က္ၜၚ်ကံက် – ဂျူလာၚ် (၁၃)
စပ်ကဵုလိက်ဒုၚ်ဂုဏ်အာတ်ပါန်အခေါၚ် သွက်ဂွံသ္ဂုတ်သွာတ်ကဵု က္ဍိုပ်သ္ကိုပ် ဗော် Move Forward ဖိတာ ဇၞးလဝ်ပေါဲရုဲမာဲ ပ္တိတ်လဝ်ဇြဟတ် သွက်ဂွံရိုဟ်ပလီုပလှ်ဖျေံ သၞောတ်စၟတ်သမ္တီလဝ် ဨကရာဇ် နဒဒှ်သ္ကိုပ်သ္ကကၟိန်ဍုၚ် နွံ/ဟၟဲဂှ်တုဲ ရုၚ်သၞောဝ်ဥပဒေသၞောဝ်သ္ဇိုၚ်ဒက်ပ္တန် ဒုၚ်ကၠုၚ်လဝ်တဲရ။
ရုၚ်သၞောဝ်ဓဝ်ဂှ် ပ္ဍဲပွိုၚ် (၁၅)တ္ၚဲ သွက်ညးဒးဒုၚ်စောတ်စောဲ ဂွံကၠုၚ်သောၚ်ကလးဂှ် ကဵုလဝ်အသံပၟိၚ်တုဲ ယဝ်ရဆဵုဂဗဒုဟ်ဒဏ် ပြာကတ်မ္ဂး ဗော်လေဝ်ဒးရုပ်သီတုဲ ဖိတာလေဝ် ဒးတာဒၞာနူပရေၚ်ဍုၚ်ကွာန်ဏောၚ်ဂှ် ဂွံတီကေတ်ရ။
ဂဗုတ်ရုၚ်သၞောဝ်ဓဝ်ကဵုကၠုၚ်သမ္တီ ဒုၚ်တဲစၟဳစၟတ်လၟုဟ်ဏံဂှ် စပ်ကဵုယှေဝ်ယာကမၠောန်မဳဒဳယာဖိတာတုဲ သွက်ဂွံဒေါံဒေၚ်ကဵု နူဒဒှ်ဌာနန္တရ ညးစၞးသ္ကိုပ်ဝန်ဇၞော်ဂှ် အခိၚ်တၚ်အာတ်မိက်ကဝ်မတဳရုဲစှ်သေံ အာတ်မိက်လဝ်တုဲဂှ် မံက်တိတ်ကၠုၚ်လဝ်ရ။
တ္ၚဲဏံ ဂိတုဂျူလာၚ် စၟတ်တ္ၚဲ (၁၂) အခိၚ်နူဂယးဂှ် ဂဗုတ်ဖိတာ ပရိုၚ်ရုၚ်သၞောဝ်ဓဝ်ရပ်စပ် မံက်တိတ်ကၠုၚ်ဂှ် ပြဟ်ဟ်ဏံ စၟဳစၟတ်အာ ဟွံသေၚ်ရဂှ် ဓမံက်လဝ် ပ္ဍဲပရိုၚ်ဂမၠိုၚ်ရ။
တံရိုဟ်တၚ်ဂၞၚ်ပရိုၚ်ရုၚ်သၞောဝ်ဓဝ်မွဲတၠဂှ်မ္ဂး ကိုပ်ကၠာနူဟွံဂွံစၟဳစၟတ်ဂဗုတ်ဏီ ဂဗုတ်တၟိဂှ် ကဝ်မတဳဒးစၟဳစၟတ်ဗွဲကိုပ်ကၠာတုဲ ပ္ဍဲကောံဓရီု ကြဴနူဂှ် ရုၚ်သၞောဝ်ဓဝ် စစၟဳစၟတ်မာန်ရဂှ် ဟီုသ္ဂးလဝ်ရ။
Ref: Thai Enquirer
sanlontai