ဂဂဝ်၊ နဝ်ဝေမ်ဗာ(၄)
ရးဒေသဇၞော်မဂွေ၊ ဗဒိုပ်ဗၠာဲသၟိၚ်မေန်ယွာ ခရိုၚ်ဂဂဝ်ဂှ် ဒပ်ပံၚ်ကောံစဵုဒၞာတအ် သီဂွံလဝ်တုဲ ရပ်ဂွံလဝ် ကောန်ဒပ်ကံၚ်ဇြဳပၞာန် (၁၀)တၠ ဂျိုၚ်ၚ်ရဂှ် ABSD Column 3 သ္ပလဝ်ဒ္တန်ကဵု ဌာန်ပရိုၚ်သြၚ်လောန်တိုၚ်မ်ရ။
ဗဒိုပ်ဗၠာဲသၟိၚ်မေန်ယွာ ကောန်ဒပ်ဗၠာဲသၟိၚ် ဗ္ဒာဲ (၅၀) တၠ ဖျေံဗဒိုပ်မံၚ်ဒၟံၚ်ဂှ် ပ္ဍဲဂိတုနဝ်ဝေမ်ဗာ စၟတ်တ္ၚဲ (၃) အခိၚ်နူဂယးပြဟ်ဂှ် စလုပ်ဗတိုက်လဝ်တုဲ အခိၚ်ၜိုတ် ၉ နာဍဳကဝက်နူဂယးဂှ် သီကေတ်မာန်လဝ်ရ။
ပ္ဍဲပေါဲဗတိုက် သီဗဒိုပ်ဏံ လ္ပာ်ကံၚ်ဇြဳပၞာန် ပါလုပ်သီုဒုသ္ကိုပ်ဗၠာဲသၟိၚ် အေမေန်သိုဝ် ဒးချိုတ်လဝ် ဗ္ဒာဲ (၂၀) တၠတုဲ ဂြိပ်တိတ်ဗၠးအာလဝ် (၇) တၠရဂှ် ညးတာလျိုၚ်လလောၚ်ပရိုၚ် ABSD Column 3 သ္ဂံၚ်ပျိဖျိုဝ်ကျဝ် ဟီုလဝ်ရ။
ပ္ဍဲပေါဲဗတိုက်သီဗဒိုပ်ဂှ် လွဟ်လက်နက်နူကံၚ်ဇြဳပၞာန် ဂကူစုၚ် ၃၀ ဒကိုအ်ပြၚ်ကီု သီုကဵုလွဟ်ဇၞော် ၆၀ – မမတအ်လေဝ် သီဂွံလဝ်ရဂှ် ဂွံတီကေတ်ရ။
ပေါဲဗတိုကတ်သီဗဒိုပ်ဏံ တံဒပ်ခရိုၚ်ဂဂဝ် ၁၊၇၊၁၁၊၁၂၊၁၄၊၁၉ ကေုာံ ABSDF ဒေသယျဝ်ကီု သီုဂကောံပ ပ.က.ဖ အရာပ်ကွာန်တအ် ပံၚ်တောဲဗတိုက်လဝ်ရ။
မွဲကရောံကဵု ဗဒိုပ်ဗၠာဲသၟိၚ်မေန်ယွာဂှ် ဗဒိုပ်ကံၚ်ဇြဳပၞာန် မၞုံပွိုၚ်ဍုၚ်ကလေဝ် ဆက်စပ်ဒၟံၚ်ကဵုတိဍာ်ဂှ် ဒပ်ပံၚ်ကောံတအ် ဗတိုက်ဒၟံၚ်မွဲစွံတုဲ တ္ၚဲဂှ် မွဲတ္ၚဲဓဝ် သီဂွံလဝ်ဗဒိုပ် (၄) ဗဒိုပ်ရဂှ် ဂွံတီကေတ်ရ။
ပရိုၚ် – သြၚ်လောန်တိုၚ်မ်
ဗီု -CJ
sanlontai