ကွဳစက်ခြပ် ကၠုၚ်ကဵုပၞာန်ရီု ပ္ဍဲဍုၚ်နံၚ်ၛော (၃) ဖ္ဍိုက်ဒးဒုၚ်ဗတိုက်လဝ်

နံၚ်ၛော၊ နဝ်ဝေမ်ဗာ (၁၀)

တွဵုရးသေံသၟဝ်ကျာ၊ ကွဳစက်ခြပ် ကၠုၚ်ကဵုပၞာန်ရီု ပ္ဍဲပွိုၚ်ဍုၚ်နံၚ်ၛော (၃) ဖ္ဍိုက်ဂှ် TNLA ကဵု MDY PDF တအ် ပံၚ်တောဲဗတိုက်လဝ်ရဂှ် TNLA လလောၚ်တြးလဝ် ပရိုၚ်ရ။

တ္ၚဲတုဲကၠုၚ်တေံ အခိၚ်နူဂယးၜိုတ် (၉) နာဍဳကဝက်ဂှ် ဒပ်ကံၚ်ဇြဳပၞာန် ကၠုၚ်ကဵုပၞာန်ရီု ပ္ဍဲဗ္ဒာဲကွာန်အုမ္မခါဂှ် ဒပ်ပံၚ်ကောံ ဒပ်ပၞာန်တအာၚ် PSLF/TNLA ကေုာံ MDY PDF တအ် ဗတိုက်လဝ်ဂှ် ပန်ပလီုလဝ် ကွဳစက်ခြပ်ပသဲ (၁) မာန်လဝ်ရဂှ် ဓမံက်လဝ် ပ္ဍဲတၚ်လလောၚ်တြးဂှ်ရ။

ပၞောဝ်ကဵုကွဳစက်ခြပ် (၃) ဖ္ဍိုက် ကၠုၚ်ကဵုပၞာန်ရီုတအ်ဂှ် ဒးလီုလာ်အာလဝ် မွဲဖ္ဍိုက်တုဲ သှ်ေ (၂) ဖ္ဍိုဂှ်လေဝ် ကလေၚ်ဆုတ်တိတ်အာလဝ်ရဂှ် ဓမံက်ထ္ၜးလဝ် ပ္ဍဲတၚ်လလောၚ်ရ။

သ္အာၚ်နူဂှ်ပၠန် ပ္ဍဲမွဲဗွိုၚ် ပွိုၚ်ဍုၚ်နံၚ်ၛောဂှ်လေဝ် ဒပ် TNLA တအ် ထိၚ်ဒဝ်လဝ်တုဲ ဒှ်ဒၟံၚ်ပေါဲဗတိုက်ဆေက်မုက်ကဵု ဒပ်ကံၚ်ဇြဳပၞာန် ခြာဟွံလအ်ဟွံလအ်ရဂှ် ဂွံတီကေတ်ရ။

ဂကောံမဟာမိတ်ကောဒေံ ပိဂကောံတအ်လေဝ် ပ္ဍဲကဵုပေါဲဗတိုက်ဏံ ပလီုပလာ်သီဂွံလဝ် ကွဳစက်ခြပ် (၇) ဖ္ဍိုက်မာန်လဝ်ရဂှ် လလောၚ်တြးလဝ်ရ။

ပရိုၚ် – သြၚ်လောန်တိုၚ်မ်

ဗီု -The Kokang