က္ၜၚ်ပၞာန် ခက်ဒၟံၚ်သြၚ်ဗ္တဳ ပ္ဍဲသ္ကဲၜဳချေန်တွောန် ၜါဖ္ဍိုက် ဒးဒုၚ်ဗတိုက်သီကေတ်လဝ်

ကနဳ၊ နဝ်ဝေမ်ဗာ (၈)

ရးဒေသသေတ်ဂါၚ်၊ ဗတိုက်သီဂွံလဝ် က္ၜၚ်ထံၚ်ပလံၚ်ကံၚ်ဇြဳပၞာန် ခက်ဒၟံၚ်သြၚ်ဗ္တဳ ပ္ဍဲသ္ကဲၜဳချေန်တွောန် ၜါဖ္ဍိုက်ရဂှ် KLG-PDF ကျောက်လုမ်ကျဳ လလောၚ်တြးပ္တိတ်လဝ်ပရိုၚ်ရ။ 

က္ၜၚ်ထံက်ပလံၚ်ကံၚ်ဇြဳပၞာန်ၜါဖ္ဍိုက်ဂှ် ပ္ဍဲဂိတုနဝ်ဝေမ်ဗာ စၟတ်တ္ၚဲ (၆) တုဲကၠုၚ်တေံ ပ္ဍဲအခိၚ်ဗ္တံၜိုတ် ၁၀ နာဍဳဂှ် ဒပ်စဵုဒၞာဒေသတအ် ဗတိုက်သီကေတ်လဝ်ရ။ 

ဟိုတ်နူဗတိုက်လဝ်တုဲ ပေါဲဗတိုက်ၜါလ္ပာ်ဒှ်လဝ် လအ်ပွိုၚ်မွဲနာဍဳတုဲဂှ် သီကေတ်လဝ် က္ၜၚ်ထံက်ပလံၚ်ကံၚ်ဇြဳပၞာန် ၜါဖ္ဍိုက်မာန်လဝ်ရဂှ် ဓမံက်ထ္ၜးလဝ် ပ္ဍဲတၚ်လလောၚ်ရ။ 

ပ္ဍဲပေါဲဗတိုက်ဏံ စပ်ကဵုပရေၚ်ကောန်ဒပ်ကံၚ်ဇြဳပၞာန်တအ် ဇီုကပိုက် ဒးချိုတ်လဝ်ကီု ကပေါတ်ကညောတ် သီဂွံလဝ်တအ်ကီုတုဲ KLG-PDF ကျောက်လုမ်ကျဳ ပ္တိတ်လဝ်တၚ်လလောၚ်တြး မမိက်ကဵုမွဲမွဲ ဟၟဲဏီရ။ 

ဆ္ဂးပ္ဍဲပရေၚ်ဗတိုက်လဝ် က္ၜၚ်ထံက်ပလံၚ်ကံၚ်ဇြဳပၞာန်ၜါဖ္ဍိုက်ဂှ် သ္ဂံၚ်ပၠန်ဂတးတအ် ဇီုကပိုက်ဒးလဝ်ဟၟဲရဂှ် ဟီုလဝ်ရ။ 

ပရေၚ်ချဳုရာၚ်ပၞာန်ဏံဂှ် ခရိုၚ်ယေန်မာပေန် တံဒပ် 21/22/23၊ KLG PDF ကေုာံ ဒပ်မဟာခရိုၚ်ယေန်မာပေန်၊ BLDF ကီု သီုဒပ်စဵုဒၞာညးဍုၚ်ကွာန်ဒေသတအ် ပံၚ်တောဲဗတိုက်လဝ်ရဂှ် ဂွံတီကေတ်ရ။ 

ပရိုၚ် – သြၚ်လောန်တိုၚ်မ်

ဗီု – KLG-PDF