သေတ်ဒိုဲ၊ ဂျူလာၚ် (၃)
ပ္ဍဲတွဵုရးရခေၚ်၊ ဍုၚ်သေတ်ဒိုဲ၊ အရာပ်ဘုမေ၊ ဗ္ဒါဲဘာတက္ကသိုလ်ဂှ် ကွဳစက်ကောန်ဗော် ဗော်ဗၠးၜးရခေၚ် ALP တံ မဍိုက်ပါဗက်ကၠုၚ် ဒးဒုၚ်ပန်ပှော်တုဲ (၃) တၠ ချိုတ်တုဲ (၃) တၠ ကလိဂွံလဝ်ဝပ်ရောၚ် ညးဒေသတံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။
ပရူပရာဏံဂှ် ပ္ဍဲဂိတုဂျူလာၚ် (၁) အခိၚ်လဒေါဝ်တ္ၚဲတေံ နူကဵုဗော် ALP ဂှ် ပါလုပ်သီုကဵု ကဆံၚ်သ္ကိုပ် တမ်ဒပ်ဂှ် မၞိဟ် (၆) တၠ အခိၚ်တိတ်ကၠုၚ် နူကဵုသ္ၚိဥက္ကဌဗော် ဒဝ်သဝ်မျလေန် စိုပ်ဂတမုက်ဘာဂှ် သၟာသေနာတ် (၃) တၠ ပန်ပှော်လဝ်ရ။
ကြဴနူပန်ပှော်တုဲဂှ် ပ္ဍဲကဵုမၞိဟ်ပါဗက်လ္တူကွဳစက် ၆ တၠဂှ် ၃ တၠဝွံ ချိုတ်အာဒၞါဲဂှ်တုဲ သှ်ေ ၃ တၠဂှ် ဂြိပ်ဗၠးတိတ်အာ နကဵုဝပ်ဂမၠိုၚ်ရောၚ် ဂွံတီကေတ်ရ။
ညးမပန်ပှော်လဝ် ကောန်ဗော် ALP တံဂှ်ဝွံ နူကဵုဂကောံလဵုရောဟီုဂှ် ဒဵုကဵုအခိၚ်လၟုဟ် ဟွံဂွံတီကေတ် ဏီတုဲ ဒပ်ကံၚ်ဇြဳပၞာန်ကဵု လ္ပာ်ဂကောံဒပ်ဗၠာဲသၟိၚ် သၟဝ်တဲတံ ပတေၚ်ဂြတ်လဝ် ပရေၚ်ဂီုကၠီုရောၚ် ညးဒေသတံ ဟီုရ။
စပ်ကဵုကိစ္စဏံတုဲ နူကဵုသြၚ်လောန်တိုၚ်(မ်) ၜိုန်ရဆက်စၠောံလဝ် ကုဥက္ကဌဗော် ALP ဒဝ်သဝ်မျလေန်ကီုလေဝ် ဆက်စၠောံဟွံဂွံဏီဖိုဟ်ရ။
ပရိုၚ်−သြၚ်လောန်တိုၚ်(မ်)
ဗီု−ALP
sanlontai