သိုလ်၊ ဂျောန်(၂၉)
လ္တူကောန်ဍုၚ်ရုရှာမွဲတၠ ပါလုပ်ဆက်စပ်မံၚ် ပ္ဍဲပရေၚ်ချဳဒရာၚ်ဆေၚ်စပ်ကဵုသြန်လှုဲဟွံလုပ်သၞောဝ် ကိုဝ်ရဳယျာသၟဝ်ကျာတံဂှ် ကိုဝ်ရဳယျာသၠုၚ်ကျာ ကၟာတ်လဒဵုကေတ်ထောံအရေဝ်ဂှ် သၟိၚ်တၠအဝဵုဂမၠိုၚ် ဟီုလဝ်ပ္ဍဲဂိတုဂျောန် စၟတ်တ္ၚဲ (၂၈)ဂှ်ရ။
သွက်အစဳဇန် ဗမ်အဏုမျူကဵု ကမ်သၠောဝ်ထိၚ်သၞေဝ် ကိုဝ်ရဳယျာသၟဝ်ကျာ မဂွံဆဵုကေတ်လဝ် ပရေၚ်တောတက် ဗွဲမမြက်ဇက် ပ္ဍဲလက်ထက်အလဵုအသဳ က္ဍိုပ်သ္ကိုပ်ကိုဝ်ရဳယျာသၟဝ်ကျာ ကေန်ဂျုံအာန် မသ္ကိုပ်သ္ကဂှ် ဒးဒုၚ်ကၟာတ်လဒဵု ကေတ်ဒၟံၚ်အရေဝ် ကုဍုၚ်နာနာတံရ။
ကောန်ဍုၚ်ကိုဝ်ရဳယျာသၠုၚ်ကျာတြေံ မဒုၚ်ဂိုၚ်ကေတ်လဝ်နဒဒှ်ကောန်ဍုၚ်ရုရှာ မၞုံယၟု ချာဲချောန်ဂိုဝ် မဒးဒုၚ်စောတ်စောဲလဝ် ဒဒှ်ရ ထံက်ပၚ်ကဵုမံၚ် ပရေၚ်ကမၠောန်ဟွံလုပ်သၞောဝ် ကုကိုဝ်ရဳယျာသၟဝ်ကျာ မဖံက်ပလီုမံၚ် စေဝ်ပၞောန်ကၟာတ်လဒဵုကေတ်အရေဝ် ကံၚ်ဇြဳဂီုကၠီုကုလသမဂ္ဂဂှ် ကၟာတ်လဒဵုကေတ် လဝ်ဒုဟ်ရောၚ် ကိုဝ်ရဳယျာသၠုၚ်ကျာ လလောၚ်ပ္တိတ်လဝ်ရ။
တၚ်သ္ဂုတ်သွာတ်ဏံဝွံ နဒဒှ်ပရူပရာကၟာတ်လဒဵုကေတ်လဝ်ဒုဟ် ကုမဇဂကူကိုဝ်ရဳယျာမွဲလ္ပာ်ဓဝ် ဒဒှ်ရအလဵုအသဳကိုဝ်ရဳယျာသၠုၚ်ကျာ စၟတ်သမ္တီလဝ် နဒဒှ်အမှုဂဗုတ်ကိုပ်ကၠာအိုတ်မွဲဂှ် ထ္မံက်ထ္ၜးလဝ် ပ္ဍဲတၚ်လလောၚ်တြး ဌာနဝန်ဇၞော်ကာဍုၚ်သ္အာၚ် သိုလ်ရ။
ချာဲဝွံ ပ္ဍဲအရာပါဲဒလေတ် ပရေၚ်ကေတ်ဒုဟ်ကၟာတ်လဒဵု သွက်အစဳဇန်လွဟ်လက်နက် ကိုရဳယျာသၟဝ် ကျာ မတာဒၞါလဝ်တံဂှ် သွက်သ္ဂောံဂွံပရေၚ်ထံက်ပၚ်သြန်လှုဲကီု၊ သ္ဂောံရီုဗၚ်ကဵုပျုံယာန် ကီုဂှ် ဒက်ပ္တန် လဝ် ကမ္ပဏဳပၞောန်ဂတကိုဝ်ရဳယျာသၟဝ်ကျာ ပ္ဍဲမန်ဂိုလဳယျာမွဲရောၚ် ဒးဒုၚ်စောတ်စောဲလဝ်ရ။
ညးဝွံ နူကဵုပရေၚ်ပံၚ်တောဲဓလိုက်တမ်ရိုဟ် ကုဇၞော်သ္ကိုပ်ရုၚ်လစှ်ေ တိုက်သြန်ကူသာန်သွံရာန်ဍုၚ်သ္အာၚ် အလဵုအသဳပျုံယာန်ပိုၚ် မၞုံရုရှာဂှ်မွဲကဆံၚ် ကၠောန်သ္ပကၠုၚ်မံၚ် ကမ္ပဏဳကူသာန်သွံရာန် မဖျေံသ္ဇိုၚ်ရုရှာ တၞဟ်ခြာရောၚ်ဂှ်လေဝ် တၠအဝဵုသိုလ်တံ ပတှ်ေစှ်ေလဝ်စိုတ်ရ။
သိုလ်ဝွံ ဒဒှ်ရကၟာတ်လဒဵုကေတ်လဝ်ဒုဟ် ကုကမ္ပဏဳချာဲ မဒက်ပ္တန်လဝ်ၜါဂှ်ကဵု ဇၞော်သ္ကိုပ်ကိုဝ်ရဳယျာ သၟဝ်ကျာ နူကဵုဌာနတိုက်သြန်ပါ်ရုရှာဂှ် နူကဵုဌာနဝန်ဇၞော်ဂှ် သ္ဂးရ။
ကိုဝ်ရဳယျာသၟဝ်ကျာဝွံ ကြဴနူပရေၚ်ပတိတ်ဇြဟတ် ပရေၚ်ကလုတ်တမာန်သရိုဟ်စှ်ေအာ ပ္ဍဲသၞာံ ၂၀၁၉ တုဲဂှ် ပရေၚ်တောတက်ပရေၚ်ပၞာန်တံဂှ် ကၠောန်သ္ပသၠုၚ်ပ္တိုန်ကၠုၚ်ၜါဆတုဲ ပရေၚ်စမ်ၜတ် ကမ်လှောဝ် ပန်အကြာတိုက်ဗွဲမဂၠိုၚ်ဂၠေၚ်ဂှ်ကီု၊ ပရေၚ်စမ်ၜတ်လွဟ်လက်နက် မတာဒၞါလဝ်တံဂှ်လေဝ် ကၠောန်သ္ပကၠုၚ်လဝ်ရ။
မေဿတာကေမ်ဂှ် သၞာံတုဲတေံ လလောၚ်တြးလဝ် ဍုၚ်ညး နဒဒှ်ဇြဟတ်နျူကလိယျာ ဟွံဆုတ် ကလေၚ်တုဲ ပ္ဍဲပရေၚ်ကၠောန်ပ္တိတ်လွဟ်လက်နက် ပါလုပ်သီုကဵုလွဟ်လက်နက်နျူကလိယာ မစှ်ေကဵုဗျူဟာတံဂှ် သွက်ဂွံသၠုၚ်ပ္တိုန်အာကဵုဆဂှ်လေဝ် ဟီုဂးလဝ်ရ။
အတိုၚ်လဟီု သိုလ်၊ တိုဂျို ကေုာံ ဝါယှေန်တာန်တံဂှ်မ္ဂး ပျုံယာန်ဝွံ သၞာံတုဲကၠုၚ်မွဲသၞာံဓဝ်ဂှ် နကဵုသြန်ခရေပ်တိုဂှ် ကၠတ်ကေတ်လဝ် ဒဝ်ဠာအမေရိကာန် ၁.၇ ဗဳလဳယာန်တုဲ နူကဵု “ပရေၚ်ချဳဒရာၚ် သာ်ပါ အန္တရာယ်နွံ” တံဂှ်မွဲကဆံၚ် ပကောံပကေဝ်ပရိုၚ်တၚ်နၚ်တံတုဲ ဒှ်ကၠုၚ်လဝ် အထံက်အရီု ကုပရိုဝ်ဂရာမ် လွဟ်လက်နက်ညးတံဂှ် ဌာန်ပရိုၚ်အေအေပ်ပဳ ထ္မံက်ထ္ၜးလဝ်ရ။
Ref: Straitstimes
sanlontai