ဗိက် – ဂျူလာၚ်(၁)
ရးဒေသတၞၚ်သြဳ၊ ပွိုၚ်ဍုၚ်ဗိက် ပ္ဍဲဂၠံၚ်ဇၞော်ကၟိန်ဍုၚ် ဗိက်-တၞၚ်သြဳ ကွာန်မယျေန်ၚေဝ်ဖျာ ဂကောံကွာန်စန္ဒာဝေါတ်ဂှ် ကွဳစက်ပ္ဍိုက်ညးအာတရဴကဵု ကွဳစက်ဍိုတ် ဇီုတေက်ဒးတုဲ ဂွံလဝ်ဘဲဝပ် (၉)တၠရဂှ် ဂကောံရီုဗၚ်ဟံၚ်ပြာ်ဒေသဂှ် ဟီုသ္ဂးလဝ်ရ။
ပရေၚ်ဒဒှ်ဂှ် ပ္ဍဲဂိတုဂျောန် စၟတ်တ္ၚဲ (၃၀) အခိၚ်နူဂယး ကွဳစက်ပ္ဍိုက်ညးအာတရဴ မိုဝ်တောက်ကျေဝ် စှ်ေကၠုၚ်လ္ပာ်ကအ်သံၚ် နူဗိက် ကဵုကွဳစက်ပ္ဍိုက်ဍိုက် သၠာ(၆) တိုန်ကၠုၚ်လ္ပာ်ဗိက် နူတၞၚ်သြဳ ဇီုတေက်ဒး ညးသ္ကအ်ရ။
“ဒၞာဲကွဳစက် ဇီုဒးလဝ်ဂှ် နူဗိက်ယဝ်စှ်ေကအ်သံၚ်တှ်ေ ကွဳစက်သီုၜါဖ္ဍိုက် စိုပ်ဒၟံၚ် လ္ပာ်ဂၠံၚ်ပုၚ်၊ ရံၚ်ကေတ်တှ်ေ ကွဳစက်ပ္ဍိုက်ဍိုတ်ဂှ် ထိၚ်အသိၚ်ဟွံမာန်တုဲ ဒှ်ဒၟံၚ်ဗီုပြၚ် လုပ်ဇီုဒးလဝ်ရ။ ကွဳစက်ပ္ဍိုက်ညးအာတရဴဂှ် ဂုဏ်နူသၟာဒဳကွဳစက်ကြေပ်ဒၟံၚ်တုဲ ဒးတံၚ်ဓဇက်ပ္တိတ်လဝ် ဟွံသာရ” ဂှ် ညးလုပ်ဂကောံရီုဗၚ်ဟံၚ်ပြာ်မွဲတၠ ဟီုကဵု ဌာန်ပရိုၚ်သြၚ်လောန်တိုၚ်(မ်)ရ။
ဟိုတ်နူပရေၚ်ယာဉ်ဇီုတေက်တုဲ ပၞောဝ်ကဵုညးပါဗက်ကၠုၚ် ပ္ဍဲကွဳစက်ပ္ဍိုက်ညးအာတရဴ (၁၅)တၠဂှ် သီုကဵုသၟာဒဳကွဳစက် ဇီုကပိုက်ဒးလဝ်ဘဲဝပ် (၉)တၠရဂှ် ဂွံတီကေတ်ရ။
အခိၚ်လၟုဟ်ဏံ ညးဇီုကပိုက်ဒးလဝ်ဘဲဝပ်တအ်ဂှ် ဂကောံရီုဗၚ်ဟံၚ်ပြာ်တအ် ပလံၚ်ဗစိုပ်ဏာလဝ် ရုၚ်ဂဥုဲဗိက်ရဂှ် ဂွံတီကေတ်ရ။
ပရိုၚ်-သြၚ်လောန်တိုၚ်(မ်)
ဗီုရုပ် – CJ
sanlontai