ကလေၚ်ပလံၚ်ဖျဴလဝ် ဌာန်ဒၟံၚ် ညးယိုက်ဝန် ကေုာံ ဂကောံအိန်ထံၚ် နူတက္ကသိုလ်လွိုၚ်ကဝ် ၁၀၇ တၠ

လွိုၚ်ကဝ်၊ နဝ်ဝေမ်ဗာ (၂၅)

ညးယိုက်ဝန် Non-CDM ကေုာံ ဂကောံအိန်ထံၚ် နူတက္ကသိုလ် လွိုၚ်ကဝ်၊ တွဵုရးကရေၚ်ဍာဲ ၁၀၇ တၠတအ်ဂှ် ကဵုထ္ပက်စၟတ်တဲတၚ်ဒုၚ်ဝန်တုဲ က္လေၚ်ပလံၚ်ဖျဴလဝ် ဌာန်ဒၟံၚ်ရဂှ် ကံၚ်ဇြဳအုပ်ဓုပ်ကာလအကြာကရေၚ်ဍာဲ (IEC) လလောၚ်တြးလဝ် ပ္ဍဲဂိတုနဝ်ဝေမ်ဗာ စၟတ်တ္ၚဲ (၂၄) ရ။

အခိၚ်စချဳဒရာၚ်ပၞာန် ၁၁.၁၁ ဂှ် ညးယိုက်ဝန် ကေုာံ ဂကောံအိန်ထံၚ် တက္ကသိုလ်လွိုၚ်ကဝ်ကဵု ဘာသိပ္ပံကွတ်စက်ကွတ်တဲ ၂၀၄ တၠဂှ် ဒပ်ပံၚ်ကောံ ဂကောံဇြဟတ်ပၠန်ဂတးတအ် ရီုပ္တိတ်လဝ်ရ။

ပ္ဍဲကဵုဂှ် ညးယိုက်ဝန် ၇၀ တၠကဵု ဂကောံအိန်ထံၚ် ၃၇ တၠတအ်ဂှ် နူဂကောံ “ပရေၚ်စၟဳစၟတ် ဆေၚ်ကဵု Non-CDM” စၟဳစၟတ်လဝ်တုဲ ဟွံပါလုပ်ချဳဒရာၚ် ပ္ဍဲယန္တရာကံၚ်ဇြဳပၞာန်ရဂှ် ထ္ပက်စၟတ်တဲတၚ်ဒုၚ်ဝန်တုဲ ညံၚ်ဂွံက္လေၚ်စဴဌာန်ဒၟံၚ်မာန် စဳဇန်ကဵုလဝ်ရဂှ် ဂွံတီကေတ်ရ။

ညးယိုက်ဝန်ကဵု ဂကောံအိန်ထံၚ်ညးတအ် သှ်ေဒၟံၚ်တအ်ဂှ်လေဝ် အခိၚ်စၟဳစၟတ်သၟာန်သၟုက် အရာနွံပၟိက်တအ်တုဲမ္ဂး ညံၚ်ဂွံက္လေၚ်စဴ ဌာန်ဒၟံၚ် ဆက်စဳဇန်ကဵုဒၟံၚ်ရဂှ် လလောၚ်တြးလဝ်ရ။

ပရိုၚ် -သြၚ်လောန်တိုၚ်မ်

ဗီု – ကံၚ်ဇြဳပရေၚ်အုပ်ဓုပ်ကကာလအကြာကရေၚ်ဍာဲ (IEC)