ဌာနပရေၚ်ထတ်ယိုတ်ညးဍုၚ်ကွာန်သာလေန်ဂျဳ မၚ်မွဲရံၚ်စံၚ်ကဵုဒၟံၚ် ပရေၚ်ထတ်ယိုတ် ညးပါဲဘဲပၞာန်

သာလေန်ဂျဳ – ဂျောန်(၂၄)

ရးသေတ်ဂါၚ်၊ ပွိုၚ်ဍုၚ်သာလေန်ဂျဳ ဌာနပရေၚ်ထတ်ယိုတ်ညးဍုၚ်ကွာန် ဂကောံပရေၚ်အုပ်ဓုပ်ညးဍုၚ်ကွာန်ဂှ် ကၠောန်သ္ပကဵုဒၟံၚ် ပရေၚ်မၚ်မွဲရံၚ်စံၚ် ပရေၚ်ထတ်ယိုတ်ညးဍုၚ်ကွာန်တအ်ရဂှ် ဂွံတီကေတ်ရ။ 

ဌာနပရေၚ်ထတ်ယိုတ်ညးဍုၚ်ကွာန်သာလေန်ဂျဳ မၚ်မွဲရံၚ်စံၚ်ကဵုဒၟံၚ် ပရေၚ်ထတ်ယိုတ် ညးပါဲဘဲပၞာန်

အခိၚ်လၟုဟ်ဏံမ္ဂး ပၞောဝ်ကဵုညးပါဲဘဲပၞာန်တအ်ဂှ် သွက်မိယာဲကောန်ၚာ် မၞုံကဵုဒၟုၚ်ဒၠေၚ် နွံဒၟံၚ်ပၟိက်သွက်ဂွံၜံၚ်သၠးတအ်ဂှ်လေဝ် ကၠောန်သ္ပကဵုဒၟံၚ် ပရေၚ်သၠးၜံၚ်ပၟတ်ရ။ 

ဖ္ဍိုက်ဗပေၚ်ကဵုဒၟံၚ် တၚ်နွံပၟိက် ကေုာံ ပရေၚ်မၚ်မွဲရံၚ်စံၚ်ပရေၚ်ထတ်ယိုတ် ညးဍုၚ်ကွာန်ပါဲဘဲပၞာန် ပ္ဍဲပွိုၚ်ဍုၚ်သာလေန်ဂျဳတအ်ကီု သွက်တၚ်နွံပၟိက် စၞစဇွောံမတအ်ဂှ် ဂကောံပရေၚ်အုပ်ဓုပ်ညးဍုၚ်ကွာန် ပွိုၚ်ဍုၚ်သာလေန်ဂျဳကဵု ဌာနပရေၚ်ထတ်ယိုတ်၊ ဌာနပရေၚ်ထံက်ရံၚ်ဗ္စာရဏာပရေၚ်မၞိဟ်၊ ဌာနဝန်ဇၞော်ပရေၚ်ညးဗြဴ သၟတ် ကေုာံကောန်ၚာ်တအ် ပံၚ်တောဲကဵု ဂကောံပ္တံကဵု ပ.အ.ဖ/ပ.က.ဖ ကွာန်အရာပ်၊ ဂကောံရိုဟ်တၞံဗကပ်ဗဗေၚ် လေတ်ပတောၚ်၊ သမဂ္ဂကွးဘာတက္ကသိုလ်မုမ်ယွာတအ်တုဲ မၚ်မွဲရဴၚ်စံၚ်ကဵုဒၟံၚ်ပရေၚ်ထတ်ယိုတ် မွဲကရောံမွဲစွံရဂှ် ဂွံတီကေတ်ရ၊ 

ဗီုရုပ် – CJ

Leave a Reply

Your email address will not be published. Required fields are marked *