မတ်မလီု – ဂျူလာၚ်(၅)
ပ္ဍဲကဵုဂိတုဂျောန်ဂှ် ပရေၚ်ကံၚ်ဇြဳပၞာန်သီအဝဵု စံၚ်ပလီုလဝ် သ္ၚိဌာန်ညးဍုၚ်ကွာန်ပိုၚ် နွံကၠုၚ် စဵုကဵု (၉၃)ဝါရဂှ် အလဵုအသဳပရေၚ်ညဳသၟဟ်ကောန်ဂကူ၊ ဌာနဝန်ဇၞော်ပရေၚ်အပ္ဍဲဍုၚ် ကေုာံပရေၚ် ကောပ်ကာဲမၞိဟ်လုပ်တိတ် လလောၚ်တြးလဝ် ပရိုၚ်ရ။
ပ္ဍဲဒၞာဲဒးဒုၚ်စံၚ်ပလီုလဝ်ကဵု ဒပ်ကံၚ်ဇြဳပၞာန်တအ်ဂှ် ရးသေတ်ဂါၚ် (၇၉)ဝါ ဒှ်လၟိဟ်ဂၠိုၚ်အိုတ်တုဲ သ္ၚိဌာန် ညးဍုၚ်ကွာန်ပိုၚ် (၂၅၁၁)မ ကေုာံ မၞိဟ်ဒးဒုၚ်စံၚ်ဂစိုတ်လဝ် စဵုကဵု (၉) တၠနွံကၠုၚ်ရ။
ပ္ဍဲကဵုပရေၚ်ဒးဒုၚ်စံၚ်ပလီုလဝ်ဂှ် ပ္ဍဲရးမဂွေ (၃) ဝါ၊ သ္ၚိ (၇၇)မ၊ ပ္ဍဲရးအၚ်ဝ (၂)ဝါ၊ သ္ၚိ (၁၀)မ၊ ပ္ဍဲတွဵုရး ကချေၚ် (၂)ဝါ၊ သ္ၚိ (၁၀)မ၊ ပ္ဍဲတွဵုရးသေံ (၂)ဝါ၊ သ္ၚိ (၄၀)မ ကေုာံ ပ္ဍဲရးဒေသတၞၚ်သြဳဂှ် (၅)ဝါ၊ သ္ၚိ (၁၄)မ နွံရဂှ် ဓမံက်ထ္ၜးလဝ်ရ။
သ္အာၚ်နူဂှ်ပၠန် ပၞောဝ်ကဵုဒပ်ကံၚ်ဇြဳပၞာန်စံၚ်ပလီုလဝ်ဂှ် ဘာဗ္တောန်လိက် ကေုာံစမြိုၚ်ပရေၚ်ဘာသာ ပါလုပ်ဒၟံၚ် (၄)မရဂှ် ဂွံတီကေတ်ရ။
တၚ်ဂၞၚ်ဌာနဝန်ဇၞော် ပရေၚ်အပ္ဍဲဍုၚ် ကေုာံပရေၚ်ကောပ်ကာဲမၞိဟ်လုပ်တိတ် NUG ဓမံၚ်ထ္ၜးလဝ်ဂှ် ဒှ်တၚ်စၟဳစၟတ် ဓမံက်ထ္ၜးလဝ် တၚ်လလောၚ်တြး မဳဒဳယာ၊ ဂကောံညးအရာပ် ဗၠးၜး ကေုာံ တၚ်ဂၞၚ် ညးဍုၚ်ကွာန် ပ္ဍဲဗလးမုက်တိတအ် ပလံၚ်ဗစိုပ်ကဵုလဝ်ရဂှ် ဟီုသ္ဂးလဝ်တုဲ ပ္ဍဲဗလးမုက်တိဂှ် လ္တူနူဏံ ဂၠိုၚ်မာန်ရောၚ်ဂှ်လေဝ် ကဵုလဝ်သမ္တီရ။
ပရိုၚ်-သြၚ်လောန်တိုၚ်(မ်)
ဗီုရုပ် – NUG
sanlontai