လှာဒကှ်၊ ဂျောန်(၂၁)
တွဵုရးကရေၚ် ပွိုၚ်ဍုၚ်လှာဒကှ် ပ္ဍဲကွာန်ခလေဝ်တခေါန်ဒေၚ် သီုပေါဲဗတိုက်ဟၟဲမွဲသာ် ဟိုတ်နူဒပ်ကံၚ်ဇြဳပၞာန် ပန်ဖျေံလွဟ်ဇၞော်တုဲ ကောန်အရာပ်ညးဍုၚ်ကွာန် (၃)တၠပါလုပ်သီုကောန်ၚာ် (၂)တၠ ဒးလဝ်လွဟ်ဇၞော်တုဲ ဂွံလဝ်ဘဲဝပ်ရဂှ် ညးဒေသတအ် ဟီုကဵု ဌာန်ပရိုၚ်သြၚ်လောန်တိုၚ်(မ်)ရ။
ပ္ဍဲဂိတုဂျောန် စၟတ်တ္ၚဲ (၁၉) အခိၚ်ဗ္တံတုဲကၠုၚ်တေံဂှ် နူဒပ်အမၠံက်ကံၚ်ဇြဳပၞာန် ဖျေံသ္ဇိုၚ်ကွာန်အၜေတ် ပွိုၚ်ဍုၚ်မုဟ်ဍုၚ် တွဵုရးဍုၚ်မန်ဂှ် ပန်ဖျေံလဝ်လွဟ်ဇၞော် ပ္ဍဲခလေဝ်တခေါန်ဒေၚ် ပွိုၚ်ဍုၚ်လှာဒကှ် တိဍာ်ဒပ်မဟာ(၆) KNU ရ။

ပ္ဍဲကွာန်ကောန်အရာပ်ညးဍုၚ်ကွာန်မံၚ်တန်တဴဒၟံၚ်ဂှ် ဟိုတ်နူဒပ်ကံၚ်ဇြဳပၞာန် ပန်ဖျေံလဝ်လွဟ်ဇၞော်တုဲ လွဟ်ဇၞော်ဂှ် ဒတုံစှ်ေခတိုဟ်လဝ် ပ္ဍဲကွာန်ခလေဝ်တခေါန်ဒေၚ်ကဵု ကွာန်ပုလိၚ်တုဲ ညးဍုၚ်ကွာန် (၃) တၠ ပါလုပ်သီုကောန်ၚာ် (၂) တၠ ဇီုကပိုက်ဒးလဝ်ဘဲဝပ်တုဲ ဘာလကျာ်ဂှ်လေဝ် ဒးလဝ်ကဝေက်လွဟ် မကမ်ရဂှ် ညးဒေသတအ်ဟီုသ္ဂးလဝ်ရ။
ညးဍုၚ်ကွာန် ဒးကဝေက်မကမ်လွဟ်ဇၞော်တုဲ ဒးလဝ်ဘဲဝပ်တအ် ညး (၃) တၠဂှ် ဟိုတ်နူဘဲဝပ်သ္ကာတ် မြဟ်ဒၟံၚ်ဂှ်ရ ဒးဒုၚ်လွဳလွတ်ဒၟံၚ် နဒဒှ်ကာတၟေၚ်တုဲ ဟိုတ်နူလွဟ်ဇၞော်ဒတုံစှ်ေပါ်ခတိုဟ်လဝ်ဂှ် ညးဒေသ ကောန်ညးဍုၚ်ကွာန်တအ် ဂြိပ်ဒဴပါဲဓလေတ်ဒၟံၚ်ရဂှ် ဂွံတီကေတ် အတိုၚ်တံရိုဟ်တၚ်ဂၞၚ်ပရိုၚ်ဒေသဂှ်ရ။

ဒပ်ကံၚ်ဇြဳပၞာန်ဖျေံလဝ်ဗဒိုပ် ပ္ဍဲအရှာမ်ဗၠာဲသၟိၚ် မၞုံကွာန်ခလေဝ်တခေါန်ဒေၚ်ဂှ်ကဵု ဒပ်အမၠံက် ဖျေံသ္ဇိုၚ်ကွာန်အၜေတ်တအ် ဟိုတ်နူပန်ဖျေံဒၟံၚ်လွဟ်ဇၞော် ပ္ဍဲကွာန်မၞုံတိဍာ်ထိၚ်ဒဝ် ဒပ်မဟာ (၆) KNU ခြာဟွံလအ်ဟွံလအ်တုဲ ကောန်အရာပ်ညးဍုၚ်ကွာန်တအ် ဇီုကပိုက်ဒးဘဲဝပ် နွံကၠုၚ်ဒၟံၚ်။
ပရိုၚ်-သြၚ်လောန်တိုၚ်(မ်)
ဗီုရုပ်-CJ

