ဒပ်ကံၚ်ဇြဳပၞာန် ဂစိုတ်လဝ် ဒုဥက္ကဌ ဗ.က.သ ခရိုင်ဗဂေါရောင် လလောင်ပ္တိတ်

ဗဂေါ၊ ဂျူလာၚ် (၉)

လ္ပာ်ဒပ်ကံၚ်ဇြဳပၞာန် ဂစိုတ်လဝ် ဒုဥက္ကဌ ဂအုပ်ဂကောံသမဂ္ဂကွးဘာ အလုံဍုၚ်ဗၟာ ခရိုၚ်ဗဂေါ ကိုဝ်ခလေန်နာၚ် မဒးဒုၚ်ဖျေံလဝ်ထံၚ် ပ္ဍဲထံၚ်စာတ် ကျာ်သကဝ် ပွိုၚ်ဍုၚ်ဒိုက်ဥူ၊ ရးဗဂေါဂှ်ရောၚ် လလောၚ်ပ္တိတ်လဝ်ပရိုၚ်ရ။

ဒပ်ကံၚ်ဇြဳပၞာန် ဂစိုတ်လဝ် ဒုဥက္ကဌ ဗ.က.သ ခရိုင်ဗဂေါရောင် လလောင်ပ္တိတ်
ဒပ်ကံၚ်ဇြဳပၞာန် ဂစိုတ်လဝ် ဒုဥက္ကဌ ဗ.က.သ ခရိုင်ဗဂေါရောင် လလောင်ပ္တိတ်

တုဲကၠုၚ် ပ္ဍဲဂိတုမေ (၂၈) တေံ ကြဴနူကော်ပ္တိတ်ဏာ ကောန်ထံၚ်ပရေၚ်ဍုၚ်ကွာန် (၄) တၠ သီုကဵုကိုဝ် ခလေန်နာၚ် နူကဵုထံၚ်ကျာ်သကဝ်တုဲဂှ် အဆက်ပိုတ်အာလဝ်တုဲ တုဲကၠုၚ်ပ္ဍဲဂိတုဂျူလာၚ် (၇) ဏံ ချိုတ်အာလဝ်ဂှ် သ္ပဒတန်မာန်လဝ်ရောၚ် သ္ဂးလဝ်ရ။

ကိုဝ်ခလေန်နာၚ်ဝွံ ဒးဒုၚ်ရပ်ဒက် ပ္ဍဲသၞာံ ၂၀၂၁ ပ္ဍဲဂိတုဒဳဇြေမ်ဗာတေံတုဲဂှ် ဒးဒုၚ်ဖျေံစၟတ်လဝ်ဒဏ်ထံၚ် (၁၅) သၞာံ နကဵုၝောံပိုဒ် ၅၁ ( ဂ) ၊ ၝောံပိုဒ် ၅၀ (ည) သၞောဝ်ဗ္တိုက်သ္အးပကီုပရာပ်တံရ။

စပ်ကဵုအကာဲအရာ ဒးဒုၚ်ဂစိုတ်ဂယိုၚ် ကဵုဒပ်ကံၚ်ဇြဳပၞာန်ဂှ်တုဲ နူကဵုသြၚ်လောန်တိုၚ်(မ်) ၜိုန်ရဆက် စၠောံလဝ် ဂအုပ်ဂကောံ ဗကသကီုလေဝ် ဟွံဂွံလဝ်အဆက်ရ။

အပ္ဍဲဂိတုတုဲကၠုၚ်တံဏံ ကော်ပ္တိတ်ကောန်ထံၚ်ပရေၚ်ဍုၚ်ကွာန်တံ မ္ၚးထံၚ်တုဲ ဟိုတ်နူကၠောန် သ္ပဍဵုဍိုက် ဒၟံၚ်ဂှ်ရ ဒးဂွိၚ်ဒၟံၚ် ကုအန္တရာယ်လမျီုရောၚ်ဂှ် ဂကောံကောန်ဇာတ် ကောန်ထံၚ်ပရေၚ်ဍုၚ်ကွာန်တံ ဟီုရ။

ကြဴနူဒပ်ပၞာန်သီအဝဵု ဍုၚ်ဗၟာတုဲဂှ် ကွးဘာ (၁၂၅) တၠ ဒးချိုတ်အာလဝ်တုဲ (၁၂၀၆) တၠ ဒးဒုၚ်ရပ်ဒက် လဝ်တုဲ ပ္ဍဲကဵုဏံ (၇၁၆) တၠဂှ် ဒဵုကဵုအခိၚ်လၟုဟ် ဒးရပ်ထိၚ်ဒၟံၚ်ဂှ် AAPP ထ္မံက်ထ္ၜးလဝ်ရ။

ပရိုၚ်−သြၚ်လောန်တိုၚ်(မ်)

ဗီု−ABSFU

Leave a Reply

Your email address will not be published. Required fields are marked *