ဟိုတ်နူပဋိပက္ခရပ်လွဟ်တုဲ ပရေၚ်ကောန်အရာပ်ဒးချိုတ်လဝ် ဂၠိုၚ်တိုၚ်ကၠုၚ်

မတ်မလီု၊ ဂျောန်(၁၆)

နူဂိတုဂျာန္နဝါရဳ စဵုကဵုဂိတုမေ သၞာံဏံ ဒပ်ပၞာန်သီလဝ်အဝဵု ပ္ဍဲပွိုၚ် (၅) ဂိတုဏံ ဟိုတ်နူပဋိပက္ခရပ်လွဟ် ကေုာံပေါဲဗတိုက်တအ်တုဲ ကောန်အရာပ် ဟွံအောန်ူ (၇၄၈) တၠ ဒးချိုတ်လဝ် ဗ္ၜတ်ဂၠိုၚ်အိုတ်ရဂှ် ISP – Myanmar မဒှ်ဂကောံသုတေသန လလောၚ်တြးလဝ် ပ္ဍဲဂိတုဂျောန် စၟတ်တ္ၚဲ (၁၄) ရ။

အတိုၚ် ISP – Myanmar ဟီုသ္ဂးလဝ်မ္ဂး ပ္ဍဲပွို (၅)ဂိတုဏံ ပရေၚ်ကောန်အရာပ်ဒးချိုတ်လဝ် မၞုံကၠုၚ် စဵုကဵုဗ္ဒာဲ (၆၀) တၟံကၠံ ပံၚ်လၟိဟ်ကောန်အရာပ်ဒးချိုတ်လဝ် ပ္ဍဲသၞာံ ၂၀၂၂ တုဲကၠုၚ်တေံရဂှ် ဓမံက်ထ္ၜးလဝ် ပ္ဍဲတၚ်လလောၚ်တြးရ၊

အတိုၚ်ပရေၚ်ကောန်အရာပ်ဒးချိုတ်လဝ်ဂှ် ပ္ဍဲကာလပၞာန်သီအဝဵုတုဲ ပွိုၚ်(၂)သၞာံပြၚ်ဂှ် ကောန်အရာပ် ဟွံအောန်နူ ၈,၆၄၀ တၠ ဒးချိုတ်လဝ်နွံတုဲ ပ္ဍဲကဵုဂှ် ဟွံအောန်နူ ၂,၁၈၃ တၠတအ်ဂှ် ဒှ်ညးဒးဒုၚ်ပန်ပှ်ော ဒးဒုၚ်ရပ်ဒက်လဝ်ကဵု ကံၚ်ဇြဳပၞာန်ပ္ဍဲပေါဲထ္ၜးဆန္ဒ ကေုာံဃောဒးဒုၚ်ရပ်လဝ် ဒးချိုတ်လဝ်ရဂှ် ဓမံက်ထ္ၜးလဝ်ရ။

သ္အာၚ်နူဂှ်ပၠန် ဟိုတ်နူပေါဲဗတိုက် ကေုာံပဋိပက္ခရပ်လွဟ်တုဲ ကောန်အရာပ် ဟွံအောန်နူ ၂,၄၅၄ တၠဒးချိုတ်လဝ်နွံတုဲ အတိုၚ်စရၚ်ကံၚ်ဇြဳပၞာန်ဂှ် စောတ်စောဲဒလာန်တုဲ ညးဒးဒုၚ်ပြိုက်ဂစိုတ်လဝ် ၄,၀၀၃ တၠ နွံဒၟံၚ်ရဂှ် ဓမံက်ထ္ၜးလဝ်ရ။

ဆ္ဂး ISP – Myanmar ဂှ် သွက်လၟိဟ်ဂၞန်သၚ်္ချာ ပရေၚ်ကောန်အရာပ်ဒးဒုၚ်ပြိုက်ဂစိုတ်လဝ် ကံၚ်ဇြဳပၞာန် ဓမံက်ပ္တိတ်လဝ် တၚ်သ္ပလဝ်ဒ္တန် ဟၟဲရဂှ် ဓမံက်ထ္ၜးလဝ် ပ္ဍဲတၚ်လလောၚ်တြးရ၊

အတိုၚ်ပရေၚ်ကောန်အရာပ်ဒးချိုတ်လဝ်တအ်ဂှ်မ္ဂး ရးဒေသသေတ်ဂါၚ် ကေုာံရးမဂွေဂှ် ပရေၚ်ဒးချိုတ် က္တဵုဒှ်လဝ် ဂၠိုၚ်အိုတ်တုဲ တွဵုရးကောန်ဍုၚ်အရၚ်ဂှ် တွဵုရးကရေၚ်ဍာဲ၊ တွဵုရးကချေၚ်၊ တွဵုရးသေံ ကေုာံ တွဵုရးကရေၚ်တအ်လေဝ် ဒးချိုတ်လဝ်ကဵုကၠံ နွံရဂှ် ဟီုသ္ဂးလဝ်ရ။

ပရေၚ်ကောန်အရာပ်ဒ:ချိုတ်လဝ်ဂှ် ဒှ်လၟိဟ်ဂၞန်သၚ်္ချာ ISP – Myanmar ပကောံပကေဝ်လဝ်ဟေၚ်တုဲ ယဝ်ရတေက်ပ္ညဳကဵု တၚ်လလောၚ်တြး ဂကောံဗၠးၜးတအ်မ္ဂး ပ္ဍဲဗလးမုက်တိ လ္တူနူဏံ ဂၠိုၚ်မာန်ရောၚ်ဂှ် ချိၚ်ခယျကေတ်လဝ်ရ။

ပရိုၚ်-သြၚ်လောန်တိုၚ်(မ်)

ဗီုရုပ်-BNI

Leave a Reply

Your email address will not be published. Required fields are marked *