သဓီု- နဝ်ဝေမ်ဗာ (၁၉)
ဟိုတ်နူပရိုၚ် ဒပ်စဵုဒၞာညးဍုၚ်ကွာန် PDF တအ်ကၠုၚ်လုပ်ဗတိုက် ပ္ဍဲပွိုင်ဍုင်သဓီု တွဵုရးဍုၚ်မန်တုဲ နူလ္ပာ်ကံၚ်ဇြဳပၞာန် ဟိုတ်နူပန်ဖျေံဒၟံၚ်လွဟ်ဇၞော်ဂှ်ရ ဓဝိၚ်ညးဒေသတအ် ဂၠိုၚ်တိုန်ဒၟံၚ်ရ။
သ္ပတံနူဂိတုနဝ်ဝေမ်ဗာ စၟတ်တ္ၚဲ (၁၇) အခိၚ်ဇိုၚ်သဝ်တ္ၚဲဂှ်တုဲ နူကဵုလ္ပာ်ကံၚ်ဇြဳပၞာန် ဒပ်အမၠံက် ဗ္ဒာဲကၟိုန်ဍာ်ဝါပါ ဂၠံၚ်တိတ် ဍုၚ်သဓီုဂှ်ကီု သီုနူတံဒပ် ပန်ဖျေံလဝ်လွဟ်ဇၞော် ဟွံအောန်နူ (၁၀) အလန်ရ။
လွဟ်ဇၞော်ဒပ်ကံၚ်ဇြဳပၞာန်တအ်ဂှ် ပန်ဖျေံဒၟံၚ် ပ္ဍဲလ္ပာ်ကွာန် ဒၞာဲညးဍုၚ်ကွာန်တအ် မံၚ်တန်တဴဒၟံၚ်ရဂှ် ညးဒေသတအ်ဟီုလဝ်ရ။
ဗော်သွးကောန်ဂကူကရေၚ် KNU လေဝ် ကြဴနူလလောၚ်တြးလဝ် ဒဒှ်ရချဳဒရာၚ်ပၞာန်ညးဍုၚ်ကွာန်တုဲဂှ် ဟိုတ်နူဗတိုက်ကၠုၚ် ဗဒိုပ်ကံၚ်ဇြဳပၞာန် နွံပ္ဍဲတိဍာ်တအ်ဂှ် မာန်ဒၟံၚ်တုဲ အကာဲအရာပရေၚ်ပၞာန်ကြံၚ်မ္ၚိုဟ်ကၠုၚ် မာန်ဒၟံၚ်ဂှ်ရ ပရေၚ်ညးဒေသတအ် ဒးဒှ်ဓဝိၚ် ဂၠိုၚ်တိုန်ကၠုၚ်ဒၟံၚ်ရ။
ညးယိုက်ဝန်ဌာနမဆေၚ်စပ် သၟဝ်တဲကံၚ်ဇြဳပၞာန်တအ်လေဝ် ပ္ဍဲကဵုရုၚ်ဌာနမဆေၚ်စပ်တအ်ဂှ် ဟွံတိက်မံၚ် ပ္ဍဲကဵုဗဒမ်လိုၚ် ညးယိုက်ဝန်တအ်တုဲ ဆုဲပြံၚ်မံၚ်တန်တဴဒၟံၚ် ညးသ္ကအ်ရဂှ် ဂွံတီကေတ်ရ။
ပ္ဍဲကဵုဂိတုတုဲကၠုၚ်တေံ ဟိုတ်နူဒပ်ပံၚ်ကောံတအ် လုပ်စိုပ်ဗတိုက်လဝ် ဗဒိုပ်ဗၠာဲသၟိၚ်တုၚ်ဇြယာတ်၊ သၞေဟ်ကၚ်စၟဳစၟတ် ဒူရေန်ဇြုက်တအ်တုဲ လ္ပာ်ကံၚ်ဇြဳပၞာန် ဟွံအောန်နူ (၁၀) တၠ ဒးချိုတ်လဝ်ရ။
ပရိုၚ် – သြၚ်လောန်တိုၚ်မ်
ဗီု -Twitter
sanlontai