ညးလုပ်ဂကောံကဝ်မတဳဗကပ်ဗဗေၚ် ပရေၚ်ချဳဒရာၚ်ဒဳမဝ်ကရေဇြဳခရိုၚ်ထဝါဲ က္လေၚ်ဗၠးကၠုၚ်နူထံၚ်

ထဝါဲ – ဂျောန်(၂၄)

ရးဒေသတၞၚ်သြဳ၊ မညောမာဥူ ညးလုပ်ဂကောံကဝ်မတဳဗကပ်ဗဗေၚ် ပရေၚ်ချဳဒရာၚ်ဒဳမဝ်ကရေဇြဳခရိုၚ်ထဝါဲဂှ် ကြဴနူဒးဒုၚ်ရပ်ဒက်လဝ်ကဵု ဒပ်ကံၚ်ဇြဳပၞာန်တုဲ ဟိုတ်နူတ္ၚဲဗၠးပေၚ်တုဲ က္လေၚ်ဗၠးတိတ်ကၠုၚ် နူထံၚ်ထဝါဲရဂှ် DDMSC လလောၚ်တြးလဝ် ပရိုၚ်ရ။

ပ္ဍဲဂိတုဂျောန် စၟတ်တ္ၚဲ (၂၂)တုဲကၠုၚ်တေံ အခိၚ်နူဂယးဂှ် က္လေၚ်ဗၠးတိတ်ကၠုၚ်တုဲ မ္ၚးနူၝောံပိုဒ် ၅၀၅-က၊ ၅၀၅-ဂတုဲ ဒးဒုၚ်ဖျေံလဝ်နကဵုၝောံပိုဒ် ၁၉-စ ဒဏ်ထံၚ် (၃)သၞာံကဵု(၆)ဂိတုရ။

ပ္ဍဲဂိတုမေ စၟတ်တ္ၚဲ (၂၉) သၞာံ ၂၀၂၁ တုဲကၠုၚ်တေံဂှ် ကောန်ဒပ်ကံၚ်ဇြဳပၞာန် လုပ်စိုပ်ရပ်ကေတ်လဝ် မညောမာဥူ ပ္ဍဲသ္ၚိဒၟံၚ် မၞုံအရာပ်ကျောက်မဝ် ဍုၚ်ထဝါဲဂှ်ရ၊

ပ္ဍဲမွဲကာလပရေၚ်ပၠန်ဂတးတၠအဝဵုပၞာန် စဵုကဵုအခိၚ်လၟုဟ်ဏံ ညးလုပ်ဂကောံကဝ်မတဳဗကပ်ဗဗေၚ် ပရေၚ်ချဳဒရာၚ်ဒဳမဝ်ကရေဇြဳ ခရိုၚ်ထဝါဲ ဒးဒုၚ်ရပ်လဝ် (၅)တၠတုဲ ပ္ဍဲထံၚ်စာတ်ထဝါဲဂှ် ညးလုပ်ဂကောံကဝ်မတဳ (၂)တၠ ဒးဒုၚ်ဖျေံလဝ်ထံၚ်ရဂှ် ဓမံက်လဝ် ပ္ဍဲတၚ်လလောၚ်တြးရ။

ကဝ်မတဳဗကပ်ဗဗေၚ်ပရေၚ်ချဳဒရာပ်ဒဳမဝ်ကရေဇြဳခရိုၚ်ထဝါဲဂှ် ဒှ်ဂကောံ ကၠောန်သ္ပချဳဒရာၚ်ဒၟံၚ် ပေါဲထ္ၜးဆန္ဒ ဒစဵုဒစးကဵုကံၚ်ဇြဳပၞာန် ဇြဟတ်ခိုဟ် ပ္ဍဲရးဒေသတၞၚ်သြဳ မွဲဂကောံရ။

ပရိုၚ်-သြၚ်လောန်တိုၚ်(မ်)

ဗီုရုပ် – DDMSC

Leave a Reply

Your email address will not be published. Required fields are marked *