သက်ကိုၚ်၊ နဝ်ဝေမ်ဗာ ၁၉
အလဵုအသဳညဳသၟဟ်ဂကူ လလောၚ်ပ္တိတ်လဝ်လိက်လလောၚ်တြးအမိၚ် ကုညးယိုက်ဝန် Non-CDM သၟဝ်တဲကံၚ်ဇြဳပၞာန် မၞုံအပ္ဍဲရးသက်ကိုၚ် ဂကောံဇြဟတ်ပၠန်ဂတးတံ မသီဂွံလဝ်တံ သွက်ဂွံလုပ်စိုပ်ကၠုၚ် ပ္ဍဲကဵုဂကောံအုပ်ဓုပ်ပွိုၚ်ဍုၚ် မဆေၚ်စပ်တံဂှ်ရ။
လိက်ပၟိၚ်လလောၚ်တြးဏံဂှ် လလောၚ်ပ္တိတ်လဝ် ပ္ဍဲဂိတုနဝ်ဝေမ်ဗာ ၁၆ တေံရ။
ဂကောံဇြဟတ်ပၠန်ဂတး မလုပ်ဒၟံၚ်ပေါဲဗ္တိုက်သီဍုၚ်တံဂှ် ချဳဒရာၚ်ဒၟံၚ်ပရေၚ်ပၞာန် အလုံဍုၚ်ဗၟာ “ဇွိုန်လပှ်ပၠန်ဂတးညးဍုၚ်ကွာန်” မွဲတုဲမွဲ နကဵုအသိၚ်အလိုန် သ္ကာတ်တ်ရ။
ဟိုတ်ဒှ်သာ်ဂှ်ရ နကဵုညးယိုက်ဝန် Non-CDM သၟဝ်တဲကံၚ်ဇြဳပၞာန် မၞုံအပ္ဍဲရးသက်ကိုၚ်တံ ပအပ်ပြာပ် လိက်စရၚ်စၟတ်သမ္တီ ဌာနမဆေၚ်စပ်ဂမၠိုၚ် ပ္ဍဲကဵုဂကောံအုပ်ဓုပ်ပွိုၚ်ဍုၚ်တံဂှ်တုဲ သွက်ဂွံလုပ်ကၠုၚ်လ္ပာ်ပၠန်ဂတးတံအိုတ်ဂှ် ဖ္တိုက်ဖ္အောဝ်လဝ်ရ။
နကဵုညးယိုက်ဝန် Non-CDM ဂမၠိုၚ် နဒဒှ်အခေါၚ်အရာလက္ကရဴအိုတ် အလဵုအသဳညဳသၟဟ်ဂကူ မကဵုအာဂှ်တုဲ သွက်ဂွံဒတူလိုၚ် လ္ပာ်ညးဍုၚ်ကွာန်တံဂှ်ကဵု ယဝ်ရဟွံဒ္ဂေတ်ဗက်ရေၚ်တၠုၚ်မ္ဂး ကေတ်အာအရေဝ် နကဵုသၞောဝ်မတန်တဴဒၟံၚ်တံ ဗွဲမသ္ကာတ်မြဟ်ဏောၚ်ဂှ် လလောၚ်ပ္တိတ်လဝ်ရ။
ပရိုၚ်−သြၚ်လောန်တိုၚ်(မ်)
ဗီု−Social Media
sanlontai