ပ္ဍဲဝေဒ်နာမ် ဗ္ဒိုပ်ဗၠာဲသၟိၚ် ၂ ဒးဒုၚ်ဗ္တိုက်တုဲ မၞိဟ်ချိုတ်အာကဵု မၞိဟ်ကလိဂွံဝပ်ဇီုကပိုက်တံ ဂၠိုၚ်လဝ်

ဟဏဳ၊ ဂျောန် (၁၄)

ပ္ဍဲတ္ၚဲအဒိုတ်တုဲကၠုၚ်တေံ ပ္ဍဲကဵုဌာန်ဂအုပ်ဗၠာဲသၟိၚ် ၂ မၞုံပ္ဍဲ Central Hihglands ဂှ် က္တဵုဒှ်လဝ်ပရေၚ်ပန်ပှော်တုဲ မၞိဟ်ဗွဲမဂၠိုၚ်ဂၠေၚ် ချိုတ်အာလဝ်တုဲ ကလိဂွံဝပ်တံလေဝ် က္တဵုဒှ်လဝ်ရောၚ် သၟိၚ်တၠအဝဵုတံ ဟီုဂးလဝ်ရ။

မၞိဟ်မဆက်စပ်ကဵု ပရေၚ်ဗ္တိုက် မက္တဵုဒှ်လဝ်သာ်ဏံ (၁၆) တၠဂှ် ရပ်ထိၚ်ဒက်မာန်လဝ်ရောၚ် ထ္မံက်ထ္ၜး လဝ် ပ္ဍဲဝါပ်သာာ် ဌာနက္ဍိုက်ပ်ပရေၚ်ဂီုကၠီုညးဍုၚ်ကွာန်တံဂှ်တုဲ ဒဒှ်ရဂၠါဲဒၟံၚ်မၞိဟ် သံသယနွံတၠဒုဟ် တံဖိုဟ်ဂှ် ဂွံတီကေတ်ရ။

ပရေၚ်ဗ္တိုက် မက္တဵုဒှ်လဝ် ပ္ဍဲတ္ၚဲအဒိုတ်ပြဟ်ဟ်ဂှ်ဝွံ ရုဲစှ်ဗ္တိုက်လဝ် ဗ္ဒိုပ်ဗၠာဲသၟိၚ် မၞုံပ္ဍဲခရိုၚ်အေဝ်ယာကတူ ကေုာံ အေဝ်ယာတူတံဂှ်ရ။

ဗၠာဲသၟိၚ်တံ၊ သၟိၚ်တၠအဝဵုဒေသတံ ကေုာံ ကောန်အရာပ်လ္ၚဵုတံ ဒးဒုၚ်ဂစိုတ်လဝ်တုဲ မၞိဟ်ကလိဂွံလဝ် ဝပ်တံလေဝ် နွံဂှ် ဟီုဂးလဝ်ကီုလေဝ် လၟိဟ်ဂၞန်ချိုတ်တ်ပၠိုတ်တ်ဂှ် ထ္မံက်ထ္ၜးလဝ် ဟွံမွဲဏီရ။

ဒေသ Central Highlands ဝေဒ်နာမ်ဂှ်ဝွံ ဒှ်ဌာနကောန်ဍုၚ်အရၚ်ဂကောံမၞိဟ်အောန်တံတုဲ သွက်အလဵုအသဳဝေဒ်နာမ်ရဂှ် ဒှ်ဒၟံၚ်ဒၞါဲဇီုကပိုက်လောဲသွာမွဲရောၚ် မဒှ်ရ။

ပ္ဍဲကဵုဒၞါဲဂှ်ဂှ် စပ်ကဵုပရေၚ်ပိုၚ်ပြဳတိဍာ်တုဲ အရာဟွံပြေစိုတ်တံ က္တဵုဒှ်အုပ်ဓလီုဒၟံၚ်ရ။ စပ်ကဵုဒးဒုၚ်ဗ္တိုက်သာ်ဏံဂှ်တုဲ ပ္ဍဲကဵုမဳဒဳယျာ မထ္မံက်ထ္ၜးလဝ်တံဂှ် ကလေၚ်ရုပ်သီလဝ်တုဲ ပရေၚ်ကလေၚ်ဗလးပ္တိတ်တံလေဝ် နွံလဝ်ရ။

ပ္ဍဲကဵုဍုၚ်ဝေဒ်နာမ်ဂှ် ပွပကီုပရာပ်ပန်ပှော်ဟီုဂှ် အောန်ကီုလေဝ် လေပ်က္တဵုဒှ်တုဲ ကောန်ဍုၚ်တံဂှ်လေဝ် အခေါၚ်ရပ်သေနာတ်ဟွံမွဲတုဲ ဗွဝ်ဖျာလွဟ်လက်နက်ဒမၠုက်တံဂှ်လေဝ် ကၟာတ်လဒဵုလဝ် တေၚ်ၚ်ဂြတ်တ်ရ။

ပ္ဍဲကဵုသၞာံ ၂၀၂၀ ဂိတုဂျာန္နဝါရဳ ပ္ဍဲကဵုပေါဲစာၚ်အရာပ်ဇိုၚ်ဇဵုဍုၚ် ဍုၚ်ဟဵုချဳမေန် မကၠောန်ဗဒှ်လဝ်ဂှ် မၞိဟ် (၄) တၠ ကေၚ်ဒးဒုၚ်ပန်ဂစိုတ်လဝ်တုဲ ပ္ဍဲသၞာံ ၂၀၁၆ ဂှ်လေဝ် ပ္ဍဲကဵုသ္ကုတ်သၟဝ်ကျာကၟိန်ဍုၚ်ဂှ် သၞာဲဒဴမၞုံကဵုကဆံၚ် ၂ တၠ ကေၚ်ဒးဒုၚ်ပန်ဂစိုတ်လဝ်ကီုရ။

Ref: AFP

Leave a Reply

Your email address will not be published. Required fields are marked *