ဗဒိုပ်ဗၠာဲသၟိၚ်ဒိုဝ်ပေန် နံၚ်ၛော ဒးဒုၚ်ဂြာတ်ထောံဖျေံဗုမ်ဇြဟတ်ပလီုသ္ကာတ်၊ ဂၠုဲပၞာန် ပန်တၠ ဒးချိုတ်လဝ်

နံၚ်ၛော – နဝ်ဝေမ်ဗာ (၂၁)

ဗဒိုပ်ဗၠာဲသၟိၚ်ဒိုဝ်ပေန် ပွိုၚ်ဍုၚ်နံၚ်ၛော၊ တွဵုရးသေံသၟဝ်ကျာဂှ် ပ္ဍဲကဵုဂိတုနဝ်ဝေမ်ဗာ စၟတ်တ္ၚဲ (၁၉) အခိၚ်ဗ္တံဂှ် ဟိုတ်နူကံၚ်ဇြဳပၞာန် ကၠုၚ်ဂြာတ်ထောံဖျေံဗုမ် ကဵုက္ၜၚ်ကျာတုဲ ဂၠုဲပၞာန်ထိၚ်ဒဝ်လဝ် ပ္ဍဲကဵုဗဒိုပ်ဂှ် (၄) တၠ ဒးချိုတ်လဝ်တုဲ ဒးလဝ်ဘဲဝပ် (၁၀) တၠရဂှ် TNLA လလောၚ်တြးလဝ် ပရိုၚ်ရ။

ဗဒိုပ်ဗၠာဲသၟိၚ်ဒိုဝ်ပေန်ဂှ် နွံတန်တဴဒၟံၚ်ပ္ဍဲဒေသပၞာန် ဒပ်မဟာ (၂) ပွိုၚ်ဍုၚ်တအာၚ်တုဲ TNLA ကဵု PDF မာန္တလေဝ် တအ် ဗတိုက်သီကေတ်တုဲ ဒှ်ဒၞာဲထိၚ်ဒဝ်လဝ်ဂၠုဲပၞာန် ရပ်ဂွံနၚ်လဝ်နူလ္ပာ်ကံၚ်ဇြဳပၞာန် ကဵု ညးကဵုပရိုၚ်တအ်ရဂှ် ဂွံတီကေတ်ရ။

ဗုမ် ၅၀၀ ပံၚ် ဇြဟတ်ပလီုသ္ကာတ်မြဟ် နူလ္ပာ်ကံၚ်ဇြဳပၞာန် ဂြာတ်ထောံဖျေံလဝ်ဂှ် ဟိုတ်နူဒတုံစှ်ေ ပါ်ခတိုဟ်လဝ် ပ္ဍဲလ္တူဗဒိုပ်ဗၠာဲသၟိၚ်တပ်တပ်ဂှ်ရ ဂၠုဲပၞာန်တအ် ဒးချိုတ် ဒးလဝ်ဘဲဝပ် က္တဵုဒှ်လဝ်တုဲ အကာဲအရာပရေၚ်ဇီုကပိုက် လ္ပာ် TNLA ကဵု ဂကောံပံၚ်ကောံတအ်ဂှ်မ္ဂး ဓမံက်ထ္ၜးလဝ် ဟၟဲရ။

စပ်ကဵုအကာဲအရာဏံတုဲ နကဵုသြၚ်လောန်တိုၚ်မ် ၜိုန်ရဆက်စၠောံသၟာန်လဝ် လ္ပာ် TNLA နကဵုဖုၚ်ကီုလေဝ် ဟွံဂွံလဝ် အဆက်စၠောံရ။

ပရိုၚ် – သြၚ်လောန်တိုၚ်မ်

ဗီု – TNLA