ဗေကျေန်၊ အံက်တဝ်ဗာ (၃၁)
ပရေၚ်ပံၚ်တောဲရေၚ်တၠုၚ် စပ်ကဵုပရေၚ်ပၞာန် ကုကၟိန်ဍုၚ်ပံၚ်ကောံအမေရိကာန်တံဂှ် သၠုၚ်ပ္တိုန်အာဏောၚ်ဂှ် က္ဍိုပ်သ္ကိုပ်ဒပ်ပၞာန်ကြုက် ကဆံၚ်ဒုတိယသၠုၚ်အိုတ် ဟီုဂးကၠုၚ် ပ္ဍဲဂိတုအံက်တဝ်ဗာ ၃၀ တေံရ။
ပ္ဍဲကဵုဗေကျေန် ဂျေန်ယှေန်ဝှဝ်ရာမ် မဒှ်ဒၟံၚ်ပေါဲကလုတ်တမာန်ပရေၚ်ပၞာန်ဇၞော်အိုတ် ဍုၚ်ကြုက် လေပ်ကၠောန်ဗဒှ်တဴလၟေၚ်သၞာံဂှ် ညးဟီုလဝ် သာ်ဏံရ။
ဒုတိယဥက္ကဌ ကမ္မယှေန်ပရေၚ်ပၞာန်ဗဟဵုကြုက်ဂှ် ဒုၚ်သ္ဇိုၚ်ကဵု ပရေၚ်ပံၚ်တောဲရေၚ်တၠုၚ် စှ်ေကဵုမဟာဗျူဟာ ကုရုယှာဂှ်တုဲ သၠုၚ်ပ္တိုန်အာ ပရေၚ်ပံၚ်တောဲရေၚ်တၠုၚ်ပရေၚ်ပၞာန်တံရောၚ်ဂှ် ဟီုဂးလဝ်ရ။
ဝန်ဇၞော်ကာစဵုဒၞါကြုက်တြေံ လဳယှာန်ဖူဂှ် စနူအခိၚ်အမေရိကာန် ကေတ်ဒုဟ်ကၟာတ်လဒဵုတုဲဂှ် ဂၠံၚ်တရဴပရေၚ်ဆက်စၠောံ စပ်ကဵုပရေၚ်ပၞာန် အမေရိကာန် ကေုာံ ကြုက်တံ လီုအာလဝ်ရောၚ် မဒှ်ရ။
ကြုက်ဝွံ ကြဴနူပလှ်ဖျေံ ဝန်ဇၞော်ကာစဵုဒၞါ လဳယှာန်ဖူ နူကဵုဌာနန္တရညးတုဲဂှ် ဒဵုကဵုအခိၚ်လၟုဟ် ထ္ပက်အဇာခါန်ကၞက်လဝ် ဒၞါဲဂှ်ဂှ် ဟွံမွဲဏီရ။
ပ္ဍဲကဵုဗေကျေန် ဂျေန်ယှေန်ဝှဝ်ရာမ်ဂှ် ဒုတိယဥက္ကဌ ကမ္မယှေန်ပရေၚ်ပၞာန်ဗဟဵုကြုက်ဂှ် ပ္ဍဲကဵုကိစ္စဟွံဒုၚ်ဒွံလုက် ညံၚ်ရဴထိုၚ်ဝါန်တံဂှ် နကဵုဍုၚ်သ္အာၚ်ဂမၠိုၚ် ပါလုပ်ဟွံထေက်ဂှ်ကဵု ထိုၚ်ဝါန်ဝွံ ဒှ်ဒတုဲဖဵုကြုက် အဓိကဂှ် မပ္တံသာ်ဏံ ဂလာန်မရန်ကဵု အမေရိကာန်တံဂှ်လေဝ် ဟီုဂးစုတ်လဝ်ကီုရ။
သွက်ဂွံတိုန်စိုပ် ပေါဲကလုတ်တမာန်ပရေၚ်ပၞာန် မကၠောန်ဗဒှ်ဒၟံၚ် ပ္ဍဲဍုၚ်ကြုက်ဂှ် နူကဵုဌာနကာစဵုဒၞါအမေရိကာန်ဂှ် ဗလးလဝ် ဂကောံညးစၞး နူကဵုသၟဝ်ပၠတရဴ ဒါရိုက်တာ စပ်ကဵုပရေၚ်ဍုၚ်ကြုက် သေန်တဳယျာယှာန်တဳကာရက်သ်ရ။
ဍုၚ်ပလိုတ်ဗွဲမဂၠိုၚ် သွက်ဂွံတိုန်စိုပ် ဝှဝ်ရာမ်ဏံဂှ် ကယျာန်ပါဲလဝ်တုဲ ဗလးလဝ် ဂကောံညးစၞးကဆံၚ်တၞဟ်ဟ်တံသၟးရတုဲ စွံဒၟံၚ်အာရီု ကုပေါဲသဳကၠဳယှာန်ဂရဳလာ စပ်ကဵုပရေၚ်ဂီုကၠီုဍုၚ်သ္အာၚ် မလေပ်ကၠောန်သ္ပတဴ လၟေၚ်သၞာံ ပ္ဍဲသေန်ကာပေါဝ်မွဲဓဝ်အိုတ်ဂှ် ဂွံတီကေတ်ရ။
Ref: Reuters
sanlontai