ညးမၞုံသံသယ မဆက်စပ်ကဵု ပရေၚ်လီဠာန်သြန်လ္တူအောန်လာၚ် ၂၆ တၠဂှ် ဗၠာဲသၟိၚ်သေံ ရပ်ဒက်

ၜၚ်ကံက်၊ နဝ်ဝေမ်ဗာ (၂)

ကြဴနူဗျူရိုဝ်ဂၠိုက်ဂၠါဲစၟဳတ်ဗဟဵုဍုၚ်သေံ လုပ်စိုပ်ဍိုက်ဗ္တိုက် လ္တူဍုၚ်ၜၚ်ကံက် ၂၁ ဒၞါဲ ဍုၚ်သေံဂှ်တုဲဂှ် ရပ်ဂွံလဝ် မၞိဟ်မဆက်စပ်ဒၟံၚ်ကဵု ပရေၚ်လီဠာန်သြန်အောန်လာၚ် ၂၆ တၠရောၚ်ဂှ် ဂွံတီကေတ်ရ။

ပ္ဍဲကဵုညးဒးဒုၚ်ရပ်ဂမၠိုၚ် ကောန်ဍုၚ်ကြုက်တံလေဝ် ပါလုပ်လဝ်တုဲ သြန် Crypto ၚုဟ်မးမၞုံ ၂၈ ပြကောဋိကိုဋ်ၝာတ်၊ မလှုဲ မွဲကိုဋ်ၝာတ်၊ လိက်အုပ်ဗာန် ၂၃ အုပ်၊ သေဝ်ဖုၚ် ၂၁ မ ကေုာံ သေမ်ကာဒ် ၂၉ ကာဒ်တံသၟးဟွံက ကပေါတ်ဆက်စပ်တၞဟ်ဟ်တံလေဝ် ပါလုပ်လဝ်ရ။

ဂိုဏ်လီဠာန်လ္တူအောန်လာၚ်ဏံဂှ်ဝွံ ပံက်လဝ်ဆေၚ်ထဝ် နကဵုယၟု Aurora တုဲ အိက်သြန်လေဝ်ဂၠိုၚ်တုဲ ကလေၚ်ဂွံပြဟ်ဟ်မာန်ရောၚ် ကဵုလဝ်ကတိရ။

သ္အာၚ်နူဂှ်ပၠန် လီဠာန်လဝ် မၞိဟ်ဗွဲမဂၠိုၚ်ဂၠေၚ် ဒဒှ်ရကၠောန်သ္ပဓလိုက်တမ်ရိုဟ်ထဝ်မာန်ဂှ်ဂှ် ပရိုၚ်တမ်ရိုဟ် မစုက်လုက်ကဵု ဗျူရိုဝ်ဂၠိုက်ဂၠါဲစၟဳတ်ဗဟဵုဍုၚ်သေံ ဟီုဂးလဝ်ရ။

မၞိဟ်ဂမၠိုၚ် သွက်ဂွံသာတုဲ ဓလိုက်တမ်ရိုဟ်မာန် ပြဟ်ဟ်ဏံဂှ် ကဵုလဝ်ပရဲပရာပ္တောံတံတုဲ ဗွဲကြဴဏံ အခိၚ်ကလေၚ်ကေတ် သြန်တမ်ဇကုတံဂှ် အခက်အခုဲတံ နွံကၠုၚ်တၟာဂလိုၚ် မဒှ်ရ။

ၚုဟ်မးကပေါတ် မသီဂွံလဝ် အပ္ဍဲပရေၚ်ရပ်စပ်ဂွံဂှ် ပါလုပ်သီုကဵုသြန်မဂေတ်ဂြိပ်ဒၟံၚ် အပ္ဍဲအကံက်ဗာန်တံဂှ် ၚုဟ်မးသြန် ဗ္ဒါဲ ၁ ဒဿမ ၂ ပြကောဋိကိုဋ် နွံဏောၚ်ဂှ် ဗျူရိုဝ်ဂၠိုက်ဂၠါဲစၟဳတ်ဍုၚ်သေံ ဟီုဂးလဝ်ရ။

Ref: Thai PBS World