ဗဒိုပ်ကံၚ်ဇြဳပၞာန် မၞုံဒဵုကနေဒဳ ပွိုၚ်ဍုၚ်တဳတုၚ် တွဵုရးချေၚ် ဒးဒုၚ်သီကေတ်လဝ်

တဳတုၚ်၊ နဝ်ဝေမ်ဗာ( ၂၂)

ဗဒိုပ်ကံၚ်ဇြဳပၞာန် မၞုံဒဵုကနေဒဳ ပွိုၚ်ဍုၚ်တဳတုၚ်၊ တွဵုရးချေၚ် ဒးဒုၚ်ဗတိုက်သီကေတ်လဝ်ရဂှ် Zoland PDF လလောၚ်တြးလဝ် ပရိုၚ်ရ။

တ္ၚဲဏံ အခိၚ်နူဂယး ၜိုတ် (၄) နာဍဳဂှ် ဗဒိုပ်ကံၚ်ဇြဳပၞာန် မၞုံဒဵုကနေဒဳ ပွိုၚ်ဍုၚ်တဳတုၚ် ဂှ် Zoland PDF အာစိုပ်ဗတိုက်လဝ်တုဲ ပ္ဍဲအခိၚ်နူဂယး ၜိုတ် (၆) နာဍဳဂှ် သီကေတ်မာန်လဝ်ရ။

ပ္ဍဲပေါဲဗတိုက်ဏံ ကောန်ဒပ်ကံၚ်ဇြဳပၞာန် ဟွံအောန်နူ (၂) တၠ ဒးချိုတ်လဝ်တုဲ ပါဲနူရပ်ဂွံလဝ် (၁)တၠဂှ် သီုသီဂွံလဝ် လွဟ်ဇၞော်လ္ၚဵု ပါလုပ်သီု ၄၀-မမ ကဵု မကမ်ဗွဲမဂၠိုၚ်ရ။

သ္အာၚ်နူဂှ်ပၠန် ပ္ဍဲကဵုအခိၚ်ဒေါဝ်တ္ၚဲ ၜိုတ် (၁၂) နာဍဳဂှ် နူကဵုလ္ပာ်ကံၚ်ဇြဳပၞာန် ဗတိုက်လဝ်ကဵုက္ၜၚ်ကျာ Mi-35 တုဲ ပ္ဍဲကဵုပေါဲဗတိုက်သီဗဒိုပ်ဂှ် သ္ဂံၚ် Zoland PDF (၁) တၠ ဒးပြဟ်လလုဲလဝ်ရဂှ် ဓမံက်လဝ် ပ္ဍဲတၚ်လလောၚ်တြးရ။

ပရိုၚ် – သြၚ်လောန်တိုၚ်မ်

ဗီု – Zoland PDF