အၚ်ဝ – နဝ်ဝေမ်ဗာ (၁)
ပ္ဍဲပရေၚ်ချဳဒရာၚ်ပၞာန်တောၚ်တမာန်ဂှ် ရပ်ဂွံလဝ် မၞိဟ် (၇) တၠ ပါလုပ်သီုညးနွံကဆံၚ် သ္ကိုပ်ဗိုလ်ကံၚ်ဇြဳပၞာန် နတဲရဂှ် PDF – အၚ်ဝ လလောၚ်တြးလဝ် ပရိုၚ်ရ။
ပ္ဍဲပရေၚ်ချဳဒရာၚ်ပၞာန်တောၚ်တမာန် နူကဵုဂိတုအံက်တဝ်ဗာ စၟတ်တ္ၚဲ (၂၆) တုဲကၠုၚ်တေံ စဵုကဵုစၟတ်တ္ၚဲ (၃၀) ဂှ် ပါဲနူကောန်ဒပ်ကံၚ်ဇြဳပၞာန်တုဲ သီဂွံလဝ် သီုလွဟ်လက်နက်မကမ်တအ်ရ။
ပ္ဍဲကဵု မၞိဟ် PDF – အၚ်ဝ ရပ်ဂွံလဝ်တအ်ဂှ် ကောန်ဒပ်ပၞာန်မၚ်ပယျဵု ကဆံၚ်သ္ကိုပ်ဗိုလ် (၁)တၠ၊ ကဆံၚ်ဗိုလ်ဇၞော်(၁)တၠ၊ ကဆံၚ်ဒုဗိုလ် (၁)တၠ၊ ကဆံၚ် အကြာပ်ဒပ်ဇၞော် (၂)တၠ ပၞာန်ညးဍုၚ်ကွာန်(၂)တၠ သီဂွံလဝ် သီုကပေါတ်ဆက်စပ်တအ်ရဂှ် ဂွံတီကေတ်ရ။
မွဲကရောံကဵုပရေၚ်ချဳဒရာၚ်ပၞာန် ၁၀၂၇ ဂကောံမဟာမိတ်ကောဒေံသ္ကုတ်သၟဝ်ကျာ (၃) ဂကောံဓမံက်ဒၟံၚ်ရုပ်ရဴဂှ် PDF – အၚ်ဝ ချဳဒရာၚ်ဒၟံၚ်ပၞာန် တောၚ်တမာန်ရ။
ပ္ဍဲကဵုပေါဲဗတိုက် ဒှ်ဒၟံၚ်ပြဟ်ဟ်လၟုဟ်ဏံတအ်ဂှ် လ္ပာ်ကံၚ်ဇြဳပၞာန် ဟိုတ်နူဒးဂိဒၟံၚ်တုဲ ပရေၚ်ဇြဟတ်ဒပ်လေၚ်ဒိုက် ဒှ်ဒၟံၚ်အကာဲအရာပရေံပရေံရဂှ် ညးလ္ၚတ်ပါ်ပါဲတအ် သ္ၚဳဂၠိပ်လဝ်အိုတ်ရ။
PDF – အၚ်ဝဂှ် သွက်ဂွံဗတိုက်သရိုဟ်ကုတ်ဗပိုတ်ရိုဟ်ကၞက် တၠအဝဵုပၞာန်ကီု သီုသွက်ဖေတ်ဒရေဝ်ဒဳမဝ်ကရေဇြဳ ဆက်လုပ်အာပေါဲဗတိုက် ဟွံဂတးက္ဍိုပ်ရောၚ်ဂှ် ကဵုလဝ်သမ္တီရ။
ပရိုၚ် – သြၚ်လောန်တိုၚ်မ်
ဗီု – PDF – အၚ်ဝ
sanlontai