မေန်တာတ်၊ နဝ်ဝေမ်ဗာ (၅)
ပ္ဍဲတွဵုရးချေၚ်၊ ပွိုၚ်ဍုၚ်မေန်တာတ်ဂှ် က္တဵုဒှ်ပေါဲဗ္တိုက်ဟွံမွဲမွဲသာ် ဒပ်ကံၚ်ဇြဳပၞာန် ကၠောန်သ္ပဗ္တိုက် ထောံလဝ်မခတိုဟ် နကဵုက္ၜၚ်ကျာဂှ် မေန်တာတ် CDF လလောၚ်ပ္တိတ်လဝ်ပရိုၚ်ရ။
ပ္ဍဲဂိတုနဝ်ဝေမ်ဗာ ၄ အခိၚ်နူဂယးဂှ် ဂၠံၚ်ဍာန်ညးဍုၚ်ကွာန်တံ မအာကၠုၚ်ဒၟံၚ် အကြာဗ္ဒိုပ်ပါန်ကဵု ၁၆ မိုၚ် ပွိုၚ်ဍုၚ်မေန်တာတ်ဂှ် ဗ္တိုက်ဂြာတ်လဝ်မခတိုဟ် ၂ ဝါတုဲ ပ္ဍဲပရေၚ်ဗ္တိုက်ဏံဂှ် သုၚ်စောဲလဝ် မခတိုဟ် ၆ မရ။
မ္ၚးနူကဵုပရေၚ်ဗ္တိုက်တရဴကျာဂှ် လ္ပာ်ခလရ မေန်တာတ် − ၂၇၄ ဂှ်လေဝ် ပန်ပှော်ဗ္တိုက်လဝ် နကဵုလွဟ်ဇၞော် ၅ ဝါရောၚ် ထ္မံက်ထ္ၜးလဝ် ပ္ဍဲတၚ်လလောၚ်တြးဂှ်ရ။
စပ်ကဵုပရေၚ်ဗ္တိုက်ကံၚ်ဇြဳပၞာန် သာ်ဏံတုဲ ကဵုလဝ်သမ္တီ အကာဲအရာပရေၚ်လီုလာ်ဇီုကပိုက် ဗွဲလစှ်ေေဂှ် ဟွံမွဲရ။
ဗီုဓာတ်− CDF-Mindat
sanlontai