ကဝ်လေန် – နဝ်ဝေမ်ဗာ (၈)
ဗီုဂွံဆဵုညာတ်ကေတ် ဍုၚ်ကဝ်လေန် ဒပ်အလဵုအသဳညဳသၟဟ်ကောန်ဂကူ NUG သီဂွံလဝ် ပြဟ်ဟ်ဏံဂှ် ဂကောံဇြဟတ်ပၠန်ဂတးတအ် လလောၚ်ပ္တိတ်လဝ်ရ။
အတိုၚ်အကာဲအရာပၞာန်အခိၚ်လၟုဟ်ဏံတုဲ ဟွံကဵုလဝ်အခေါၚ်ညးဍုၚ်ကွာန်တအ် က္လေၚ်မံၚ်ပ္ဍဲဍုၚ်ဏီတုဲ ပ.အ.ဖ ကဵု ပ.က.ဖ မၞုံပ္ဍဲပွိုၚ်ဍုၚ်တအ် မၚ်မွဲရံၚ်စံၚ်ကဵုလဝ်ရဂှ် ဂွံတီကေတ်ရ။
ပ္ဍဲပေါဲဗတိုက်သီဍုၚ်ဂှ် ဟိုတ်နူဟောၚ်ဝှေတ်ဇြာ တံဒပ်ကံၚ်ဇြဳပၞာန် ဝေါန်တိုဝ် ၁၂၀ ပန်ဖျေံလဝ်ကီု သီုကဵုဗတိုက်ပန်လဝ် ကဵုက္ၜၚ်ကျာတုဲ ပရေၚ်ညးဍုၚ်ကွာန်တအ် ဇီုကပိုက်ဒးချိုတ် ဒးလီုလာ်လဝ်လေဝ် နွံဒၟံၚ်ရဂှ် ဓမံက်ထ္ၜးလဝ် ပ္ဍဲတၚ်လလောၚ်တြးဂှ်ရ။
သ္အာၚ်နူဂှ်ပၠန် ညးပါဲဘဲပၞာန် ၜိုတ် ၅၀၀၀၀ ဂှ်လေဝ် ဂကောံ ပ.အ.ဖ ပွိုၚ်ဍုၚ် မၚ်မွဲကဵုလဝ်ရဂှ် ဟီုလဝ်တုဲ ဟိုတ်နူကၟာတ်လဝ် ဂၠံၚ်ဆက်စၠောံတုဲ နွံဒၟံၚ်ပၟိက် ကၠေၚ်ဍေန်၊ ကၠေၚ်စ၊ ဂဥုဲဇဗ၊ ယာတ်လ္တက် ကေုာံ ကပေါတ်ဗၞိက်စၞစသ္ဇိုၚ်တအ်ရဂှ် ကဵုလဝ်သမ္တီရ။
ပေါဲဗတိုက်သီဍုၚ် စဗတိုက်လဝ် နူကဵုဂိတုနဝ်ဝေမ်ဗာ စၟတ်တ္ၚဲ (၃) တေံဂှ် ပ္ဍဲကဵုဂိတုနဝ်ဝေမ်ဗာ စၟတ်တ္ၚဲ (၆)ဏံဂှ်မ္ဂး သီထိၚ်ဒဝ်ဂွံလဝ် သီုအလုံပွိုၚ်ဍုၚ်ကဝ်လေန်မွဲ မာန်လဝ်ရ။
ပရိုၚ် – သြၚ်လောန်တိုၚ်မ်
ဗီု – KR-Teams
sanlontai