ကဝ်က၊ နဝ်ဝေမ်ဗာ (၃)
ပ္ဍဲကဵုချဳဒရာၚ်ပၞာန် ၁၀၂၇ မဟာမိတ်ကောဒေံပိဂကောံ ဂွံ ၇ တ္ၚဲဂှ် ပ္ဍဲဂိတုနဝ်ဝေမ်ဗာ (၂) အခိၚ်နူဂယးပြဟ် ၆ နာဍဳဂှ် ဗ္တိုက်သီဂွံလဝ် ဗ္ဒိုပ်ဒပ်ကံၚ်ဇြဳပၞာန်ၜါဗ္ဒိုပ် မၞုံဒေသ(တုန်ရှမ်း) ခရိုၚ်ကဝ်ကဂှ် ကဝ်ကမဳဒဳယာ လလောၚ်ပ္တိတ်လဝ်ရ။
လ္ဂောံကဵုစၟတ်သမ္တီဗဳဒဳယော နူကဵုကဝ်ကမဳဒဳယာ မထ္မံက်ထ္ၜးလဝ် ပရိုၚ်ပရေၚ်ပၞာန် MNDAA မလလောၚ်ပ္တိတ်လဝ်ဂှ်မ္ဂး အပ္ဍဲဗ္ဒိုပ်မသီဂွံလဝ်တံဂှ် သီဂွံလဝ် လွဟ်လက်နက်မကမ်တံကဵု ကပေါတ်ပၞာန် ဗွဲမဂၠိုၚ်ဂၠေၚ် မဒှ်ရ။
ပ္ဍဲဂိတုနဝ်ဝေမ်ဗာ ၁ ဂှ်လေဝ် MNDAA ဗ္တိုက်သီဂွံလဝ် ဗ္ဒိုပ်ဒပ်ကံၚ်ဇြဳပၞာန် နူကဵုဒေသ (တုန်ရှမ်း) မာန်တုၚ်ပဂှ် ဗွဲမအံၚ်ဇၞးတုဲ အပ္ဍဲကဵုပေါဲဗ္တိုက်ဂှ် ဗ္တိုက်သၠေက်ဂွံလဝ် ကောန်ဒပ်ကံၚ်ဇြဳပၞာန်လ္ၚဵုတံတုဲ သီဂိုၚ်ဂွံလဝ် သီုကဵုကပေါတ်ပၞာန်လ္ၚဵုတံရ။
ဒပ်ပၞာန်တအာၚ် TNLA မပါလုပ်ဒၟံၚ် ပ္ဍဲချဳဒရာၚ်ပၞာန်ဂှ်လေဝ် တ္ၚဲဏံ နူဂယး ၜိုတ် ၆ နာဍဳဂှ် TNLA ကဵု ဂကောံဒပ်ပံၚ်ကောံ PDF မာန္တလေဝ်တံ အာစိုပ်ဗ္တိုက်လဝ် ကုဒပ်ကံၚ်ဇြဳပၞာန် မဖျေံဒၟံၚ်ဗ္ဒိုပ် အကြာကွာန်အုမ္မတဳကဵု ကွာန်ယှိုဲညံၚ်ပေန် ပွိုၚ်ဍုၚ်နံၚ်ချဵု ဒေသပၞာန် ဒပ်မဟာ ၂ ဂှ်ရောၚ် သ္ဂးရ။
နကဵုဂကောံမဟာမိတ်ကောဒေံပိဂကောံ MNDAA, TNLA ကေုာံ AA တံ အပ္ဍဲချဳဒရာၚ်ပၞာန် ၁၀၂၇ ပွိုၚ် ၅ တ္ၚဲဂှ် သီဂွံလဝ် ဗ္ဒိုပ်ဒပ်ကံၚ်ဇြဳပၞာန် ၈၇ ဗ္ဒိုပ်တုဲ ထိၚ်ဒက်လဝ် ချေန်ယှိုဲဟဝ်၊ ဖံၚ်သာၚ် ကေုာံ သိန္နီတံ ပေၚ်ၚ်ဂှ် လလောၚ်ပ္တိတ်လဝ် ပ္ဍဲဂိတုနဝ်ဝေမ်ဗာ (၁) တေံရ။
ပရိုၚ်−သြၚ်လောန်တိုၚ်(မ်)
ဗီု−The Kokang
sanlontai