ပံက်ကၠောန်တန်ဗ္တောန်သၞာဲဒဴ AA ပ္ဍဲတွဵုရးရခေၚ် အလန်ပဌမ

သေတ်တွေ – ဂျူလာၚ်(၄)

ပ္ဍဲတွဵုရးရခေၚ် ပံက်ကၠောန်ဗဒှ်တန်ဗ္တောန်သၞာဲဒဴ ဒပ်ပၞာန်ရခေၚ် (AA) အလန်ပဌမတုဲ ပ္ဍဲဂိတုဂျောန် စၟတ်တ္ၚဲ (၁၉)ဂှ် ကၠောန်သ္ပလဝ် ပေါဲစှ်ေဘာရဂှ် ဌာနလလောၚ်ပရိုၚ် AA လလောၚ်တြးလဝ်ရ။

တန်ဗ္တောန်ဂှ် နူဂိတုနဝ်ဝေမ်ဗာ သၞာံ ၂၀၂၂ စဵုကဵု ဂိတုဂျောန် စၟတ်တ္ၚဲ (၁၉) သၞာံ ၂၀၂၃ ကၠောန်ဗဒှ်လဝ် လအ်ပွိုၚ် (၇) ဂိတုတုဲ ကွးဘာ (၃၂၆)တၠ တိုန်စိုပ်ကတ်လ္ၚတ်လဝ်ရ။

တန်ဗ္တောန်သၞာဲဒါဂှ် ရန်ကဵု သွက်ကောန်သ္ဂံၚ်ခိုဟ် က္ဍိုက်က္ဍိုပ်ဒပ်ပၞာန် AA အနာဂတ်မာန် ဂွံမံက်ဂတဝ်တိတ်ကၠုၚ် ကေုာံ သွက်က္ဍိုပ်သ္ကိုပ်သွာၚ်ပၞာန် အစောန်စရာဲဍာ်ဒကေဝ် စိုတ်ဓာတ် ဍိုုက်ပေၚ် ဂွံမံက်ဂတဝ်တိတ်ကၠုၚ်တုဲ ကၠောန်ဗဒှ်လဝ်ရဂှ် ဓမံက်ထ္ၜးလဝ် ပ္ဍဲတၚ်လ​လောၚ်တြးရ။

တန်ဗ္တောန်သၞာဲဒါ AA လၟေၚ် (၁)ဂှ် ပံက်လဝ် ပ္ဍဲတိဍာ်ထိၚ်ဒဝ် ဒပ်ပၞာန်ဗၠးၜးကချေၚ်(KIA) မဟာမိတ် AA မၞုံတွဵုရးကချေၚ် ပ္ဍဲဂိတုဨဗြဴ စၟတ်တ္ၚဲ (၁၀) သၞာံ ၂၀၁၈ တုဲ လၟေၚ်(၂) ဂှ်လေဝ် ပံက်လဝ် ပ္ဍဲတိဍာ်ထိၚ်ဒဝ် (KIA)ရဂှ် ဟီုသ္ဂးလဝ်ရ။

တန်ဗ္တောန် လၟေၚ်(၄)ဂှ်မ္ဂး ပ္ဍဲသၞာံ ၂၀၂၄ မံက် ကၠုၚ်စိုပ်ဂတဏံ ပံက်ဗ္တောန်အာရောၚ်ဂှ် ဌာနလလောၚ်ပရိုၚ် AA ကဵုလဝ်သမ္တီရ။

ပရိုၚ်-သြၚ်လောန်တိုၚ်(မ်)

ဗီုရုပ် – AA