ဟိုတ်နူပရေၚ်ပန်ပှော် ဒပ်ပၞာန်တုဲ သွက်ဂွံကေတ်ကဵုတာလျိုၚ် လ္တူပရေၚ်ကောန်အရာပ် မ္ဒးချိုတ်အာတံဂှ် ဗော်ဍုၚ်မန်တၟိ အာတ်မိက်

ရေဝ်၊ ဂျောန် (၂၂)

ဗော်ဍုၚ်မန်တၟိ မဆဵုဂဗသဳကၠဳလဝ်ပရေၚ်ၜိုဟ်လလမ် ကုကံၚ်ဇြဳပၞာန်ဂှ် ဟိုတ်နူပရေၚ်ပန်ပှော်လွဟ်ဇၞော် နူကဵုဒပ်ပၞာန်တံဂှ်တုဲ လ္တူကောန်အရာပ် မ္ဒးချိုတ်အာတံဂှ် သွက်ဂွံကေတ်ကဵုတာလျိုၚ်ဂှ် ပ္ဍဲဂိတုဂျောန် ၂၀ တေံ အာတ်မိက်လဝ် ဌာန်ဂအုပ်ပၞာန်ရးဒိုဟ်အဂၞဲ ကေုာံ အလဵုအသဳတွဵုရးဍုၚ်မန်ရ။

ဟိုတ်နူပရေၚ်ပန်ပှော်လွဟ်ဇၞော် နူကဵုဒပ်ကံၚ်ဇြဳပၞာန် ပ္ဍဲကွာန်ဝၚ်တၟအ်ဂှ်တုဲ လ္တူလၟေၚ်ဒဒှ် မိထိုဲထိုဲကျဳ ချိုတ်အာဂှ် ပရေၚ်ပါ်ပါဲ အပ္ဍဲအကြာညးဍုၚ်ကွာန်မန်တံ သၠုၚ်တိုန်ကၠုၚ်တုဲ ဗော်ဍုၚ်မန်တၟိ အာတ်မိက်လဝ်ရောၚ် မဒှ်ရ။

မိထိုဲထိုဲကျဳဝွံ တုဲကၠုၚ်ပ္ဍဲဂိတုဂျောန် ၁၆ အခိၚ်ဇိုၚ်သဝ်တ္ၚဲ ၃ နာဍဳဂှ် အခိၚ်ပလေဝ်ပလေတ်ဒၟံၚ် သွက်ဂွံဍုန်တိုပ် ပ္ဍဲကဵုသ္ၚိဒၟံၚ်ဂှ် နူကဵုတမ်ဒပ်ကံၚ်ဇြဳပၞာန် ဖျေံသ္ဇိုၚ်ဍုၚ်ခေါဇာဂှ် ဟိုတ်နူပန်ပှော်စုတ်လဝ် လွဟ်ဇၞော် အပ္ဍဲကွာန်ဝၚ်တၟံဂှ်ရ ချိုတ်အာလဝ် ပ္ဍဲကဵုဒၞါဲဒှ်ပရူဂှ်ရ။

ဟိုတ်နူပရေၚ်ပန်ပှော် ဒပ်ပၞာန်တုဲ သွက်ဂွံကေတ်ကဵုတာလျိုၚ် လ္တူပရေၚ်ကောန်အရာပ် မ္ဒးချိုတ်အာတံဂှ် ဗော်ဍုၚ်မန်တၟိ အာတ်မိက်
ဟိုတ်နူပရေၚ်ပန်ပှော် ဒပ်ပၞာန်တုဲ သွက်ဂွံကေတ်ကဵုတာလျိုၚ် လ္တူပရေၚ်ကောန်အရာပ် မ္ဒးချိုတ်အာတံဂှ် ဗော်ဍုၚ်မန်တၟိ အာတ်မိက်

လ္တူလၟေၚ်ဒဒှ်ဏံဂှ် ဟိုတ်နူပရေၚ်ပန်ပှော်လွဟ်ဇၞော် နူကဵုဒပ်ပၞာန်ဗၟာဂှ်တုဲ ကောန်အရာပ် ဒးချိုတ်အာလဝ်တုဲ ညံၚ်ဂွံနွံကဵု ပရေၚ်ကေတ်လျိုၚ်၊ ဒုၚ်လျိုၚ်ဂှ် ဗော်ဍုၚ်မန်တၟိ အာတ်မိက်လဝ် အလဵုအသဳတွဵုရးဍုၚ်မန် ကေုာံ ဌာန်ဂအုပ်ပၞာန်ရးဒိုဟ်အဂၞဲရ။

စပ်ကဵုတၚ်အာတ်မိက်ဏံတုဲ ညးဒေသမန်မွဲတၠဂှ် နကဵုကံၚ်ဇြဳပၞာန် ဖ္ဍိုက်ဗပေၚ်ကဵုဟွံသေၚ်တုဲ ပြဝဏံဝွံ အကြာဗော်ဍုၚ်မန်တၟိကဵု ညးဍုၚ်ကွာန်မန်တံ ညံၚ်ယၟုခိုဟ်ဟ် ဂွံသှ်ေၜက်တုဲ ပ္တိတ်လဝ်ဇြဟတ်ရောၚ်ဂှ် ပါ်ပါဲလဝ်ရ။

“အဲဟွံထေၚ်ပုဟ်၊ ဍေံတံ(စကစ) ကၠုၚ်တုဲ ကေတ်တာလျိုၚ်ဏောၚ်ဂှ်။ မုဒှ်ရောဟီုမ္ဂး ကဆံၚ်ဍေံ ကဵု ကဆံၚ်ဇကုဂှ် ၜိုန်ရဟီုဒၟံၚ်သဳကၠဳဒၟံၚ်ကီုလေဝ် ဍာံဍာံဂှ် ဆောဍေံရောၚ်ဂှ် ဍေံဟွံညာတ်လဝ် လ္တူဇကုပုဟ်။ ဇကုဂှ် မံၚ်သၟဝ်တုဲ ညံၚ်တွဵုရးဇကု ပၞာန်ဟွံဒှ်တှ်ေတုဲ ဍေံတံ ကၠုၚ်ကဵုက္ၜၚ်ကျာတုဲ ဟွံထောံဗုမ်တှ်ေတုဲ ဇကုဂှ် မံၚ်ကၠုၚ်ဒၟံၚ်ဗီုပြၚ်ဏံ လၟိုန်ရဏောၚ်။ တုဲမှ ပေါဲသဳကၠဳဂှ်လေဝ် ဗီုကဵုအာတ်လဝ် သွက်ဂွံ ပလေဝ် ကဵု သၞောဝ်သ္ဇိုၚ် ၂၀၀၈ တံမုတံဂှ် မုဂွံလဝ်ကီုရော။ လ္တူဗော်ဍုၚ်မန်တၟိ အာတ်မိက် ကုကံၚ်ဇြဳပၞာန် ညံၚ်ဂွံကေတ်ကဵုလျိုၚ် ဒုၚ်လျိုၚ်ပေၚ်ၚ်ဟီုဂှ် နကဵုအဲ ဍေံဖ္ဍိုက်ဗပေၚ်ကဵုဏောၚ်ဂှ် ဟွံထေၚ်ပုဟ်။ နွံမွဲဂှ် နကဵုဗော်ဍုၚ်မန်တၟိ ညံၚ်ယၟုခိုဟ်ဟ်ဂွံသှ်ေမံၚ် အကြာညးဍုၚ်ကွာန်မန်တံ သာ်ဏံတုဲ ပ္တိတ်လဝ်ရမျာၚ်ဏောၚ်ဂှ် အဲဂွံဒုၚ်စသိုၚ်ရ” သာ်ဝွံ ညးသ္ဂးရ။

ဟိုတ်နူပရေၚ်ပန်ပှော် ဒပ်ပၞာန်တုဲ သွက်ဂွံကေတ်ကဵုတာလျိုၚ် လ္တူပရေၚ်ကောန်အရာပ် မ္ဒးချိုတ်အာတံဂှ် ဗော်ဍုၚ်မန်တၟိ အာတ်မိက်
ဟိုတ်နူပရေၚ်ပန်ပှော် ဒပ်ပၞာန်တုဲ သွက်ဂွံကေတ်ကဵုတာလျိုၚ် လ္တူပရေၚ်ကောန်အရာပ် မ္ဒးချိုတ်အာတံဂှ် ဗော်ဍုၚ်မန်တၟိ အာတ်မိက်

ဒပ်ကံၚ်ဇြဳပၞာန်ဝွံ ကြဴနူပရေၚ်ပန်ပှော်လွဟ်ဇၞော်တုဲဂှ် ပ္ဍဲကဵုတ္ၚဲဂှ်ရ စိုပ်ကၠုၚ်သ္ၚိမိထိုဲထိုဲကျဳဂှ်တုဲ ဒဒှ်ရဍေံတံ ပန်ပှော်လဝ်ဟွံသေၚ်ဂှ် ကၠုၚ်စိုပ်ဟီုဂးတုဲ ကလေၚ်တိတ်စ္ဍးအာဂှ် ဂွံတီကေတ်ရ။

လက္ကရဴဂှ်ပၠန် ပ္ဍဲဂိတုဂျောန် ၁၈ ဂှ် လ္ပာ်ဒပ်ကံၚ်ဇြဳပၞာန် ထပ်စိုပ်ကၠုၚ်တုဲ လှုဲသွက်ကုသိုလ် မိထိုဲထိုဲကျဳဂးတုဲ ကၠုၚ်ကဵုဏာလဝ် သြန် ၂ ကိုဋ်ဒ္ကေဝ် အတေၚ်ရောၚ်ဂှ် ညးဒေသမွဲတၠ ဟီုရ။

ညးသၟတ်ချဳဒရာၚ်ကတိုၚ်ကၟဟ်ကောန်ဂကူမန်မွဲတၠဂှ် လ္တူလၟေၚ်ဒဒှ် ကောန်အရာပ်မ္ဒးချိုတ်အာတံဂှ် ပါဲနူကဵုသြန်လေဲတုဲ ဂကောံလဵုမွဲမှ လ္ဂောံကဵုသၞောဝ်မ္ဂး ကဵုအထံက်အပၚ်မာန် ဟွံမွဲပုဟ်ဂှ် ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။

“လ္တူလၟေၚ်ဒဒှ်က္တဵုဒှ်သာ်ဏံသီုဖအိုတ်ဂှ် ပါဲနူကဵုသြန်လေဲတုဲ ဟွံမွဲပုဟ်။ မုဒှ်ရောဟီုမ္ဂး ညးဂှ်ဒှ်ဒှ် နူကဵုဒပ်ပၞာန်ဒှ်ဒှ် သီုဖအိုတ်ဂှ် ကၠောန်တုဲမှ ဍေံတံကယျာန်ပါဲဒၟံၚ်ညးသ္ကအ်ဖအိုတ်ရ။ ဂကောံလဵုပန် လဝ်ရော၊ ဂကောံပိုယ်ကၠောန်လဝ်ဟွံသေၚ်ပုဟ်၊ ဂကောံလ္ပာ်တေံ ကၠောန်လဝ်ဏောၚ်။ နကဵုဗီုပြၚ်သာ် ဏံဂှ် ဍေံတံရေၚ်သ္ကအ် စောတ်စောဲဒၟံၚ်အိုတ်ရ။ ဟီုမ္ဂး လမျီုညးဍုၚ်ကွာန်တံဂှ် ပိုယ်တံထေၚ်လဝ်ဂှ်တှ်ေ ပါဲနူကဵုသြန်လေဲမွဲမွဲတုဲ ဂကောံလဵုမှ သွက်ဂွံကလေၚ်ကဵုအထံက်အပၚ်ပေၚ်ၚ် အတိုၚ်သၞောဝ်ဂှ် ဟွံမွဲပုဟ်” သာ်ဝွံ ညးသ္ဂးရ။

နူကဵုလျိုၚ် ရုၚ်ဆက်ဆောံဍုၚ်ရေဝ်ကဵု ခရိုၚ်ထဝါဲ ဗော်ဍုၚ်မန်တၟိတံ ပ္ဍဲဂိတုဂျောန် ၂၀ တေံ ကြဴနူအာစိုပ်ဆဵုဂဗ ကုကောန်ဇာတ် မိထိုဲထိုဲကျဳ မ္ဒးချိုတ်အာလဝ် ဟိုတ်နူပရေၚ်ပန်ပှော်လွဟ်ဇၞော် ဒပ်ကံၚ်ဇြဳပၞာန်ဂှ်တုဲ ထံက်ပၚ်ကဵုလဝ် သြန် ၁၀ ကိုဋ်ဒ္ကေဝ်ရ။

အတိုၚ်စရၚ် နူကဵုသြၚ်လောန်တိုၚ်(မ်) ပကောံပကေဝ်လဝ် ၜိုတ်က္ဍစိုပ်ဂှ်မ္ဂး ပ္ဍဲကဵုပွိုၚ်ဍုၚ်ရေဝ် မလလောၚ်တြးလဝ် ပရေၚ်အုပ်ဓုပ်ပၞာန်ဂှ် အပ္ဍဲပွိုၚ် ၆ ဂိတု ပ္ဍဲကဵုသၞာံဏံ ဟိုတ်နူပရေၚ် ပန်ပှော် လွဟ်ဇၞော် ဒပ်ကံၚ်ဇြဳပၞာန်တုဲ ကော+န်အရာပ် ၆ တၠ ဒးချိုတ်အာလဝ်တုဲ မၞိဟ်ကလိဂွံဝပ်ဇီုကပိုက် နွံလဝ် စဵုကဵု ၁၂ တၠရ။

ပ္ဍဲကဵုဏံ ဟိုတ်နူပရေၚ်ပန်ပှော်လွဟ်ဇၞော် ဒပ်ကံၚ်ဇြဳပၞာန်တုဲ ကောန်အရာပ်ပိတၠ ဟိုတ်နူလုလောန်ဒး အမိၚ်တိတ်ဗ္တံဟွံဂွံတုဲ ပန်ပှော်စုတ်လဝ်ဂှ်ရ အကြာပရေၚ်ပန်ပှော်တံဂှ် ကောန်အရာပ် ၂ တၠ ဒးချိုတ်အာလဝ်ရ။

ဗော်ဍုၚ်မန်တၟိ မဒှ်ဂကောံရပ်လွဟ်ကောန်ဍုၚ်အရၚ်မန် မဖျေံလဝ်သ္ဇိုၚ် ပ္ဍဲကဵုဒေသကၞောတ်ၜဳရေဝ် နဒဒှ်ဌာန်ဂအုပ်ဗဟဵုဂှ်ဝွံ ကြဴနူဒပ်ပၞာန်သီအဝဵုတုဲ ပေါဲသဳကၠဳပရေၚ်ၜိုဟ်လလမ် ကံၚ်ဇြဳပၞာန် ကော်ဘိက်ဂှ် တိုန်စိုပ်သဳကၠဳလဝ် ဟွံအောန်နူကဵု ၅ ဝါရ။

ပရိုၚ်−သြၚ်လောန်တိုၚ်(မ်)

ဗီု−NMSP

Leave a Reply

Your email address will not be published. Required fields are marked *