သ္ၚိဒၟံၚ်ဝန်ဇၞော်သၟာကမၠောန် NUG နာဲသုဝဏ္ဏ ဒးဒုၚ်သီလဝ်

ဘာအၚ်၊ ဂျောန်(၁၅)

သ္ၚိဒၟံၚ်ဝန်​ဇၞော်ကၟိန်ဍုၚ် ဌာနဝန်ဇၞော်သၟာကမၠောန် အလဵုအသဳပရေၚ်ညဳသၟဟ်ကောန်ဂကူ (NUG) နာဲသုဝဏ္ဏဂှ် ကံၚ်ဇြဳပၞာန် ကၟာတ်ဒၞာသီကေတ်လဝ် နဒဒှ်ဘဏ္ဍာကၟိန်ဍုၚ်ရဂှ် ညးဒေသတအ် ဟီုကဵု ဌာန်ပရိုၚ်သြၚ်လောန်တိုၚ်(မ်)ရ။

သ္ၚိဒၟံၚ်ဝန်ဇၞော် နာဲသုဝဏ္ဏ မၞုံအရာပ်စၟတ်(၇) ကွာန်စဳပျးထုံအိုၚ် ပွိုၚ်ဍုၚ်ဘာအၚ် တွဵုရးကရေၚ်ဂှ် ပ္ဍဲဂိတုဂျောန် တုဲကၠုၚ် စၟတ်တ္ၚဲ (၁၃) အခိၚ်ဇိုၚ်သဝ်တ္ၚဲဂှ် ဒပ်ဗၠာဲသၟိၚ်ကံၚ်ဇြဳပၞာန် ကေုာံသ္ကိုပ် ပရေၚ်အုပ် ဓုပ်တအ် ကၠုၚ်စိုပ်တုဲ ကၟာတ်ဒၞာ သီကေတ်လဝ်ရ။

ကၠာတေံလေဝ် ကံၚ်ဇြဳပၞာန် ကေၚ်ကၠုၚ်ဗာန်လဝ်လိက်ကၟာတ်ဒၞာ သ္ၚိဒၟံၚ်ဝန်ဇၞော် နာဲသုဝဏ္ဏ (၂) ဝါ ကေၚ်နွံကၠုၚ်လဝ်ကီု လၟုဟ်မွဲဝါဏံဂှ် ကၠုၚ်ဗာန်စုတ်လဝ် လိက်စမြိုၚ်ကၟာတ်ဒၞာသီလဝ် နဒဒှ်ဘဏ္ဍာ ကၟိန်ဍုၚ်ရဂှ် ဂွံတီကေတ်ရ။

သ္ၚိဒၟံၚ်ဝန်ဇၞော်သၟာကမၠောန် NUG နာဲသုဝဏ္ဏ ဒးဒုၚ်သီလဝ်
သ္ၚိဒၟံၚ်ဝန်ဇၞော်သၟာကမၠောန် NUG နာဲသုဝဏ္ဏ ဒးဒုၚ်သီလဝ်

ဃောကၟာတ်ဒၞာသီကေတ်ဂှ် ညးလုပ်ဂကောံကံၚ်ဇြဳပၞာန်တအ် ဗာန်စုတ်လဝ်ဂတဵုမုက် ဒဒှ်ရကၟာတ်ဒၞာ ပ္ဍဲကဵုကၟေၚ်ကျာ ဂတမုက်သ္ၚိဝန်ဇၞော် နာဲသုဝဏ္ဏ ထပ်လတူတုဲ ကၟာတ်ဒၞာလဝ် ပ္ဍဲပါၚ်တြၚ်သ္ၚိတုဲ က္လေၚ်တိတ်အာရဂှ် ညးဒေသမွဲတၠ ဟီုသ္ဂးလဝ်ရ။

ပ္ဍဲကဵုအကံက်တေဝ်လဳဂရာမ် ဠဝ်ဗဳဒပ်ပၞာန်တအ်ဂှ်မ္ဂး နာဲသုဝဏ္ဏဂှ် ကေတ်လဝ်တာလျိုၚ် နဒဒှ်ဝန်ဇၞော် ကၟိန်ဍုၚ် NUG တုဲ ဟိုတ်ဆဝ်ပ္ၚုဟ်ဒၟံၚ် သွက်ဂွံကၠောန်ကမၠောန်ပ္ကီုပရာပ်ဂှ်ရ ဒးကၟာတ်ဒၞာ သီကေတ် လဝ်သ္ၚိဒၟံၚ်ရဂှ် ချူတြးဓမံက်ထ္ၜးလဝ် နွံရ။

နာဲသုဝဏ္ဏ မဒှ်သၟာပရေၚ်ဍုၚ်ကွာန်မန်ဝှ်ကြံၚ်မွဲတၠဂှ် ပ္ဍဲသၞာံ ၂၀၂၁ ဂိတုမာတ်ချ် စၟတ်တ္ၚဲ (၃၁) တုဲကၠုၚ်တေံ အလဵုအသဳပရေၚ်ညဳသၟဟ်ကောန်ဂကူ (NUG) ခါန်ကၞက် အပ်ပြာပ်ကဵုလဝ်တာလျိုၚ် နဒဒှ်ဝန်ဇၞော်ကၟိန်ဍုၚ် ဌာနဝန်ဇၞော်သၟာကမၠောန်ရ။

နာဲသုဝဏ္ဏဂှ် အခိၚ်ကၠာတေံ ဒှ်ညးလုပ်ဂကောံ ကဝ်မတဳရေၚ်တၠုၚ်ကေၚ်ကာဗဟဵု ဗော်ညဳသၟဟ်မန် မွဲတၠတုဲ ကြဴနူဒပ်ပၞာန်သီအဝဵုတုဲ ဟိုတ်နူဗော်ညဳသၟဟ်မန် ပံၚ်တောဲကဵုကံၚ်ဇြဳပၞာန်ဂှ်ရ နုက်တိတ်လဝ် နူဗော်ပေၚ်ၚ်ရဂှ် ဂွံတီကေတ်ရ။

ပရိုၚ်-သြၚ်လောန်တိုၚ်(မ်)

ဗီုရုပ်-CJ

Leave a Reply

Your email address will not be published. Required fields are marked *