မတ်မလီု – နဝ်ဝေမ်ဗာ (၇)
ညးတာလျိုၚ်အလဵုအသဳညဳသၟဟ်ကောန်ဂကူ ကဵု သ္ကိုပ်ဍုၚ်ကနေဒါမရနုက်ကဵု ၂၆ အဆက် Right Honourable Adrienne Clarkson ကီု သီုဥက္ကဋ္ဌ ဂကောံ PEN International ၊ John Ralston Saul မဒှ်ညးမပံၚ်တောဲဒက်ပ္တန်ကီု သီုဒှ်ဖက်ဆောဥက္ကဋ္ဌ အေန်သတဳဂျုတ်ကေၚ်ကာကောန်ဍုၚ်ကနေဒါ (Institute for Canadian Citizenship) တအ် ဆဵုဂဗလဝ်ညးသ္ကအ်ရဂှ် NUG လလောၚ်တြးလဝ် ပရိုၚ်ရ။
ဆဵုဂဗလဝ်ညးသ္ကအ် ပ္ဍဲဂိတုနဝ်ဝေမ်ဗာစၟတ်တ္ၚဲ (၂) တုဲကၠုၚ်တေံတုဲ ပ္ဍဲကဵုပေါဲဆဵုဂဗဏံ ဒုတိယဝန်ဇၞော် ဥူအောၚ်ကျဝ်မိုဝ် နူဌာနဝန်ဇၞော်အခေါၚ်အရာမၞိဟ် ကေုာံ ဥူကျဝ်ဇြဝ် ညးကဵုကသပ် သီုဒှ်မၞုံအခေါၚ်ဟီုဂး သမ္မတတအ် တိုန်စိုပ်လဝ်ရ။
ပ္ဍဲပေါဲဆဵုဂဗဂှ် ပါဲနူအကာဲအရာပရေၚ်က္တဵုဒှ်တဴတက်ဒၟံၚ် ပ္ဍဲကၟိန်ဍုၚ်ဗၟာလၟုဟ်တုဲ သဳကၠဳလဝ် ပရောကိစ္စရိုဝ်ဟေန်ဂျာ သီုကိစ္စဖေတ်ဒရေဝ်ဒဳမဝ်ကရေဇြဳရဂှ် ဂွံတီကေတ်ရ။
စပ်ကဵုထံက်ဂလာန်ကဵုဇြဟတ် ပ္ဍဲလ္တူပရေၚ်ကၟိန်ဍုၚ်ဗၟာ ရုန်ဂစာန်ပ္တိတ်ဒၟံၚ်ဇြဟတ် ပရေၚ်ဒက်ပ္တန်ဖေတ်ဒရေဝ်ဒဳမဝ်ကရေဇြဳဂှ်တုဲ ညးတာလျိုၚ် NUG တအ် ဟီုလဝ်ဂလာန်တၚ်ဂုဏ် ကုသ္ကိုပ်ဍုၚ်ကနေဒါရ။
ပရိုၚ် – သြၚ်လောန်တိုမ်
ဗီု – NUG
sanlontai