ဗိုလ်ဇၞော်ကံၚ်ဇြဳပၞာန် အာကၠုၚ်ဒၟံၚ်ကဵုကယျိုၚ်ညးအရာပ် ပ္ဍဲကအ်ကြိက် (၁)တၠ PDF ရပ်ဂွံ

​ကအ်ကြိက် – အဝ်ဂါတ် (၃၁)

​တွဵုရးကရေၚ်၊ ပ္ဍဲပွိုၚ်ဍုၚ်ကအ်ကြိက် ရပ်ဂွံလဝ် ဗိုလ်ဇၞော်အထံက်ဒပ် သၟဝ်တဲကံၚ်ဇြဳပၞာန် တတ်ကၠောံအာကၠုၚ်ဒၟံၚ် နကယျိုၚ်ညးအရာပ် (၁)တၠရဂှ် Justice Soldier PDF လလောၚ်တြးလဝ် နကဵုစၟတ်တ္ၚဲ တ္ၚဲဏံရ။

ပ္ဍဲဂိတုအဝ်ဂါတ် စၟတ်တ္ၚဲ (၂၈)တုဲကၠုၚ်တေံ ဃောတတ်ကၠောံအာကၠုၚ်ဒၟံၚ် ပ္ဍဲတိဍာ်ထိၚ်ဒဝ် ကရောၚ်ပၞာန်ကျာဖျူဂှ် ဟိုတ်နူဒှ်သၠေံပၟာတုဲ အခိၚ်သၟာန်စၟဳစၟတ်ဂှ် ဟိုတ်နူဒှ်ဒၟံၚ်ဗိုလ်ဇၞော် ယျေဝ်မေန်ထောန်တုဲ ရပ်ကေတ်လဝ်ရဂှ် ဟီုသ္ဂးလဝ်ရ။

လ္ပာ်ဒပ်စဵုဒၞာညးဍုၚ်ကွာန်တအ်ဂှ် မၞိဟ်ရပ်ဂွံလဝ်လၟုဟ်ဏံ ဒှ်ဗိုလ်ဇၞော်ယျေဝ်မေန်ထောန် နူတံဒပ်ပၞာန်တိုက်ကံၚ်ဇြဳပၞာန် ဌာန်ဂအုပ်ဒပ်ပၞာန်ရးသၠုၚ်ကျာ စၟတ် (၃၅၀)တုဲ ညးဂှ် စှ်ေနူဘာအလံၚ်ဗိုလ် လၟေၚ် စ.သ.တ (၅၃)ရဂှ် ဓမံက်ထ္ၜးလဝ်ရ။

အခိၚ်လၟုဟ် ပြဟ်ဟ်ဏံဂှ်မ္ဂး ဗိုလ်ဇၞော်ကံၚ်ဇြဳပၞာန်ရပ်ဂွံလဝ်ဂှ် ဗီုပြၚ်လဵု ကေတ်အာအရေဝ်ရောဂှ် လလောၚ်တြးပ္တိတ်လဝ် ဟၟဲဏီရ။

ပ္ဍဲတွဵုရးကရေၚ် ပၠန်ဂတးရပ်လွဟ်ဇြဟတ်ခိုဟ်ဒၟံၚ်ဂှ် ကောန်ဒပ်ကံၚ်ဇြဳပၞာန်တအ် ဒးဒုၚ်ရပ်ဒၟံၚ် ခြာဟွံလအ်ဟွံလအ် နွံတုဲ ညးလုပ်ကၠုၚ်အပ်လွဟ် ဇရေၚ်ဒပ်စဵုဒၞာညညးဍုၚ်ကွာန်တအ် သီုလွဟ်လက်နက်လေဝ် နွံကၠုၚ်ဒၟံၚ်ရ။

ပရိုၚ် – သြၚ်လောန်တိုၚ်(မ်)

ဗီုရုပ် – Justice Soldier PDF