ပ္ဍဲပွိုၚ်ဍုၚ်သဓီု မၞိဟ်တြုံ ၂ တၠ ချိုတ်ဒၟံၚ်ဂှ် ဂွံဆဵုကေတ်ဇွ

သဓီု၊ ဂျောန် (၁၅)

တွဵုရးဍုၚ်မန် ပွိုၚ်ဍုၚ်သဓီု ဗ္ဒါဲကွာန်ကၟာဇြိုၚ် ပ္ဍဲကဵုဒၞါဲဆေၚ်သွံကၠေၚ် PTT တြေံ ပ္ဍဲကဵုအခန် KTV ဟွံသုၚ်စောဲကၠဟ်ထောံလဝ်ဂှ် ဂွံဆဵုကေတ်လဝ် ဇွမၞိဟ်တြုံ ၂ တၠ မချိုတ်ဒၟံၚ်ဂှ်ရောၚ် ညးဒေသတံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။

တုဲကၠုၚ် ပ္ဍဲဂိတုဂျောန် (၁၃) အခိၚ်ဇိုၚ်သဝ်တ္ၚဲ ၜိုတ် ၃ နာဍဳဂှ် ဂကောံဒပ်ကံၚ်ဇြဳပၞာန်တံ အခိၚ်အာစိုပ် စၟဳစၟတ် အပ္ဍဲဒၞါဲဆေၚ်သွံကၠေၚ် PTT တြေံဂှ် ဂွံဆဵုကေတ်လဝ် ဇွညးတြုံ ၂ တၠ မချိုတ်ဒၟံၚ်ဂှ်ရောၚ် သ္ဂးရ။

ဆ္ဂး ညးမချိုတ်အာတံဝွံ ဒှ်ညးလဵုရောဟီုဂှ် သ္ပဒတန်ဟွံမာန်တုဲ ပ္ဍဲကဵုညးဒေသတံဂှ်လေဝ် မၞိဟ်ကၠေံအာ ဟွံမွဲပုဟ်ဂှ် ဂွံတီကေတ် အတိုၚ်ဂလာန် ညးဒေသကၟာဇြိုၚ်တံရ။

ညးမချိုတ်အာတံဂှ်ဝွံ ဖံက်ဗ္တိုဟ်မာၚ် ကုရေၚ်ကွဳစက်ကံၚ်ဇြဳပၞာန်တုဲ ဒှ်ဇွရုပ် ကောန်ဒပ် KNU, PDF ဟွံကၠုၚ်ကေတ်တုဲ မသှ်ေဒၟံၚ်အပ္ဍဲပေါဲဗ္တိုက်တံရောၚ်ဂှ် ရဲထံက်ဂလာန်ဒပ်ပၞာန်တံ တြးဒၟံၚ်ဝါဒတံ နွံဒၟံၚ်ရ။

ဥက္ကဌ ကမ္မတဳကောပ်ကာဲကေၚ်ကာမိတ် ခရိုၚ်သဓီု KNU ဂှ် အပ္ဍဲဂကောံအဖဝ်မိတ်ညးတံ ကောန်ဂကောံဒပ် ကၠေံခၞၚ်အာဟွံမွဲဂှ်ကဵု လၟေၚ်ဒဒှ်ဏံဝွံ ဒပ်ကံၚ်ဇြဳပၞာန်တံ ပန်ဂစိုတ် မၞိဟ်မရပ်ဒက် လဝ်တံဂှ်တုဲ ကၠုၚ်စုတ်ဏာလဝ်ရောၚ် သ္ပလဝ်တၚ်စၟတ်ရ။

ဖျုန်၊ ဇုတ် ညးမချိုတ်အာတံဂှ် လ္ပာ်ကံၚ်ဇြဳပၞာန် ပလံၚ်ဗစိုပ်စၟဳစၟတ်ဒၟံၚ် ပ္ဍဲရုၚ်ဂဥုဲဒုၚ်သုက်ရောၚ် ဂွံတီကေတ်ရ။

လ္တူဂၠံၚ်ကွဳစက် လ္ဂုၚ်−မတ်မလီု ဗ္ဒါဲပွဳပွူ မၞိဟ်တြုံ ၂ တၠ မချိုတ်ဒၟံၚ်ဂှ် ဒှ်ဒၞါဲရေၚ်ကွဳစက်ကံၚ်ဇြဳပၞာန်တံကဵု ယာန်ဖ္ဍိုက်မၞိဟ်အာတရဴတံ ဒးဒုၚ်ဗ္တိုက်ဖံက်ဗ္တိုဟ်မာၚ် မွဲဏှမွဲဏှတုဲ မၞိဟ်ဒဳယာန်ကဵု ရဲအာတရဴတံ ဇီုကပိုက်ချိုတ်အာတံ နွံဒၟံၚ်ရ။

ပရိုၚ်−သြၚ်လောန်တိုၚ်(မ်)

ဗီု−SBM

Leave a Reply

Your email address will not be published. Required fields are marked *