ၜဳကလေၚ်၊ နဝ်ဝေမ်ဗာ (၁၉)
ဂကောံအိန်ထံၚ်ဗၠာဲသၟိၚ် ကေုာံ ညးယိုက်ဝန် ဌာနမဆေၚ်စပ်တအ်ဂှ် ဟွံဂံၚ်မံၚ် ပ္ဍဲကဵုပ္ဍဲကဵုဗဒမ်လိုၚ် ညးယိုက်ဝန်ဌာနဆေၚ်စပ်တအ်တုဲ တိတ်မ္ၚးတုဲ ဒးမံၚ်ဒၟံၚ်ရဂှ် ညးစုက်လုက်ကဵု ပွဳဗွိုၚ်ညးယိုက်ဝန်တအ် ဟီုလဝ်ရ။
ဟိုတ်နူပရိုၚ်ကောန်ဒပ်စဵုဒၞာညးဍုၚ်ကွာန်တအ် လုပ်ဗတိုက်သီ ဍုၚ်ၜဳကလေၚ်တုဲ သ္ပတံနူ ဂိတုနဝ်ဝေမ်ဗာ ဒုတိယသတ္တဟာတုဲ ထ္ၜးဟိုတ်ကဵုပရေၚ်ဂီုကၠီုတုဲ စကာကဵုဆုဲပြံၚ်တိတ်လဝ် နူကဵုလိုၚ်ဗ္ဒမ်ညးယိုက်ဝန်တအ်ရဂှ် ဟီုလဝ်ရ။
ဗွဲတၟေၚ်မ္ဂး ဗဒိုပ်ဗၠာဲသၟိၚ်ၜဳကလေၚ်၊ ဗဒိုပ်ဗၠာဲသၟိၚ်တိဍာ်တောၚ်ဇြောန်၊ ဗဒိုပ်ဗၠာဲသၟိၚ်တိဍာ်ဝၚ်ကကဵု ဂကောံအိန်ထံၚ် ညးယိုက်ဝန်အုပ်ဓုပ်နာနာတအ်ဂှ် စကာကဵုဆုဲပြံၚ်လဝ်တုဲ ဌာနမဆေၚ်စပ်တၞဟ်တအ်လေဝ် ပါလုပ်ဒၟံၚ်ရဂှ် ဂွံတီကေတ်ရ။
အခိၚ်လၟုဟ်ဏံ ဂကောံကံၚ်ဇြဳပၞာန်တအ်ဂှ် ပ္ဍဲအရာပ်လ္တူဍုၚ်တအ်ကဵု သီုကဵုလ္ပာ်ပ္ဍဲကွာန်တအ်ဂှ် နကဵုကယျိုၚ်ယူနဳဖောၚ်သၟးဟွံသေၚ် သီုကဵုကယျိုၚ်ညးအရာပ်တအ်လေဝ် ဗက်လ္ၚတ်ဂၠိုက်ဂၠာဲဒၟံၚ် ပရိုၚ်ကောန်ဒပ်စဵုဒၞာညးဍုၚ်ကွာန်တအ်ရဂှ် ညးဒေသတအ်ဟီုလဝ်ရ။
ၜိုန်ရကၠောန်ရေၚ်တၠုၚ်ဒၟံၚ်ပရေၚ်စၟဳစၟတ် ဂီုကၠီုဗီုလၟုဟ်ဏံကီုလေဝ် ပ္ဍဲကဵုပွိုၚ်ဍုၚ်ၜဳကလေၚ်ဂှ် ညးဆက်စပ်ကဵုကံၚ်ဇြဳပၞာန်တအ်၊ ကောန်ဒပ်ဗၠာဲသၟိၚ်တအ်၊ ဒလာန်တအ်၊ ဗဒိုပ်ဗၠာဲသၟိၚ် သီုကဵုသၞေဟ်ကၚ်စၟဳစၟတ်တအ်ဂှ် ဒးဒုၚ်ဗတိုက်ဒၟံၚ် ခြာဟွံလအ်ဟွံလအ်ရ။
ပရိုၚ် – သြၚ်လောန်တိုၚ်မ်
ဗီု – CJ
sanlontai