ပေါၚ်တေဝ် – ဂျောန် (၁၆)
ရးဒေသဗဂေါ၊ ဒပ်ကံၚ်ဇြဳပၞာန် ထ္ပက်ကၠုၚ်ပၞာန် ပ္ဍဲဗ္ဒာဲတေဝ်ဖျူချောၚ် ယှိုဲလေဝ်ကျိုဝ်ဝိုၚ် မၞုံဇိုၚ်ဒဵုရေၚ် ဗဂေါ ပွိုၚ်ဍုၚ်ပေါၚ်တေဝ် ခရိုၚ်ပြန်၊ ရးဒေသဗဂေါဂှ် ဟိုတ်နူဒးဒုၚ်အောပ်ဗတိုက်လဝ်တုဲ ဒးချိုတ်လဝ် မွဲတၠရဂှ် PDF ဗဂေါ လလောၚ်တြးလဝ်ပရိုၚ်ရ။

ပ္ဍဲဂိတုဂျောန် တုဲကၠုၚ် စၟတ်တ္ၚဲ (၁၃) အခိၚ်နူဂယးဂှ် ဒပ်ကံၚ်ဇြဳပၞာန် ထ္ပက်ကၠုၚ်ကရောၚ်ပၞာန်ဂှ် တံဒပ် PDF ခရိုၚ်ပြန် ၃၆၀၁ (ဒပ်ပၞာန်စဵုဒၞာညးဍုၚ်ကွာန် ပွိုၚ်ဍုၚ်ပေါၚ်တေဝ် PPDF ) ကဵု တံဒပ် PDF ခရိုၚ်ပြန် ၃၆၀၂ တအ် ပံၚ်တောဲတုဲ အောပ်ဗတိုက်လဝ်ရ။
ဟိုတ်နူပရေၚ်ပန်ဗတိုက်ဏံတုဲ လ္ပာ်ကံၚ်ဇြဳပၞာန် ဒးချိုတ်လဝ်ပ္ဍဲဒၞာဲဂှ် မွဲတၠရဂှ် ဓမံက်လဝ် ပ္ဍဲတၚ် လလောၚ်တြး PDF ဗဂေါ ရ။

ဟိုတ်နူပရေၚ်ပန်ဗတိုက် ဒပ်စဵုဒၞာညးဍုၚ်ကွာန်တုဲ ဒပ်ကံၚ်ဇြဳပၞာန်ဒးဂိလဝ်ဂှ် ကလေၚ်ပန် ဖျေံလဝ် လွဟ်ဇၞော်ဍောတ် ကြာန်ကြာန်ကီု ပ္ဍဲဒၞာဲဗဒိုပ် ဒပ်ပၠန်ဂတးတအ်တြေံဂှ်လေဝ် စံၚ်ပလီုဏာလဝ်ရဂှ် ဂွံတီကေတ်ရ။
ပ္ဍဲပရေၚ်အောပ်ဗတိုက်လဝ်ဒပ်ကံၚ်ဇြဳပၞာန်ဏံ လ္ပာ်ဒပ်စဵုဒၞာညးဍုၚ်ကွာန်တအ် ပရေၚ်ဇီုကပိုက်ဒးလဝ် ဟၟဲတုဲ ကလေၚ်ဆုတ်တိတ်အာ ဗွဲမအံၚ်ဇၞးရမာန်ရဂှ် ဂွံတီကေတ်ရ။
ပရိုၚ်-သြၚ်လောန်တိုၚ်(မ်)
ဗီုရုပ် – PDF ဗဂေါ

