ညးတၠဒုဟ် ပန်ပှော်ကၠဟ်လဝ်ဗမ်တဲ ကုဗ္ဒိုပ်ဗၠာဲသၟိၚ်လေဝ်ဝေ နေဗျဳဒဝ် ဒၞါဲရုၚ်ကံၚ်ဇြဳပၞာန် ဖျေံသ္ဇိုၚ်ဂှ် သ္ဂးတုဲ ရပ်ဒက်လဝ် မၞိဟ်တြုံပန်တၠ

မတ်မလီု- ဂျောန်(၁၈)

ကြဴနူ ဗ္ဒိုပ်ဗၠာဲသၟိၚ်ၝောံဍုၚ်လေဝ်ဝေ(လယ်ဝေး) နေဗျဳဒဝ် ဒးဒုၚ်ဗ္တိုက်တုဲဂှ် မၞိဟ်တြုံဒးဒုၚ်စောတ်စောဲ နဒဒှ်မၞိဟ်ဖံက်ဗ္တိုဟ်ဗမ် ပန်တၠဂှ် ရပ်ဒက်ထောံလဝ် ပ္ဍဲဂိတုဂျောန်(၁၆)ဂှ်ရောၚ် တ္ၚဲဏံ မဳဒဳယာတြး ဝါဒဒပ်ပၞာန်တံ ထ္မံက်ထ္ၜးလဝ်ရ။

ဗ္ဒိုပ်ဗၠာဲသၟိၚ်ၝောံဍုၚ် မၞုံအရာပ် စၟတ်(၃) ဍုၚ်လေဝ်ဝေကဵု ဂၠံၚ်လုပ် MICC(2)- သၞေဟ်ကၚ်(၂)တံ ပ္ဍဲဂိတုဂျောန်(၁၃)ဂှ် ဒးဒုၚ်ဗ္တိုက်လဝ် နကဵုဗမ်တဲတုဲ ဟိုတ်နူပွဗ္တိုဟ်ထ္ကးဂှ်တုဲ လ္ပာ်ကံၚ်ဇြဳပၞာန် ကောန်ဒပ်ဗၠာဲသၟိၚ်မွဲတၠချိုတ်တုဲ ဂအုပ်ဗၠာဲသၟိၚ်ကေုာံ အကြာပ်ဒပ်မွဲတၠ က္လိဂွံလဝ်ဝပ်ရဂှ် ပ္ဍဲအကံက်ထလဳဂရာမ် တြးဝါဒဒပ်ပၞာန်တံ ထ္မံက်ထ္ၜးလဝ်ရ။

မၞိဟ်ဒးဒုၚ်ရပ်ဒက်လဝ်တံဂှ် ညးမကၠဟ်လဝ်ဗမ်တဲ ကိုဝ်တိတ်နာၚ်၊ ကိုဝ်ယျေဝ်နာၚ်တံမဒှ်တုဲ ညးဒဳယာန်ညးတံလိၚ်လဝ် ကိုဝ်ယာန်နာၚ်ထောန်၊ ကိုဝ်အာၚ်ဖအ်(က)ယာန်နာၚ်ဥူတံမဒှ်ရဂှ် တ္ၚဲဏံ ထ္မံက်ထ္ၜးလဝ် ပ္ဍဲလိက်ပရိုၚ်ကံၚ်ဇြဳပၞာန်တံရ။

ကိုဝ်တိတ်နာၚ်ကဵုကိုဝ်ယာန်နာၚ်ထောန်တံဂှ် ရပ်ဂွံလဝ် ပ္ဍဲပွိုၚ်ဍုၚ်ပျေန်မနာ ဗ္ဒါဲဖျာသုခတုဲ ကိုဝ်ယျေဝ်နာၚ်ကဵု ကိုဝ်အာၚ်ဖအ်(က)ယာန်နာၚ်ဥူတံဂှ် ရပ်ဂွံလဝ် ပ္ဍဲသၞေဟ်ကၚ်စၟဳတ် ပါၚ်ဂၠံၚ်လုပ် ဍုၚ်လုက်တိုဝ်တံရောၚ်ဂှ် ပါလုပ်ပ္ဍဲလိက်ပရိုၚ်တံဂှ်ရ။

ညးရပ်ဒက်ဂွံလဝ်တံဂှ် ကံၚ်ဇြဳပၞာန်တံ ရပ်ဂွံလဝ် အတိုၚ်တၚ်နၚ်ဗက်ဂွံလဝ်ဒၞါဲဇိုၚ် နူCCTV ကေုာံ နူကဵုတၚ်နၚ်ရဲကဵုပရိုၚ်တံ တေၚ်လဝ်တံဂှ်ရောၚ်ဂှ် ထ္မံက်ထ္ၜးလဝ် ပ္ဍဲလိက်ပရိုၚ်တံဂှ်ရ။

ပရိုၚ်-သြၚ်လောန်တိုၚ်မ်

Leave a Reply

Your email address will not be published. Required fields are marked *