ပ္ဍဲပရေၚ်ချဳဒရာၚ်ပၞာန် ၁၀၂၇ ဂှ် သ္ဂံၚ် BPLA (၄) တၠ ပြဟ်လလုဲ

မတ်မလီု – နဝ်ဝေန်ဗာ (၂)

သ္ဂံၚ်ဒပ်ပၞာန်ဗၠးၜးညးဍုၚ်ကွာန်ဗမာ (BPLA) ပါလုပ်ပံၚ်တောဲဗတိုက်လဝ် ပ္ဍဲပရေၚ်ချဳဒရာၚ်ပၞာန် ၁၀၂၇ မွဲကရောံကဵု ဂကောံမဟာမိတ်ကောဒေံ ပိဂကောံ ဒးပြဟ်လလုဲလဝ် (၄) တၠတအ်ဂှ် သ္ပရှ်ေသှ်ေလဝ်အာဇာနဲတုဲ ပ္တိုန်လဝ်ဂုဏ်စရာဲ ပန်လဝ်လွဟ်ရဂှ် ရုၚ်ကောပ်ကာဲ လလောၚ်ပ္တိတ်လဝ် ပရိုၚ်ရ။

ကၠောန်ဗဒှ်လဝ် ပ္ဍဲဂိတုနဝ်ဝေမ်ဗာ စၟတ်တ္ၚဲ (၁) တ္ၚဲဏံတုဲ သ္ဂံၚ်ကောန်ဒပ်တအ်ဂှ် ရှ်ေသှ်ေလဝ် အလာံ BPLA ကီု၊ သ္ပရှ်ေသှ်ေလဝ် က္ဍိုပ်သ္ကိုပ်အာဇာနဲ ကေုာံသ္ဂံၚ် ပြဟ်လလုဲတအ်ကီု၊ ဗှ်ပၟိၚ်လဝ် လိက်လလောၚ်အသံပၟိၚ် သွက်သ္ဂံၚ်အာဇာနဲ (၄) တၠကီုရဂှ် ဟီုလဝ်ရ။

ခမရ – ၁၃ သၟဝ်တဲ ၝောံဒပ် – ၃၃ ဒပ်ကံၚ်ဇြဳပၞာန်ပၞာန် ဖျေံသ္ဇိုၚ်ရးသေတ်ဂါၚ် ကေုာံ ဒပ်ပၞာန်ဗမာ BPLA တအ်ဂှ် ဒှ်လဝ်ပေါဲဗတိုက် ပ္ဍဲတွဵုရးသေံသၟဝ်ကျာ ပ္ဍဲကဵုဂိတုအံက်တဝ်ဗာ စၟတ်တ္ၚဲ (၂၈) ပ္ဍဲမွဲဒၞာဲရ။

ပ္ဍဲကဵုပေါဲဗတိုက်ဂှ် ပါဲနူကောန်ဒပ်ကံၚ်ဇြဳပၞာန် ဒးချိုတ်လဝ် (၄၀) ပြၚ်တုဲ ရပ်ဂွံလဝ်ဂၠုဲပၞာန်ဂျိုၚ်ၚ် (၃) တၠ ပါလုပ် သီုဗိုလ်ဇၞော်နေလေန်အောၚ် မာန်ကီုလေဝ် သ္ဂံၚ် BPLA (၄) တၠ ဒးသၠးပူဇဴဏာလဝ်လမျီု သွက်ဍုၚ်ရဂှ် ကဵုလဝ်သမ္တီရ။

သ္ဂံၚ်ပြဟ်လလုဲအာလဝ်တအ်ဂှ် ဒှ်သ္ကိုပ်ဒပ်စြေက် ဌေကျဝ်(က)ဗျတ္တ၊ သ္ကိုပ်ဒပ်စြေက် ချေတ်သာန်မောၚ်(က) သောကြာ၊ ဒုသ္ကိုပ်ဒပ်စြေက် အောၚ်ပိုၚ်(က)ဇွဲမာန် ကေုာံ သ္ဂံၚ်ကိုဝ်နိုၚ်(က)တဝ်ဗိုလ်တအ်တုဲ ညးတအ်ဂှ် ဒှ်ညးဒေသဒဳပေဝ်ယေန်ရဂှ် ဓမံက်ထ္ၜးလဝ် ပ္ဍဲတၚ်လလောၚ်တြးရ။

ပရိုၚ် – သြၚ်လောန်တိုၚ်မ်

ဗီု – BPLA