ဆေၚ်စသုၚ် ပ္ဍဲလဂုၚ် ကံၚ်ဇြဳပၞာန်ကၟာတ်လဒဵုလဝ် ပရေၚ်ဒယှ်ေဒွက် ကဵုဆေၚ်ဝိုၚ်

လဂုၚ် – ဂျောန်(၇)

ဆေၚ်စသုၚ် ပ္ဍဲရးလဂုၚ်တအ်ဂှ် ပရေၚ်ဒယှ်ေဒွက် လဟိၚ်စိုတ် ကဵုဆေၚ်ဝိုၚ်ဂှ် ကံၚ်ဇြဳပၞာန်သီအဝဵု ဗဒေါံလဝ်ရဂှ် ညးဟွံမိက်ဓမံက်ယၟု နူကဵုဒပ်ဗၠာဲသၟိၚ်ရးမွဲတၠ ဟီုကဵု ဌာန်ပရိုၚ်သြၚ်လောန်တိုၚ်(မ်)ရ။

နူသ္ကိုပ်ပရေၚ်အုပ်ဓုပ်ပွိုၚ်ဍုၚ်မွဲကဆံၚ် ပရေၚ်ဒယှ်ေလဟိၚ်စိုတ် ပ္ဍဲဆေၚ်စသုၚ်တအ်ဂှ် တ္ၚဲဏံ သ္ပတံနူ ဂိတုဂျူလာၚ် စၟတ်တ္ၚဲ (၆)တုဲ ဗဒေါံလဝ်ရ။

“ဆေၚ်တအ်ဂှ်တှ်ေ ကဵုလဝ်အခေါၚ် ပံက်ရ။ ဆေၚ်ဝိုၚ်ပံက်ဒၟံၚ် ပ္ဍဲ Bar တအ်၊ DJ တအ်ဂှ်တှ်ေ လၟုဟ်ဏံ ဟွံကဵုအခေါၚ်ပံက်ရပုဟ်။ ယဝ်ရစၟဳစၟတ်ညာတ်ဒးတှ်ေ သွက်ဂွံကေတ်အရေဝ် ဟီုလဝ်ရ” ဂှ် ဗၠာဲသၟိၚ်ရးဂှ် ဟီုကဵုဌာန်ပရိုၚ်သြၚ်လောန်တိုၚ်(မ်)ရ။

ဆေၚ်ဟွံဒ္ဂေတ်ဗက် အတိုၚ်တၚ်စၞောန်တအ်ဂှ် စဵုကဵုသီဂိုၚ်ကေတ်လာၚ်ဇြေန်ကမၠောန် ကေတ်အာအရေဝ်တုဲ ကၟာတ်ဒၞာအာဆေၚ်ရောၚ်ဂှ် ညးဟီုလဝ်ဏီရ။

ပ္ဍဲကဵုနိုက်ကလာပ်၊ Bar ကေုာံ ဆေၚ်စသုၚ် ပံက်လဝ် ပ္ဍဲဍုၚ်ဇၞော်ဗွဲမဂၠိုၚ်တအ်ဂှ် ကြဴနူဒပ်ပၞာန်သီအဝဵုတုဲ သ္ကုတ်လကြဴဏံ ဟိုတ်နူပရေၚ်သွံရာန်တြးဂဥုဲၜူမာဲ ဂၠိုၚ်တိုန်ဒၟံၚ်တုဲ ကလာပ်ကဵု Bar တအ်ဂှ် ကၟာတ်လဝ်ယာယဳ အပိုၚ်ခြာတ္ၚဲဟၟဲရဂှ် ကံၚ်ဇြဳပၞာန် စၞောန်ပ္ညုၚ်လဝ်ရ။

ဂကောံဒပ်ဒမၠုက်ဍုၚ်ဇၞော်လဂုၚ်လေဝ် မ္ၚးနူနိုက်ကလာပ် Bar ဗာထံက်ပၚ်ကဵုဒၟံၚ် ကံၚ်ဇြဳပၞာန်ဂှ် အန္တရာယ်လမျီုညးအာစိုပ်တအ်လေဝ် ဒုၚ်လျိုၚ်ဟွံသေၚ်ရဂှ် ကဵုလဝ်သမ္တီရ။

ပရိုၚ်-သြၚ်လောန်တိုၚ်(မ်)

ဗီုရုပ် – Transporter Restaurant