လွိုၚ်ကဝ် – ဂျူလာၚ်(၂)
ပံၚ်တောဲကဵု အလဵုအသဳပရေၚ်ညဳသၟဟ်ကောန်ဂကူ NUG တုဲ ပ္ဍဲပၠန်ဂတးက္ညၚ်ဂှ် ကလေၚ်ဗတိုက် ဒၟံၚ်ကံၚ်ဇြဳပၞာန်ယျဂှ် ဒပ်ပၞာန်ဗၠးၜးညးဍုၚ်ကွာန် ကောန်ဂကူကရေၚ်ဍာဲပံၚ်ကောံ(ကလလတ) KNPLF လလောၚ်တြးလဝ် နကဵုစၟတ်တ္ၚဲ တ္ၚဲဏံရ၊
ကၠာတေံဂှ်ဟိုတ်နူပရေၚ်ပရော ဒးထံက်ရံၚ်လ္ၚဵုတုဲ လၟေၚ်ကမၠောန်ဆေၚ်စပ်ကဵုပၠန်ဂတးက္ညၚ် ပၞုက်ဓလုက်ဂြောပ်ဗ္ဒန်လဝ် မွဲဒကုတ်မွဲဒကူတုဲ ပရေၚ်ကၠောန်ရေၚ်တၠုလဝ်ဂှ် ရေၚ်တၠုၚ်အာ ဗွဲမလုပ်သၞောဝ် ကၠးကၠးတၟးတၟးရောၚ်ဂှ် ကဵုကၠုၚ်သမ္တီရ။
အခိၚ်လၟုဟ်ဏံမ္ဂး ဂကောံဇြဟတ်နာနာတအ် လုပ်ဒၟံၚ်ပေါဲဗတိုက် ပၠန်ဂတးကဵုဂကောံပၞာန်တုဲ နကဵု KNPLF လေဝ် နူကဵုမုက်လိက်ကရေၚ်ဍာဲဂှ် ဗတိုက်သရိုဟ်အာ ပိုတ်တ်သ္ကုတ်တ်ရောၚ်ဂှ် ဟီုသ္ဂးကၠုၚ်လဝ်ရ။
သ္ပတံနူဒပ်ပၞာန်သီအဝဵုတုဲ ဒပ် KNPLF တအ်ဂှ် နူဒၞာဲဗီုပြၚ်စုၚ်၊ အကာဲအရာစုၚ်ဂှ် ပါလုပ်ရီုဗၚ်ကဵုလဝ် ကၠးကၠးတၟးတၟးကေုာံ သ္ၚိတ်တ်ဇြဇြ နကဵုကဲနဲဂၠံၚ်တရဴ ၜိုတ်သၟဟ်အစောံရဂှ် ဓမံက်လဝ် ပ္ဍဲတၚ်လ လောၚ်တြးရ။
ပ္ဍဲဂိတုဂျောန် စၟတ်တ္ၚဲ (၁၄)တုဲကၠုၚ်တေံဂှ် သၠးထောံယူနဳဖောၚ် BGF တုဲ ကလေၚ်ကျိုၚ်ဗိုက်လတက် ကေတ် ယူနဳဖောၚ် KNPLF တုဲ သီကေတ်ဗဒိုပ် ဗၠာဲသၟိၚ်၊ ကုန်ဗျူဟာ ကေုာံ ဗဒိုပ် ဒိုပ်ပၞာန်ပယျဵု မွဲကရောံကဵု ဒပ်ပံၚ်ကောံ KNDF၊ KA မဒှ်ဂကောံဇြဟတ်ပၠန်ဂတးတၞဟ်တအ် မွဲစွံတုဲ ပါလုပ်ကၠုၚ် ပ္ဍဲပရေၚ်ပၠန်ဂတးရ။
ဒပ်ပၞာန် KNPLF ဂှ် ကြဴနူဒေါံပန်ပှော်ကဵု အလဵုအသဳ (န.အ.ဖ) ပ္ဍဲသၞာံ ၁၉၉၄ ဂိတုမေ သ္ကုတ်ကၠာ လောန်တုဲကၠုၚ်တေံတုဲ ဒးဒုၚ်ပြံၚ်ကၠုၚ်အယောၚ်အလာ နဒဒှ်ပၞာန်မၚ်ပယျဵု ဒပ်ပၞာန်ရဂှ် ဂွံတီကေတ်ရ။
ပရိုၚ်-သြၚ်လောန်တိုၚ်(မ်)
ဗီုရုပ် – KNPLF
sanlontai