ပ္ဍဲမန် ဒၟာနူလွဟ်ဇၞော်စှ်ေ ညးဗြဴ (၂)တၠ ဒးချိုတ်တုဲ ဒးလဝ်ဘဲဝပ် (၄)တၠ

မတ်မလီု၊ ဂျောန်(၁၈)

တွဵုရးဍုၚ်မန်၊ ပွိုၚ်ဍုၚ်ကျာ်ထဝ်၊ ပ္ဍဲဍုၚ်တုၚ်ဇြယာတ်ကဵု ပွိုၚ်ဍုၚ်ရေဝ်တအ်ဂှ် ဟိုတ်နူလွဟ်ဇၞော် ဒပ်ကံၚ်ဇြဳပၞာန် ပန်ဖျေံလွဟ်ဇၞော်တုဲ မွဲတ္ၚဲဓဝ် ညးဗြဴ (၂) တၠ ဒးချိုတ်တုဲ ဒးလဝ်ဘဲဝပ် (၄) တၠရဂှ် ညးဒေသတအ် ဟီုကဵု ဌာန်ပရိုၚ်သြၚ်လောန်တိုၚ်(မ်)ရ။

ဂိတုဂျောန် စၟတ်တ္ၚဲ (၁၆) အခိၚ်ဇိုၚ်သဝ်တ္ၚဲ ၜိုတ် (၃)နာဍဳဂှ် နူဒပ်ကံၚ်ဇြဳပၞာန် ဖျေံသ္ဇိုၚ်ခေါဇာ ပန်ဖျေံလဝ်လွဟ်ဇၞော် ပ္ဍဲကွာန်ညးဒေသမန်ကော်ခဴဂး ကွာန်ဝၚ်တၟံရ။

ပ္ဍဲမန် ဒၟာနူလွဟ်ဇၞော်စှ်ေ ညးဗြဴ (၂)တၠ ဒးချိုတ်တုဲ ဒးလဝ်ဘဲဝပ် (၄)တၠ
ပ္ဍဲမန် ဒၟာနူလွဟ်ဇၞော်စှ်ေ ညးဗြဴ (၂)တၠ ဒးချိုတ်တုဲ ဒးလဝ်ဘဲဝပ် (၄)တၠ

ဟိုတ်နူမကမ်လွဟ်ဇၞော်ဒပ်ကံၚ်ဇြဳပၞာန် ပန်ဖျေံလဝ်တုဲ မိထိုဲထိုဲကျဳ အာယုက် (၃၅) သၞာံ ဃောပလေဝ် ပလေတ်ဒၟံၚ် သွက်ဍုန်တိုပ်ဂှ် ဒးလွဟ်ဇၞော်တုဲ ဒးချိုတ်အာ ပ္ဍဲဒၞာဲက္တဵုဒှ်ပရေၚ်ပရောဂှ်ရ။

ကြဴနူဂှ် ကောန်ဒပ် တံဒပ်ပၞာန်တိုက်ကံၚ်ဇြဳပၞာန် ခလရ (၃၁) ပန်ဖျေံလဝ်လွဟ်ဇၞော်ဂှ် လုပ်စိုပ်ကၠုၚ် ပ္ဍဲကွာန်တအ်ဂှ်တုဲ ဒဒှ်ရဍေံတအ် ပန်ဖျေံလဝ်ဟွံသေၚ်ဂှ် ဟီုတုဲ ကလေၚ်တိတ်အာရဂှ် ဂွံတီကေတ် အတိုၚ်တၚ်လဟီု ညးဒေသတအ်ရ။

ဂိတုဂျောန်စၟတ် တ္ၚဲ (၁၆) အခိၚ်ဗ္တံ (၉) နာဍဳဂှ်လေဝ် နူဒပ်အမၠံက်ကံၚ်ဇြဳပၞာန် ဖျေံသ္ဇိုၚ်တုၚ်ဇြယာတ်ဂှ် ပန်ဖျေံလဝ်လွဟ်ဇၞော် ပ္ဍဲအရာပ်စၟတ် (၁) ဍုၚ်တုၚ်ဇြယာတ်၊ ပွိုၚ်ဍုၚ်ကျာ်ထဝ် ဟွံအောန်နူ (၅)မရ။

မကမ်လွဟ်ဇၞော်ကံၚ်ဇြဳပၞာန်ပန်ဖျေံနၚ် ဒတုံစှ်ေပါ်ခတိုဟ်လဝ် ပ္ဍဲအရာပ်စၟတ် (၁)ဂှ် ဇီုကပိုက်ဒး ဒဝ်အေအေနွယ် အာယုက် (၃၈) သၞာံ ဒးချိုတ်လဝ်တုဲ မၞိဟ် (၄) တၠ ပါလုပ် သီုကောန်ဝုတ်ညး ကောန်ၚာ် အာယုက် (၅) သၞာံ ဒးလဝ်ဘဲဝပ်ရ။

ဟိုတ်နူမကမ်လွဟ်ဇၞော်တုဲ ညးဒေသဇီုကပိုက်ဒးချိုတ်လဝ်တအ်ဂှ် ဂကောံရီုဗၚ်ဟံၚ်ပြာ် ပရေၚ်မၞိဟ် တအ် ပလံၚ်ဗစိုပ်ဏာလဝ် ပ္ဍဲရုၚ်ဂဥုဲတုၚ်ဇြယာတ်ရဂှ် ဂွံတီကေတ်ရ။

ပ္ဍဲအကံက်တေဝ်လဳဂရာမ် တြးဝါဒကံၚ်ဇြဳပၞာန်ဂှ်မ္ဂး ပရေၚ်ပန်ဖျေံလဝ်လွဟ်ဇၞော် ပ္ဍဲဍုၚ်တုၚ်ဇြယာတ်ဂှ် ဒပ်ပံၚ်ကောံ ဒပ်ပၞာန်ဗၠးၜးကောန်ဂကူကရေၚ် KNLA၊ PDF တအ် ကၠောန်သ္ပ ပန်ဖျေံလဝ်ရဂှ် ချူတြးဒၟံၚ် နွံရ။

အတိုၚ်တၚ်လလောၚ်တြး ဂကောံမၚ်မွဲရံၚ်စံၚ်ကောန်ထံၚ်ပရေၚ်ဍုၚ်ကွာန် (AAPP) လလောၚ်တြး လဝ်မ္ဂး ပ္ဍဲတွဵုရးဍုၚ်မန် ကြဴနူဒပ်ပၞာန်သီအဝဵု ပွိုၚ်(၂)သၞာံပြၚ်တုဲ ကောန်အရာပ် (၆၀)တၠ ပြၚ် ဒးဒုၚ်ပြိုက်ဂစိုတ်လဝ်ရဂှ် လလောၚ်တြးလရ။

ပရိုၚ်-သြၚ်လောန်တိုၚ်(မ်)

ဗီုရုပ်-SBM

Leave a Reply

Your email address will not be published. Required fields are marked *