သၞေဟ်ကၚ်စၟဳစၟတ် ဒဒန်ယှိုဲဂူ ပ္ဍဲတယိတ်ချံၚ် ဒးဒုၚ်ဗ္တိုက်

တယိတ်ချံၚ်၊ ဂျောန် (၂၈)

သၞေဟ်ကၚ်စၟဳစၟတ်ကံၚ်ဇြဳပၞာန် ပ္ဍဲဒဒန်ယှိုဲဂူ မၞုံဗ္ဒါဲကွာန်ယှေန်မုတ္ထဳ၊ ပွိုၚ်ဍုၚ်တယိတ်ချံၚ်၊ ရးဒေသဇၞော် တၞၚ်သဳဂှ် အာစိုပ်ဗ္တိုက်လဝ် နကဵုလွဟ်ဇၞော်တံရောၚ်ဂှ် ညးတာလျိုၚ် ဂကောံဒပ်စဵုဒၞါဒေသတံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။

သၞေဟ်ကၚ်စၟဳတ် ဒဒန်ယှိုဲဂူ ဒၞါဲဒပ်ကံၚ်ဇြဳပၞာန်တံ သီုကဵုဒပ်ဗၠာဲသၟိၚ်တံ မဖျေံဒၟံၚ်ဒပ် မံၚ်တန်တဴဒၟံၚ်ဂှ် ပ္ဍဲဂိတုဂျောန် ၂၆ ၜိုတ်အခိၚ် ၆ နာဍဳတေံ လ္ပာ်ဂကောံဒပ်စဵုဒၞါဒေသတံ အာစိုပ်ဗ္တိုက်လဝ် နကဵုလွဟ်ဇၞော် မစမ်ၜတ်ကၠောန်ပ္တိတ်လဝ်တံဂှ်ရ။

ကြဴနူဗ္ဒိုပ်ဗၠာဲသၟိၚ် ဒးဒုၚ်ဗ္တိုက်တုဲဂှ် မ္ၚးနူသၞေဟ်ကၚ်စၟဳတ် ဒဒန်ယှိုဲဂူတံဂှ် ဒပ်ကံၚ်ဇြဳပၞာန် ဖျေံသ္ဇိုၚ်ကွာန် ညံၚ်ဇြေန် တံ ပန်ပှော်လဝ်လွဟ်ဇၞော် သီုသၞေဟ်ကၚ်စၟဳတ် ဒဒန်ဥတ္တူတံ ဟွံအောန်နူကဵု ၅၀ လ္စုတ်ရ။

ဆ္ဂး ပ္ဍဲကဵုပရေၚ်ပန်ပှော်လွဟ်ဇၞော်ဒပ်ကံၚ်ဇြဳပၞာန်တံဂှ် ဂကောံဒပ်စဵုဒၞါညးဍုၚ်ကွာန် PDF တံကဵု ညးဍုၚ်ကွာန်ကောန်အရာပ်တံ ဇီုကပိုက်ကလိဂွံဝပ်ဟွံမွဲပုဟ်ဂှ် ဂွံတီကေတ်ရ။

အပ္ဍဲလၟေၚ်ဒဒှ် ဒးဒုၚ်ဗ္တိုက်ပန်ပှော်သၞေဟ်ကၚ်စၟဳစၟတ်တံဂှ် လ္ပာ်ကံၚ်ဇြဳပၞာန် အောန်အိုတ် ၜါတၠဟွံက ဇီုကပိုက်ကလိဂွံလဝ်ဝပ် နွံမာန်တုဲ အကာဲအရာဗလးတိ ဗွဲလစှ်ေဂှ် ဆက်ဂၠိုက်ဂၠါဲဒၟံၚ်ရောၚ် သ္ဂးရ။

တုဲကၠုၚ် ပ္ဍဲဂိတုဂျောန် ၂၇ အခိၚ်နူဂယးဂှ်လေဝ် နူကဵုဒပ်ကံၚ်ဇြဳပၞာန် ဗပေၚ်ဇြဟတ်စိုပ်ကၠုၚ် ဇရေၚ်သၞေဟ်ကၚ်စၟဳတ် ဒဒန်ဥူတ္တူဂှ်တုဲ ညးဒေသ မၞိဟ်တြုံမွဲတၠ ဒးအာမကမ်ကလိဂွံအာဝပ်ရ။

သၞေဟ်ကၚ်စၟဳတ် ဒဒန်ဥူတ္တူ ကဵု ဒဒန်ယှိုဲဂူ မၞုံပွိုၚ်ဍုၚ်တယိတ်ချံၚ်ဂှ်ဝွံ အပ္ဍဲကာလသီအဝဵုဏံ ဒးဒုၚ်ဗ္တိုက်ဒၟံၚ်မွဲဏှမွဲဏှတုဲ လ္ပာ်ကံၚ်ဇြဳပၞာန် ဇီုကပိုက်ချိုတ်အာတံ နွံဒၟံၚ်ရ။

ပရိုၚ်−သြၚ်လောန်တိုၚ်(မ်)

ဗီု−CJ