MNDAA ထပ်သီ ဗ္ဒိုပ်ဒပ်ကံၚ်ဇြဳပၞာန် ၃ ဗ္ဒိုပ် မၞုံဒေသတုၚ်ယှာန် ကဝ်က

ကဝ်က၊ နဝ်ဝေမ်ဗာ (၅)

ပ္ဍဲဂိတုနဝ်ဝေမ်ဗာ ၄ အခိၚ်နူဂယးဂှ် ထပ်သီဂွံလဝ် ဗ္ဒိုပ်ဒပ်ကံၚ်ဇြဳပၞာန် ၃ ဗ္ဒိုပ် မၞုံဒေသတုၚ်ယှာန် ကဝ်က သ္ကုတ်သၟဝ်ကျာတွဵုရးသေံဂှ်ရောၚ်ဂှ် နူကဵုမဳဒဳယျာ ဂကောံကဝ်က MNDAA လလောၚ်ပ္တိတ်လဝ်ရ။

ဗ္ဒိုပ်ဒပ်ကံၚ်ဇြဳပၞာန်ဏံ ၃ ဗ္ဒိုပ်ဂှ် တ္ၚဲဏံ အခိၚ်နူဂယး ၜိုတ် ၁၀ နာဍဳဂှ် ဂကောံကဝ်က MNDAA တံ ဗ္တိုက်သီဂွံလဝ်ဂှ် လလောၚ်ပ္တိတ်ကၠုၚ် ကရောံဝဳဒဳယောသ္ကုတ်တ်ဂမၠိုၚ်ရ။

ဆ္ဂး ဗ္ဒိုပ်ဒပ်ကံၚ်ဇြဳပၞာန် မဗ္တိုက်သီလဝ်ဂှ်ဝွံ ဒှ်ဗ္ဒိုပ်လဵုရောဟီုဂှ် MNDAA ကဵုလဝ်သမ္တီမွဲမွဲသာ် ဟွံမွဲဏီရ။

ဂကောံကဝ်ကဝွံ တုဲကၠုၚ် ပ္ဍဲဂိတုနဝ်ဝေမ်ဗာ ၃ တေံဂှ်လေဝ် ဗ္တိုက်သီဂွံလဝ် ဗ္ဒိုပ်ဒပ်ကံၚ်ဇြဳပၞာန်ဂမၠိုၚ် ဗ္ဒိုပ်ချံၚ်ပါကျိုက်၊ ဗ္ဒိုပ်ဝါန်နေန်ကျောန်၊ ဗ္ဒိုပ်ယှဳမုၚ်ခိုၚ်သာန် ကေုာံ ဗ္ဒိုပ်ဒပ် (ကျန်ကြားလယ်ကွၚ်း) တံဂှ်ဏီရ။

တ္ၚဲဏံ အခိၚ်နူဂယးပြဟ်ဂှ်လေဝ် ဗ္တိုက်သီဂွံလဝ် ဗ္ဒိုပ်ဒပ်ကံၚ်ဇြဳပၞာန် ၄ ဗ္ဒိုပ်ဂှ် TNLA လလောၚ်ပ္တိတ်လဝ်ရ။

အပ္ဍဲ “ချဳဒရာၚ်ပၞာန် ၁၀၂၇” စဂွံလဝ် ပွိုၚ် ၈ တ္ၚဲဂှ် ဂကောံမဟာမိတ်ကောဒေံ ပိဂကောံဝွံ သီဂွံလဝ် ဗ္ဒိုပ်ဒပ်ကံၚ်ဇြဳပၞာန် ဟွံအောန်နူကဵု ၁၀၀ ဗ္ဒိုပ်ဂှ် ဂွံတီကေတ်ရ။

ပရိုၚ်−သြၚ်လောန်တိုၚ်(မ်)

ဗီု−The Kokang