ပကတိပၠန်ယျဂှ် ဂွံတီကေတ်ရ။

တုဲကၠုၚ်ပ္ဍဲဂိတုဂျောန် စၟတ်တ္ၚဲ (၆)ဂှ်လေဝ် ပ္ဍဲဗ္ဒိုပ်ဗၠာဲသၟိၚ်နာတ်တာန်ကွေန် မၞုံပွိုၚ်ဍုၚ်ကျံက်ကျဳကဵု ဒၞါဲဒပ်ကံၚ်ဇြဳပၞာန်တံဖျေံလဝ်ဗ္ဒပ်တံဂှ် ဂကောံဒပ်ပံၚ်ကောံ KNLA တံလုပ်ဍိုက်ဗ္တိုက်လဝ်တုဲ လ္ပာ်ကံၚ်ဇြဳပၞာန် ဗ္ဒါဲ ၄၀ တၠ ဒးချိုတ်အာလဝ်ရောၚ်ဂှ် ဗော်ညဳသၟဟ်ကောန်ဂကူကရေၚ် KNU ဗဟဵု လလောၚ်ပ္တိတ်လဝ်ရ။

ပရိုၚ် – သြၚ်လောန်တိုၚ်မ်

ဗီု – PAN

Leave a Reply

Your email address will not be published. Required fields are marked *