မတ်မလီု – ဂျောန်(၂၃)
တွဵုရးဍုၚ်မန်၊ ပ္ဍဲဂၠံၚ်ဇၞော်ကၟိန်ဍုၚ် စၟတ်(၈) မတ်မလီု-ရေဝ် – ထဝါဲ အကြာဍုၚ်ရေဝ်ကဵု ဇြပ်ဗုဂှ် စပ်ကဵုယာဉ်ကွဳစက်အာကၠုၚ်တုဲ အခိၚ်ဂကောံပံၚ်တောဲတအ် စၟဳစၟတ်ဒၟံၚ်ဂှ် ရပ်ဂွံလဝ် ညးဆက်စပ်ကဵုဒပ်ပၞာန် (၄)တၠရဂှ် ဌာနဝန်ဇၞော်ပရေၚ်စဵုဒၞာ NUG လလောၚ်တြးလဝ်ပရိုၚ်ရ။
သ္ပတံနူ ဂိတုဂျောန် စၟတ်တ္ၚဲ(၁၈)တေံတုဲ ကရောၚ်ပၞာန် ဒပ်ပၞာန်ဗၠးၜးကောန်ဂကူကရေၚ်(KNLA)၊ ဒပ်ပၞာန်စဵုဒၞာညးဍုၚ်ကွာန်(PDF) ကေုာံဒပ်ချဳဒရာၚ်ပၞာန်တၟေၚ်(S.O.F)တအ်ပံၚ်တောဲတုဲ ကေတ်လဝ်ပရေၚ်ဂီုကၠီု ဇၟာပ်ပ်တ္ၚဲ မၚ်ရံၚ်စၟဳစၟတ်ဒၟံၚ်ရ။

အခိၚ်မၚ်ရံၚ်စၟဳစၟတ်ဒၟံၚ်ဗီုဏံဂှ် ရပ်ဂွံလဝ် ညးဆက်စပ်ကဵုဒပ်ကံၚ်ဇြဳပၞာန် (၄)တၠတုဲ သွက်ဂွံရေၚ်တၠုၚ် ကေတ်အရေဝ် ကုဍေံတအ်မာန် ကၠောန်ရေၚ်တၠုၚ်ဒၟံၚ်ရဂှ် ဓမံက်လဝ် ပ္ဍဲတၚ်လလောၚ်တြးရ။

ဒပ်မဟာမိတ်ပံၚ်တောဲတအ်ဂှ် ဟိုတ်နူကၠောန်သ္ပအာ ပရေၚ်စၟဳစၟတ် မွဲဒမြိပ်ဂၠံၚ်ဇၞော်ကၟိန်ဍုၚ် စၟတ်(၈) လၟေၚ်ဍာံဂှ်ရ သွက်ညးဍုၚ်ကွာန်အာတရဴတအ် ဂွံပံၚ်တောဲပါလုပ်ဂှ်လေဝ် ဒုၚ်လဝ်ဂုဏ် ဗွဲလၟေၚ်မေတ္တာရ။
ပရိုၚ်-သြၚ်လောန်တိုၚ်(မ်)
ဗီုရုပ် – MOD

