ဟိုတ်နူပေါဲဗ္တိုက်ရခေၚ်တံတုဲ ပ္ဍဲမဂွဵု ဒပ်ကံၚ်ဇြဳပၞာန် ပလေဝ်ကၠုၚ်ပၞာန်ဒုၚ်

မဂွဵု၊ နဝ်ဝေမ်ဗာ ၁၉

ဒပ်ပၞာန်ရခေၚ် AA ဟိုတ်နူကၠောန်သ္ပဗ္တိုက်သီဒၟံၚ် ကုဗ္ဒိုပ်ဒပ်ကံၚ်ဇြဳပၞာန် တွဵုရးရခေၚ်တံဂှ်တုဲ ပ္ဍဲကဵုဒၞါဲ မစုက်လုက်ဒၟံၚ်ကဵု ဒဵုရေၚ်ရခေၚ် ပ္ဍဲကဵုရးမဂွဵုဂှ် ဒပ်ကံၚ်ဇြဳပၞာန် ပလေဝ်ကၠုၚ်ပၞာန်ဒုၚ်ဂှ် ညးဒေသတံကဵု ဂကောံစဵုဒၞါတံ ဟီုကၠုၚ်ရ။

ပ္ဍဲကဵုသ္ကုတ်ဂၠံၚ် ၚဖေဝ်−အာမ် မဆက်စပ်ဒၟံၚ်ကဵု ဌာန်ဂအုပ်ပၞာန်အာမ်ဂှ် မ္ၚးနူပပဵုပ္တိုန်လဝ်ဂီုကၠီုတံဂှ် ပ္ဍဲကဵုမွဲဒမြိပ်ဂၠံၚ် ဖာသီ−မုၚ်ယဲဂှ်လေဝ် ၜံက်ခါဲကၠုၚ်ဂဒုက်တံဂှ် ဂွံတီကေတ်ရ။

ဒပ်ကံၚ်ဇြဳပၞာန် ကၠောန်ၜိုတ်ဒၟံၚ်သာ်ဏံဂှ်ဝွံ ဟွံမိက်တိတ်မုက်ပၞာန်တုဲ ထ္ၜးဒၟံၚ်ဟိုတ်ကၠောန်ဒၟံၚ်ရောၚ်ဂှ် ဂကောံဒပ်စဵုဒၞါတံ သ္ဂးလဝ်တုဲ လ္ဂောံကဵုအကာဲအရာတိဍာ်တံဂှ်လေဝ် ညိၚ်ဝတ်ဒၟံၚ်ရောၚ်ဂှ် ဂွံတီကေတ်ရ။

“ပလံၚ်လဝ်လိက်ဒမၠုက် ဗ္ဒိုပ်ဗၠာဲသၟိၚ်တံဂှ် ဂွံတီကေတ်ရ။ နူဏေံတေံရ ဃရက်ဃရက်ဂှ် ပျူသဝ်ထဳတံ ပန်မသုန်တၠ ခါဲဒၟံၚ်ဂဒုက်ဂှ် အတေံမွဲဂကောံ အဏံမွဲဂကောံရ။ ဖျေံလဝ်ကၚ်ဒမၠုက်တံရ။ ဒၞါဲၜံက်လဝ်ဂဒုက်တံဂှ်တှ်ေ ဒှ်ဒၟံၚ်ဒၞါဲဂြိပ်လောဲတံသၟးရဏောၚ်။ လ္ပာ်ရခေၚ်ဂှ်တှ်ေ ဒှ်ပေါဲဗ္တိုက်တုဲမ္ဂး ကၠောန်ဟဂှ်အိုတ်ရ” သာ်ဝွံ ညးဒေသမွဲတၠ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။

ကဵုလဝ်ပျူသဝ်ထဳတံ လွဟ်တဲပန်မွဲဝါတံဂှ်လေဝ် ဂွံဆဵုကေတ်ရောၚ် သ္ဂးလဝ်တုဲ အာကၠုၚ်ဒၟံၚ် လ္တူဂၠံၚ် နကဵုလွဟ်လက်နက်တံ နွံဂှ်လေဝ် ဂွံတီကေတ်ရ။

အခိၚ်လၟုဟ်ဂှ်လေဝ် ဟိုတ်နူပရိုၚ် ဂကောံဒပ်စဵုဒၞါညးဍုၚ်ကွာန်တံ ကၠုၚ်စိုပ်ဗ္တိုက် ဗ္ဒိုပ်ဗၠာဲသၟိၚ် ပွိုၚ်ဍုၚ်ပွိဖျူတံကဵု ပွိုၚ်ဍုၚ်သလေန်တံ မံက်တိတ်ဒၟံၚ်ဂှ်တုဲ ညးဒေသတံလေဝ် အာကၠုၚ်တရဴ ဟွံမွဲပုဟ်ဂှ် ဂွံတီကေတ်ရ။

သ္အာၚ်နူဂှ်ပၠန် ကောန်ဒပ်ကံၚ်ဇြဳပၞာန်တံ ချဳဒရာၚ်ဒၟံၚ် ပ္ဍဲကဵုဂြိုပ်ဆု ဗ္ဒါဲဂၠံၚ်ဖာသီ−မုၚ်ယဲ အပ္ဍဲခရိုၚ်သရက် ရးမဂွဵုဂှ် ဂွံဆဵုကေတ်လဝ်ဂှ် ညးဒေသတံ သ္ဂးရ။

စပ်ကဵုလ္ပာ်ကံၚ်ဇြဳပၞာန်တံ ပလေဝ်ပလေတ်ဒၟံၚ်သာ်ဏံဂှ်တုဲ ကောန်ဒပ်စဵုဒၞါမွဲတၠဂှ် ကောန်ဒပ်ကံၚ်ဇြဳပၞာန် နူကဵုတိဍာ်ၜိုဟ်သြိုဟ်ဒၟံၚ်တံဂှ်ဝွံ ဒၟါနူဟွံမိက်တိတ်မုက်ပၞာန် ပ္ဍဲကဵုတွဵုရးရခေၚ်ကဵု ရးသေံသၟဝ်ကျာတံဂှ်တုဲ ပလေဝ်ပလေတ်ထ္ၜးစဒၟံၚ်တံ ဒှ်မာန်ဂှ် ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။

ပရိုၚ်−သြၚ်လောန်တိုၚ်(မ်)

ဗီု−Social Media