ပ္ဍဲဒေသယျဝ် ကၠောန်သ္ပချဳဒရာၚ်ဒၟံၚ် ပေါဲဗတိုက်သီဗဒိုပ်

ဂဂဝ် – နဝ်ဝေမ်ဗာ(၄)

စသီကေတ်ဒၟံၚ် ဗဒိုပ်ကံၚ်ဇြဳပၞာန် ပ္ဍဲခရိုၚ်ဂဂဝ် ရးဒေသမဂွေတအ်ရဂှ် ဂကောံဇြဟတ်ပၠန်ဂတးစဵုဒၞာတအ် ဟီုသ္ပလဝ်ဒ္တန်ကဵု ဌာန်ပရိုၚ် သြၚ်လောန်တိုၚ်မ်ရ။

တ္ၚဲဏံ သ္ပတံနူဂိတုနဝ်ဝေမ်ဗာ စၟတ်တ္ၚဲ (၃) အခိၚ်နူဂယးတုဲ ကၠောန်ချဳဒရာၚ်ဒၟံၚ် ပေါဲဗတိုက်သီဗဒိုပ်တုဲ အခိၚ်လၟုဟ်ဏံ သီဂွံလဝ် ဗဒိုပ်ကံၚ်ဇြဳပၞာန် ၜါဗဒိုပ်မာန်လဝ်ရဂှ် ဟီုလဝ်ရ။

ပ္ဍဲကဵုလ္ပာ်ကလေဝ်၊ တမူ ရးသေတ်ဂါၚ် ဆက်စပ်ဒၟံၚ်ကဵု ဂဂဝ်ဂှ်လေဝ် ဗတိုက်ဒၟံၚ်ဗဒိုပ်ကံၚ်ဇြဳပၞာန်တအ် ပ္ဍဲမွဲအခိၚ်ဓဝ်ရဂှ် ဂွံတီကေတ်တုဲ သီဂွံလဝ် ဗဒိုပ်လ္ၚဵုတအ်ရဂှ် ဂွံတီကေတ်ရ။

“ဗဒိုပ်ကွာန်မျောက်ဇြဳဂှ်လေဝ် ဂွံလဝ်ယျ၊ ဗဒိုပ်မေန်ယွာလေဝ် ဂွံလဝ်၊ လၟုဟ်ကၠုၚ်ပန်ဒၟံၚ်ကဵု က္ၜၚ်ကျာရ။ သွက်ဂွံတီကၠးဂှ် ဝါတ်မံၚ်ဏီ။ ဗဒိုပ်လ္ပာ်ကလေဝ်တအ်ဂှ်လေဝ် ဂွံလဝ်ယျ ဟီုရ။ ဂွံလဝ်ၜါဗဒိုပ်လ္ပာ်လ္တူယျ ဂွံတီလဝ်ရ”ဂှ် ကောန်ဒပ်စဵုဒၞာမွဲတၠဂှ် ဟီုရ။

သီဂွံလဝ် ဗဒိုပ်ဗၠာဲသၟိၚ်မျောက်ဇြဳ၊ ဗဒိုပ်ဗၠာဲသၟိၚ်မေန်ယွာ၊ ဗ္ဒာဲကွာန်ပျူဟံသာဝတဳ ပွိုၚ်ဍုၚ်ဂဂဝ်ကဵု ဗဒိုပ်ကံၚ်ဇြဳပၞာန်ခါမ်ပါတ်တအ်ရဂှ် ၜိုန်ပရိုၚ်တိတ်ဒၟံၚ်ကီုလေဝ် နကဵုသြၚ်လောန်တိုၚ်မ် သ္ပဒ္တန်တၞဟ်ခြာဟွံမာန်ဏီရ။

ပေါဲဗတိုက်သီဗဒိုပ်တအ်ဂှ် ဒပ် ABSDF၊ PDF တအ်ကဵု ဒပ်စဵုဒၞာဒေသတအ် ပံၚ်တောဲဗတိုက်လဝ်ရဂှ် ဂွံတီကေတ်ရ။

ကွာန်ပျူသဝ်ထဳ ပ္ဍဲကဵုဂဂဝ်ကဵု ဗဒိုပ်ဗၠာဲသၟိၚ်ကံၚ်ဇြဳပၞာန်၊ ဗဒိုပ်ပၞာန်တအ်ဂှ် ဒပ်စဵုဒၞာတအ်ကၟာတ်ဒၞာလဝ် လအ်ဒၟံၚ် ဒ္စာံဂိတုပြၚ်ဒၟံၚ်တုဲ ပ္ဍဲဂိတုနဝ်ဝေမ်ဗာ စၟတ်တ္ၚဲ (၃) ဂှ်မ္ဂး စကၠောန်ဗဒှ်ဒၟံၚ် ပေါဲဗတိုက်သီဗဒိုပ်ရ။

ပရိုၚ် – သြၚ်လောန်တိုၚ်မ်

ဗီု – ABSDF

လိက်စၞောန်ဗီု – ဗီုဃောသ္ဂံၚ် ABSDF တအ် ပလေဝ်ပလေတ်ဒၟံၚ် သွက်ဂွံတိတ်ပၞာန်