ပ္ဍဲဂဂဝ် ပျူသဝ်ထဳတအ် ပန်ဂစိုတ်လဝ် ကောန်ထံၚ်ပရေၚ်ဍုၚ်ကွာန် ၜါတၠ

ဂဂဝ် -ဂျောန်(၁၄)

ရးဒေသမဂွေ၊ ကောန်ထံၚ်ပရေၚ်ဍုၚ်ကွာန် နူပွိုၚ်ဍုၚ်ဂဂဝ်ၜါတၠဂှ် အခိၚ်ရပ်ဒက်ထိၚ်ဒဝ်လဝ် ပ္ဍဲဗဒိုပ်ဗၠာဲသၟိၚ်ဂဂဝ် ပျူသဝ်ထဳတအ် ကော်ပ္တိတ်ဏာမ္ၚးတုဲ ပန်ဂစိုတ်လဝ်ရဂှ် ညးဒေတအ်ဟီုသ္ဂးလဝ်ရ။

ပ္ဍဲဂိတုဂျောန် စၟတ်တ္ၚဲ (၁၁) အခိၚ်ဒေါဝ်တ္ၚဲ ညးဒးဒုၚ်ရပ်လဝ် ပ္ဍဲဗဒိုပ်ဗၠာဲသၟိၚ်ဂဂဝ်ၜါတၠ ဒပ်ကံၚ်ဇြဳပၞာန်ကဵု ပျူသဝ်ထဳတအ် ပန်ဂစိုတ်လဝ် ပ္ဍဲမ္ၚးဗဒိုပ်ဗၠာဲသၟိၚ်ဂှ်ရ။

ညးဒးဒုၚ်ပန်ဂစိုတ်လဝ်တအ်ဂှ် ဒှ်မၞိဟ်ဒးဒုၚ်ရပ်လဝ် နကဵုဂဗုတ်ပရေၚ်ဍုၚ်ကွာန်တုဲ ပ္ဍဲကဵုမၞိဟ်ကၠုၚ်ပန်ဂစိုတ်ညးတအ်ဂှ် တၠဆေၚ်ဗဳယာ ပရဳမဳယာတူ ဖိုဝ်ဇြဝ်လေဝ် ပါလုပ်ဒၟံၚ်ရဂှ် ညးဒေသမွဲတၠ ဟီုကဵု ဌာန်ပရိုၚ်သြၚ်လောန်တိုၚ်(မ်)ရ။

ကံၚ်ဇြဳပၞာန်ကဵု ပျူသဝ်ထဳတအ် ပန်ဂစိုတ်လဝ် ညးတအ်ညးၜါ ပ္ဍဲအကြာဍုၚ်ဂဂဝ်ကဵု ကွာန်ပျာတုဲ ညးဒးဒုၚ်ဂစိုတ်လဝ်ဂှ် ဒှ်ကောန်ကွာန်ဇြဟဝ်ကဵု ကောန်အရာပ်ပဝ်ခေန် ဍုၚ်ဂဂဝ်မွဲတၠတုဲ ရပ်လဝ်ညးတအ် လအ်ကၠုၚ် ပွိုၚ် (၂)ဂိတုရဂှ် ဂွံတီကေတ်ရ။

သ္အာၚ်နူဂှ်ပၠန် ကောန်ထံၚ်ပရေၚ်ဍုၚ်ကွာန် ဒးဒုၚ်ရပ်လဝ်ဗီုလၟုဟ်ဏံ ပရေၚ်ဒဒှ်ကော်ပတိတ်ဏာ နူဗဒိုပ်ဗၠာဲသၟိၚ်တုဲ ကေၚ်ပြိုက်ဂစိုတ်လဝ် ကေၚ်နွံကၠုၚ်ဒၟံၚ်ရဂှ် ညးဟီုသ္ဂးလဝ်ဏီရ။

ကြဴနူဒပ်ပၞာန်သီအဝဵုကၟိန်ဍုၚ်ဗၟာတုဲ ညးဍုၚ်ကွာန် ဗ္ဒာဲ(၄)လ္ၚီတၠ ဒးဒုၚ်ပြိုက်ဂစိုတ်လဝ်တုဲ ပ္ဍဲကဵုဂှ် ညးဒေသရးမဂွေ ပါလုပ်ဒၟံၚ် ၜိုတ်(၃၀၀)တၠရဂှ် ဂွံတီကေတ်ရ။

ပရိုၚ်-သြၚ်လောန်တိုၚ်(မ်)

ဗီုရုပ် – CJ

Leave a Reply

Your email address will not be published. Required fields are marked *