မတ်မလီု၊ ဂျူလာၚ် (၂)
ထ္ပက်ပၞာန် ကုဒပ်ကံၚ်ဇြဳပၞာန်တုဲ သၠုၚ်ပ္တိုန်အာ အသိၚ်ပရေၚ်ပၞာန်တံရောၚ်ဂှ် နူကဵုဒေသပၞာန်သ္ကုတ် သၠုၚ်ကျာ ဒပ်ပၞာန်စဵုဒၞါညးဍုၚ်ကွာန် ဒေသပၞာန်ပါ် စၟတ် (၂) လလောၚ်ပ္တိတ်လဝ်ရ။
နကဵုဒေသပၞာန်ပါ် စၟတ် (၂) ဂှ် ညံၚ်ညးဍုၚ်ကွာန်တံ ဇီုကပိုက်ဒးဂိဟွံဂွံမွဲဂှ် လလောၚ်ပ္တိတ်လဝ်သာ် ဏံရောၚ် ဂွံတီကေတ်ရ။
ဂၠံၚ်ဇၞော် လ္ဂုၚ်−မာန္တလေဝ် ကဵု ဂၠံၚ်တြေံ၊ ဂၠံၚ်ဗဂေါ−သက်တိုၚ်၊ ဂၠံၚ်လ္ဂုၚ်−မတ္တမ၊ ဂၠံၚ်လ္ဂုၚ်−ဘာအၚ် တံဂှ် လၟေၚ်တ္ၚဲ နူဂယး ၆ နာဍဳ စဵုကဵု ဇိုၚ်သဝ်တ္ၚဲ ၆ နာဍဳဟေၚ် သွက်ဂွံအာကၠုၚ်အိုတ်ဂှ် ကဵုလဝ်သတိရ။
ပ္ဍဲလ္တူဂၠံၚ်မပိုၚ်ခြာလဝ်တံဏံ ပ္ဍဲအရာအာကၠုၚ်အခိၚ်တ္ၚဲတံဂှ် ဖျေံဒ္ၚေါဝ်တုဲ သွက်ဂွံဒဳကဵုကွဳလိုန် ဓာတ်အိုတ်ဂှ်ကီု၊ ပွမစၟဳတ်ကၠုၚ် လ္ဂောံကဵုတာလျိုၚ်တံဂှ် သွက်ဂွံဒုၚ်စၟဳတ်ကဵု ဗုဗုအးအးဂှ်ကီု၊ တၚ်နၚ်လလောၚ်ပ္တိတ်လဝ်တံဂှ် ယဝ်ရဟွံဒ္ဂေတ်ဗက်မ္ဂး ဖဵုအဆက်လက္ကရဴ မက္တဵုဒှ်ကၠုၚ်တံဂှ် ဒေသပၞာန်ပါ် စၟတ် (၂) ကေတ်အာတာလျိုၚ် ဟွံသေၚ်ပုဟ်ဂှ် ကဵုလဝ်သမ္တီရ။
အခိၚ်လၟုဟ်ဂှ် နူကဵုပေါဲဗ္တိုက်ဒစဵုဒစးရပ်လွဟ် ကုဒပ်ကံၚ်ဇြဳပၞာန်သီအဝဵု အလုံကၟိန်ဍုၚ်ဂှ် သွက်ဂွံကလေၚ်ထ္ပက်ပၞာန်ဂှ် ဂကောံဒပ်စဵုဒၞါညးဍုၚ်ကွာန်တံ ဒှ်ဒၟံၚ်ဒတုဲယျရောၚ်ဂှ် ဂွံတီကေတ်ရ။
ပရိုၚ်−သြၚ်လောန်တိုၚ်(မ်)
ဗီု−ဒေသပၞာန်ပါ် စၟတ် (၂)
sanlontai