မိုဝ်ဗျာ၊ ဂျောန် (၁၈)
ဟိုတ်နူဒပ်ကံၚ်ဇြဳပၞာန် ထ္ပက်ကၠုၚ်ပၞာန်သ္ကာတ်မြဟ်တုဲ ညးဍုၚ်ကွာန် လ္တူဍုၚ်မိုဝ်ဗျာ သၠုၚ်ကျာတွဵုရး သေံကဵု ပယျဵုတွဵုရးကရေၚ်ဍာဲဂှ် ဟိုတ်နူပေါဲဗတိုက်သ္ကာတ်မြဟ်ကၠုၚ်တုဲ စစ္ဍးတိတ်ဒၟံၚ် နူဍုၚ်ညးသ္ကအ် ရဂှ် ညးဒေသတအ် ဟီုကဵု ဌာန်ပရိုၚ်သြၚ်လောန်တိုၚ်(မ်)ရ။
သွက်ဂွံထိၚ်ဒဝ်ဍုၚ်မိုဝ်ဗျာ ဂကောံဇြဟ်ပၠန်ဂတး ဇြဟတ်ခိုဟ်ဒၟံၚ်ဂှ် သ္ပတံနူ ဂိတုမေ သတ္တာဟလ ကြဴအိုတ်တေံ ဒပ်ကံၚ်ဇြဳပၞာန် ထ္ပက်ကၠုၚ်ဒၟံၚ်ကရောၚ်ပၞာန် သ္ကာတ်တ်မြဟ်ဟ်ရ။
ဟိုတ်နူပၞာန်ထ္ပက် ကံၚ်ဇြဳပၞာန်တုဲ ညးဒေသကောန်ဍုၚ်မိုဝ်ဗျာတအ် အခိၚ်ကၠာတေံ ဟိုတ်နူဒၞာဲဂွံဂြိပ်ဟၟဲ နူဆက်မံၚ်ဒၟံၚ် လ္တူဍုၚ်မိုဝ်ဗျာဂှ် ဟိုတ်နူပေါဲဗတိုက် မွဲၜါတ္ၚဲဏံ သ္ကာတ်မြဟ်ကၠုၚ်ဂှ်ရ ဒေါံဟွံဂွံဒးစ္ဍးတိတ်ဒၟံၚ် နူကဵုဍုၚ်ရ။
နကဵုတၚ်ထ္ၜးဟိုတ် PDF တအ် အောပ်ဒၟံၚ် ပ္ဍဲဍုၚ်မိုဝ်ဗျာဂှ် ဒပ်ကံၚ်ဇြဳပၞာန် ပန်ဖျေံဒၟံၚ်လွဟ်ဇၞော် အဆက် ဟွံပိုတ်သ္ကုတ်တုဲ ပၞော်လုပ်တိတ်ဍုၚ်တအ်ဂှ် ၜိုန်ရကၟာတ်လဝ်ကီုလေဝ် ညးဒေသ (၃)လက်ပြၚ် တအ်ဂှ် ဂြိုဟ်ကေတ်တုဲ ဂြိပ်တိတ်ဒၟံၚ် နူဍုၚ်ရဂှ် တမ်ရိုဟ်တၚ်ဂၞၚ်ပရိုၚ်မွဲတၠ ဟီုသ္ဂးလဝ်ရ။

စ္ဍးတိတ်နူဍုၚ်တုဲ ညးဍုၚ်ကွာန် ဂြိပ်တိတ်ဒၟံၚ်တအ်ဂှ် စိုပ်ကၠုၚ်ဒၟံၚ် ပ္ဍဲဗဒိုပ်ပါဲပၞာန် တွဵုရးကရေၚ်ဍာဲ လၟိဟ်ညိညဟေၚ်တုဲ ဗွဲမဂၠိုၚ်ဂှ် ဂြိပ်ဒဴပါဲဓလေတ်ဒၟံၚ် ပ္ဍဲလ္ပာ်တွဵုရးသေံရဂှ် ဂွံတီကေတ်ရ။
ဒပ်ကံၚ်ဇြဳပၞာန်ဂှ် သွက်ဂွံထိၚ်ဒဝ်တွဵုရးကရေၚ်ဍာဲ ညောန်ကြပ်ဒၟံၚ်ကဵု နေပျဳဒဝ်ဂှ်ကီု သီုသွက်ဂွံပလံၚ် ဗစိုပ်ကဵု ဇွောံမ ပ္ဍဲဗဒိုပ်ဗလးမုက်တိဍေံတအ်မာန်ကီုဂှ် ညံၚ်ဂွံထိၚ်ဒဝ် ဂၠံၚ်ဇၞော် မိုဝ်ဗျာ-လွိုၚ်ကဝ်မာန် ကၠောန်ကၠုၚ်ဒၟံၚ် ပရေၚ်ချဳဒရာၚ်ပၞာန် သ္ကာတ်တ်မြဟ်ဟ်ရ။

ပ္ဍဲပေါဲဗတိုက်လ္တူဍုၚ်မိုဝ်ဗျာ လအ်ကၠုၚ်ဒၟံၚ် ပွိုၚ် (၂) သတ္တာဟပြၚ်ဂှ် မ္ၚးနူလွဟ်ဇၞော်ဒပ်ကံၚ်ဇြဳပၞာန် ပန်ဖျေံလဝ်ဂှ် ဟိုတ်နူကရောၚ်ပၞာန် ဗလးမုက်တိတအ် ပြိုက်ဂစိုတ်လဝ်တုဲ ကောန်အရာပ် ဟွံအောန်နူ (၂၀) တၠ ဒးချိုတ်လဝ်တုဲ ကၠေံဒၟံၚ်ဂှ်လေဝ် နွံဒၟံၚ်ဏီရဂှ် ဂွံတီကေတ်ရ။
ပ္ဍဲတွဵုရးကရေၚ်ဍာဲ လၟိဟ်မၞိဟ် (၃)ကိုတ်ပြၚ်ဟေၚ် မံၚ်တန်တဴဒၟံၚ်ဂှ် ဟိုတ်နူပွပ္ကီုပရာပ်ကံၚ်ဇြဳပၞာန်တုဲ ကောန်အရာပ်ညးဍုၚ်ကွာန် (၂)ကိုတ်ဘာ်ပြၚ် ဒးဂြိပ်ဒဴပါဲဓလေတ်ဒၟံၚ် ပ္ဍဲဒၞာဲဗၠးဘဲရဂှ် PKPF လလောၚ်တြးလဝ်ရ။
ပရိုၚ်-သြၚ်လောန်တိုၚ်(မ်)
ဗီုရုပ်- ကဝ်မတဳပါဲဘဲပၞာန်မိုဝ်ဗျာ

