နေပျဳဒဝ် – ဂျောန်(၁၆)
နေပျဳဒဝ်၊ ပ္ဍဲပွိုၚ်ဍုၚ်လေဝ်ဝေဂှ် က္ၜၚ်ကျာသၞေၚ်ၜဲ ကံၚ်ဇြဳပၞာန်မွဲဖ္ဍိုက် ခရိုဟ်လီုစှ်ေတုဲ သ္ကိုပ်ဒဳက္ၜၚ် ကျာကဵု ကောန်တန်ဗ္တောန် ပါဗက်ကၠုၚ် ပ္ဍဲက္ၜၚ်ကျာဂှ် ဒးချိုတ်လဝ်ရဂှ် ကံၚ်ဇြဳပၞာန် လလောၚ်တြးလဝ် ပရိုၚ်ရ။
ပ္ဍဲပရေၚ်ဒဒှ်ဂှ် ဂိတုဂျောန် စၟတ်တ္ၚဲ (၁၅) အခိၚ်နူဂယး နူကဵုနေပျဳဒဝ် ဃောဒဳကၠုၚ်ဍုၚ်မိတ္ထဳလာ ပ္ဍဲအခိၚ်စိုပ်အာ သၠုၚ်ကျာကွာန်လေဝ်ဒါဂျဳ ပွိုၚ်ဍုၚ်လေဝ်ဝေ တိဍာ်ကံၚ်ဇြဳနေပျဳဒဝ် ခရာ (၅)မိုၚ်ဂှ် စက်ဆောတ်ယောၚ်တုဲ ခရိုဟ်လီုစှ်ေလဝ်ရဂှ် ဟီုသ္ဂးလဝ်ရ။

ဟိုတ်နူက္ၜၚ်ကျာခရိုဟ်လီုစှ်ေတုဲ သ္ကိုပ်ဒဳက္ၜၚ်ကျာ ကေုာံ ကောန်တန်ဗ္တောန်တအ် ဒးချိုတ်လဝ် ပ္ဍဲဒၞာဲက္တဵုဒှ်ပရေၚ်ပရောဂှ်တုဲ က္ၜၚ်ကျာသၞေၚ်ၜဲဂှ်လေဝ် ဒးခရိုဟ်လီုလဝ်ရဂှ် ဂွံတီကေတ်ရ။
ဇွသ္ကိုပ်ဒဳက္ၜၚ်ကျာကဵု ကောန်တန်ဗ္တောန် ဒးချိုတ်လဝ်ဂှ် ပလံၚ်ဗစိုပ်လဝ် ပ္ဍဲရုၚ်ဂဥုဲဒပ်ပၞာန် ကြပ်ညောန် ဂှ်တုဲ ဆက်ရေၚ်တၠုၚ်အာ အတိုၚ်လၟေၚ်ကမၠောန် မကၠောန်ဒၟံၚ်လၟိုန်ရဂှ် ဓမံက်ထ္ၜးလဝ်ရ။
ညးဒေသတအ်ဂှ် ပ္ဍဲဒၞာဲက္ၜၚ်ကျာသၞေၚ်ၜဲကံၚ်ဇြဳပၞာန် ခရိုဟ်လီုစှ်ေဂှ် က္ၜၚ်ကျာပၞာန် ဒဳဒၟံၚ်နွံတုဲ ကွဳစက်ပၞာန် တအ်လေဝ် ခရိုဟ်လီုလဝ် နွံဒၟံၚ်ရဂှ် ဟီုကဵု ဌာန်ပရိုၚ်သြၚ်လောန်တိုၚ်(မ်)ရ။
ပရိုၚ် – သြၚ်လောန်တိုၚ်(မ်)
ဗီုရုပ် – မဳဒဳယာတြးဝါဒကံၚ်ဇြဳပၞာန်

