ကဝ်လေန် – နဝ်ဝေမ်ဗာ (၇)
ရးသေတ်ဂါၚ်၊ ကြဴနူသီကေတ်လဝ် ဍုၚ်ကဝ်လေန်တုဲ အလဵုအသဳညဳသၟဟ်ကောန်ဂကူ၊ ပ္တိုန်လဝ်အလာံပၠန်ဂတးညးဍုၚ်ကွာန်ရဂှ် ဌာနဝန်ဇၞော်ပရေၚ်စဵုဒၞာ NUG လလောၚ်တြးလဝ် ပရိုၚ်ရ။
ပ္ဍဲဂိတုနဝ်ဝေမ်ဗာ စၟတ်တ္ၚဲ (၃) တုဲကၠုၚ်တေံ ဂကောံဇြဟတ်ပၠန်ဂတးတအ် စချဳဒရာၚ်ကၠုၚ်လဝ် ပေါဲဗတိုက်သီဗဒိုပ်တုဲ ပ္ဍဲကဵုတ္ၚဲမရနုက်ကဵု (၄) တ္ၚဲဏံဂှ်မ္ဂး သီဂွံလဝ် သီုအလုံဍုၚ်မွဲမာန်လဝ်ရ။
ဗဒိုပ်ဗၠာဲသၟိၚ် ကဝ်လေန်၊ ရုၚ်အုပ်ဓုပ်၊ ဘာတန်သၠုၚ်၊ ရုၚ်စရၚ်တိ၊ တိုက်သြန်မျာန်မဇြဳပွာယျေ ဒၞာဲကောန်ဒပ်ကံၚ်ဇြဳပၞာန် ဖျေံလဝ်ဗဒိုပ်တအ်ဂှ် ဗတိုက်သီဂွံလဝ် ဗွဲမအံၚ်ဇၞးမာန်တုဲဂှ် ယန္တရာပရေၚ်အုပ်ဓုပ်ကံၚ်ဇြဳပၞာန် ဒးဒေါံဒေၚ်အာလဝ်ရဂှ် NUG ကဵုလဝ်သမ္တီရ။
ပ္ဍဲမွဲကာလဒပ်ပၞာန်သီအဝဵု ပွိုၚ်ၜါသၞာံပြၚ်ဏံ ဒပ်စဵုဒၞာညးဍုၚ်ကွာန် PDF သၟဝ်တဲ NUG တအ်ဂှ် သီဂွံလဝ် ဍုၚ်မၞုံကဆံၚ်ခရိုၚ် ကံၚ်ဇြဳပၞာန်မွဲဍုၚ် အလန်ပထမ ကိုပ်ကၠာအိုတ်ရ။
ပရိုၚ် – သြၚ်လောန်တိုၚ်မ်
ဗီု – MOD
sanlontai