ဒပ်ပၞာန်ယူကရုၚ် ကလေၚ်သီကေတ်ဒၟံၚ် တိဍာ်ကၟိန်ဍုၚ် နကဵုပၞာန်ထ္ပက်

ကဳယေပ် – ဂျောန်(၁၃)

ကြဴနူလလောၚ်တြးလဝ် ပရေၚ်ပလန်တဲထ္ပက်ပၞာန် ကုဒပ်ရုယှာတုဲ ပွိုၚ်မွဲတ္ၚဲဂှ် ကလေၚ်သီကေတ်လဝ် ကွာန်ပံၚ်ကောံမံၚ်တန်တဴဒၟံၚ် ပ္ဍဲလ္ပာ်ဒိုဟ်အဂၞဲ မရနုက်ကဵုစတုတ္ထ မာန်လဝ်ရဂှ် ယူကရုၚ်ဟီုသ္ဂးလဝ်ရ။

ယူကရုၚ်ဂှ် ကလေၚ်သီဗ္ၜောဝ်ကေတ်တိဍာ် ပ္ဍဲလ္ပာ်ဗၟံက်ကဵု လ္ပာ်သၠုၚ်ကျာမာန်ရောၚ်ဂှ် စၟဳပတှ်ေကေတ် လဝ်ကီု ဟိုတ်နူဘပဠဒၟံၚ်ဒဒန်တိ ရုယှာသုၚ်စောဲဒၟံၚ် သွက်ဂွံထံက်ပလံၚ်တ္ကအ်ခရိုၚ်မဳယာ ဒးဒုၚ်သီ ကေတ်လဝ်ဂှ်တုဲ ယူကရုၚ်ကၠောန်ရေၚ်တၠုၚ်ဒၟံၚ်ပၞာန် ရမျှာၚ်သ္ၚိတ် ပရေၚ်ဒးဇီု ကပိုက်အောန်ကြဳဂှ်ရ။

ပ္ဍဲသတ္တာဟတုဲကၠုၚ်တေံ ပၞာန်ထ္ပက်ပလန်တဲ စဒၟံၚ်ယျဂှ် ရုယှာဟီုသ္ဂးလဝ်တုဲ စဵုအခိၚ်လၟုဟ်ဏံ ယာဉ်ပၞာန် ကေုာံကွဳစက်ခြပ် ကၠောန်ပ္တိတ် နူအမေရိကာန် ကေုာံဂျာမာန် လီုလာ်အာလဝ်တအ်ဂှ် ပ္တိတ်ထ္ၜးလဝ်တုဲ ထ္ၜးလဝ်ဗီုပြၚ်နဒဒှ်ပရေၚ်ဒးကျဟောံဗြီုလဝ် ပ္ဍဲအခိၚ်တုဲကၠုၚ် ဟွံလအ်ဏီရဂှ်။

ဒပ်ပၞာန်ယူကရုၚ် ကလေၚ်သီကေတ်ဒၟံၚ် တိဍာ်ကၟိန်ဍုၚ် နကဵုပၞာန်ထ္ပက်
ဒပ်ပၞာန်ယူကရုၚ် ကလေၚ်သီကေတ်ဒၟံၚ် တိဍာ်ကၟိန်ဍုၚ် နကဵုပၞာန်ထ္ပက်

ယူကရုၚ်ဂှ် ကွာန်(၃)ကွာန် မၞုံပ္ဍဲတၞုၚ်ဒေသဒွောန်ညေတ် ကြပ်ဒၟံၚ်ကဵုဒေသဇြာပိုဝ်ရဳဇြဳဇြဳယာဂှ် သ္ပကဵုကောန်ဒပ်ညးတအ် ဗၠးတိတ်လဝ်ရဂှ် ဟီုသ္ဂးလဝ်ရ။

အတိုၚ်တၚ်ပရဟ်ဒုၚ် ဒုၚ်စဳရေၚ်ပ္တိုန်ထ္ၜးလဝ်မ္ဂး သီဂွံကေတ်မာန်လဝ် မွဲကရောံကဵု ကွာန်မာကာရဳ(ဗ်) သ္ၚောဲနူကဵုဒၞာဲ ကေၚ်ဒှ်လဝ်မုက်ပၞာန် အခိၚ်ကၠာတေံ ခရာၜိုတ်(၃)မိုၚ်ဍောတ်တ်ရဂှ် ဂွံတီကေတ်ရ။

ကွာန်မာကာရဳ(ဗ်)ဂှ် နွံဒၟံၚ် ပ္ဍဲခရာ(၉၀)ကဳလောမဳတာ နူလ္ပာ်သၠုၚ်ကျာဒဒန်တိကုန်ရုယှာ မၞုံပ္ဍဲၜဳအေ ဇြောရဂှ် ဂွံတီကေတ်ရ။

ဗလံက်ဂါဒပ်ပၞာန်ရုယှာပြာကတ်ဒၟံၚ်လ္ၚဵုတအ်ဂှ် ပ္ဍဲကဵုမာကာရဳ(ဗ်) ၜိုန်ရပေါဲဗတိုက်သ္အာတ် မြဟ်ဒၟံၚ် ကီုလေဝ် ဒပ်ယူကရုၚ်တအ် သီကေတ်မာန်လဝ်ရဂှ် သ္ပလဝ်ဒ္တန်ရ။

ရုယှာဂှ် ပလေဝ်ပလေတ်ဒၟံၚ် သွက်ဂွံဒုၚ်ဗတိုက်ကဵုဒပ်ယူကရုၚ် ဂကောံကၟိန်ဍုၚ်ပလိုတ်တအ် ပ္ကတ်ပကေၚ်ကဵုလဝ်တုဲ ဗ္ဂပ်လဝ်ကဵုလွဟ်ရဂှ်လေဝ် ဂွံတီကေတ်ရ။

ပ္ဍဲဒၞာဲမၞုံဒေသဒွောန်ညေတ်လ္ၚဵု ကေုာံဗ္ဒာဲလွောန်နေတ်ဂှ် အခိၚ်လောန်ကၠုၚ် ပွိုၚ်(၂၄)နာဍဳတုဲကၠုၚ်ဏံ ပေါဲဗတိုက်ဒှ်လဝ် (၂၅)ဝါရဂှ် ဓမံက်ထ္ၜးလဝ် ပ္ဍဲပရိုၚ်တၚ်ဂၞၚ်ပေါဲဗတိုက်လၟေၚ်ဍာံ ယူကရုၚ်ရ။

ဒပ်ယူကရုၚ်ဂှ် ကလေၚ်ပလန်တဲ ထပ်ဗတိုက်လဝ် ရေၚ်ၜဳဘာ(က်)မေတ်တုဲ သကဵုဒပ်ရုယှာတအ် ဆုတ်ကလေၚ်တိတ်အာ စဵုကဵုခရာ(၇၀၀)မဳတာ မာန်လဝ်ရဂှ် ညးမၞုံအခေါၚ်ဟီုဂး သ္ကိုပ်ကောပ်ကာဲပၞာန် သ္ကုတ်ဗၟံက် ချဳရဳဗာရဳ ဟီုသ္ဂးလဝ်ရ။

ပ္ဍဲပရေၚ်ပရောအခိၚ် ရုယှာလောန်ၜက်လုပ်ကၠုၚ်လဝ် သၞာံ၂၀၂၂ ဂိတုဖေဖဝ်ဝါရဳဂှ် အခိၚ်ပေါဲဗတိုက် ဆီပါ်ဍာ်ဇွောဝ် သ္ကာတ်မြဟ် က္တဵုဒှ်လဝ်တုဲဂှ် ပ္ဍဲကဵုဂိတုတုဲကၠုၚ်ဏံ ရုယှာသီဂွံလဝ် ဍုၚ်တအ်ဂှ်တုဲ ပ္ဍဲကဵုသတ္တာဟဂမၠိုၚ်ဂှ် ပရေၚ်ဒးဆောံလေၚ် နူဒပ်ၜါလ္ပာ် ဂၠိုၚ်ဂၠေၚ်ဒၟံၚ်ရဂှ် ဂွံတီကေတ်ရ။

Ref;Reuters

Leave a Reply

Your email address will not be published. Required fields are marked *